世事政情

　　【晴報專訊】應屆港姐亞軍兼最上鏡小姐王怡然（Lynn），遭內地網民大爆其父母疑騙財千萬後走佬到香港，一眾苦主更大爆王父月花三萬為Lynn租樓。一度缺席活動避是非的Lynn昨日終於現身，一臉憔悴的她強裝笑容，惟依然「龜縮」拒絕受訪。

王怡然消瘦及面容憔悴，笑容牽強。

　　王怡然連番被爆醜聞，經營內地補習社的雙親涉嫌拖欠薪金及呃學費共過千萬元，其父王召軍為保女兒終肯回應，揚言身無物業可變賣，又承諾邊打工邊二次創業，努力賺錢還債。但內地苦主並不收貨，力斥王父用苦主的血汗錢，月花三萬在港租樓給女兒住，令事件火上加油。此外，Lynn被挖出昔日怒罵侍應的抖音短片，其猙獰兇狠的模樣跟選美的甜美形象完全相反，被網民嘲諷雙面人。

王怡然在抖音片中七情上面鬧人，跟選美形象反差甚大。(網上圖片)

　　上月底Lynn受訪爆喊後一直「潛水」，直至昨日才現身，與冠軍莊子璇、季軍王敏慈及友誼小姐姜依宁連走兩場領獎。拒絕受訪的Lynn一臉疲態，全程勉強擠出笑容，回答司儀問題時亦十分驚青。問到得獎感受，她說︰「好開心，好驚喜。」又表示美容心得是多喝水和睡覺。至於莊子璇、王敏慈及姜依宁一起受訪，問莊子璇可有安慰Lynn？她說︰「佢應該handle到，我知佢爆喊，當日我喺佢隔籬。」

（左起）姜依宁、王怡然、莊子璇及王敏慈昨日齊人現身。

王敏慈承認借出朋友

　　提到莊子璇自己亦是非不斷，有網民批評她的鼻子和身材，她說︰「五官唔會完美，世上亦無人完美，我會做好自己。」對於網民狠批她打扮MK，她笑說︰「MK係好事，呢個係香港文化，正宗MK都唔錯。我都係年輕一代打扮，外間comment唔會影響到我。」此外，有指Lynn在決賽當晚借來王敏慈的朋友充撑場面，王敏慈直認該兩名女生是自己的朋友，「選美嗰陣我有介紹畀Lynn識，都係佢嘅網上朋友，年輕人好快熟落。」莊子璇與王敏慈同樣仍是學生，就讀港大營養系最後一年的莊子璇，坦承昨日要走堂才能出席活動，「我聽日（今日）要走三堂，但唔擔心影響學業，希望公司開個營養嘅節目畀我實習。」而王敏慈則要中港兩邊走，才能兼顧學業及事業。

莊子璇（中）不介意被取笑打扮MK，笑言是香港文化。

　　早前沙田賽事的錦標賽「TVB盃」在沙田馬場盛大舉行，TVB派出大批藝員盛裝出席，包括陳展鵬、譚俊彥、周嘉洛、何廣沛、丁子朗、周吉佩、朱晨麗、高海寧、陳煒及應屆香港小姐莊子璇、王怡然、王敏慈及姜依宁等，而胡楓（修哥）更化身財神，向在場的賓客大派利是，非常歡樂。是日賽事其中第八場1400米是「TVB盃賽事」，大會特別安排TVB高層許濤、曾志偉、蕭世和率領高海寧、陳展鵬及四位香港小姐落去終點位置近距離欣賞賽事。

（大會提供）

（大會提供）

　　高海寧（高Ling）和陳展鵬首次走到沙圈位置，近距離欣賞出賽馬匹出場前的形態，以藍色貼身連身裙示人的高Ling大感興奮，跟在場的人士大談馬匹狀態，更一見鍾情特別睇好11號的「朗朗乾坤」，身旁的馬會行政總裁應家柏就全程細心為她同陳展鵬講解，搞到高Ling愈來愈興奮，好想投注。直至走到終點區，馬會行政總裁應家柏分享三個心水號碼3、9及11，不過就講明11號上次試過在閘口不肯跑，未知今次發揮如何，於是得到「貼士」的高Ling不斷問：「我係咪可以買？但我冇APP喎，點算？好想買喎！」

　　有人建議高Ling搵獎門人曾志偉幫手買，高Ling就拜托曾志偉買11號獨贏同3、9、11號位置，就興奮去睇賽事，見到最終11號繼續不肯跑，但3號「增有」及9號「巴閉哥」真的贏出，特別是3號「增有」在最後直路衝上前贏埋2號同9號，非常精彩！完場後，高Ling興奮以為自己贏家，但曾志偉說：「買唔到呀！買唔到呀！我本身諗住幫你買3、9、11呀，點知撳300蚊之後買唔到喇，佢就開跑喇！真係陰公！」高Ling說：「Yeah！買唔到呀！唔緊要啦！（當）中咗呀喇！」

　　雖然未能寓工作於發個新年財，不過高Ling都一樣開心。而TVB盃頒獎時，冠軍3號「增有」練馬師正正是賀賢，他交由2009年港姐亞軍太太李姿敏在曾志偉手上領過獎盃。而莊子璇將獎盃頒給騎師艾道拿，而對方則送花給莊子璇「回禮」。

（大會提供）

（大會提供）