世事政情

　　「金牌司儀」林盛斌（Bob）近年在YouTube開設Channel，以正能量訊息希望可以影響大眾，相當有心。不過他的照片和影片就經常被盜取成為「騙徒」的工具。繼早前不斷「被」成為金融講座嘉賓之後，近日再「被代言」金融機構拍廣告，激到Bob要撰長文澄清，又寸爆對方一個微細位就已經踢爆係疑似騙局，事件公開後，結果亦相當有趣。

　　Bob認為近日市道麻麻，所以近日很多「騙徒」出嚟搵食，他力斥突然「被代言」一事，更罕有公開點名相關的機構，「你哋喺完全冇經過我同我公司嘅同意下，唔知係邊度攞咗幾張我嘅相走去用，我就真係覺得過分咗少少，唔係太好嘅。當我個經理人聯絡你哋嘅時候，傾咗幾句然後你哋竟然玩cut線？好啦，既然你咁想我幫你哋做宣傳，我就盡我『被代言人』嘅責任，等多啲人知道同認識你哋公司啦。」

　　Bob踢爆這家公司其中一項可疑位，令網友一眼就分辨出到底是否騙徒，他續言：「你話你公司喺國際金融中心二期86樓咁型，但係email個尾竟然係用 yahoo.com，其實聰明少少嘅人都已經唔會上當㗎啦，同埋就算你哋偷，都用啲新少少嘅相啦大佬，你用嗰啲相，有啲真係好多年前㗎嘞，呃人都花少少心思，做少少功課啦唔該，四個字形容你哋，不知所謂。我重申：我冇幫過呢間公司拍廣告，亦唔係代言人。」

　　Bob接受《晴報》訪問，他回覆說：「其實我都唔知嗰邊而家係乜嘢環境，成件事係有網民喺網上面見到，然後私訊問我係咪幫呢間財務公司拍廣告，係咪代言人，因為佢想借錢，問我係咪信得過，我先知道有件咁嘅事。然後我話俾經理人知，佢馬上打電話去了解到底點解冇經過我哋同意，就擅自攞咗啲相作商業推廣用途，不過傾咗幾句唔夠，對方就cut線，咁我都幾肯定呢啲係呃人㗎啦！如果間公司真係喺國際金融中心二期86樓，個email就唔會用yahoo咁流啦，同埋有朋友話俾我知嗰度應該係金管局其中一層寫字樓嘅地址，所以應該所有資料都係假㗎嘞。」

　　Bob透露我出完個post之後，該「公司」的電話已經打不通，網址又load唔到，他說：「而家件事交咗俾公司同事處理，會徵詢法律意見再採取下一步嘅行動，因為實在唔能夠姑息呢啲騙子。（成日被利用做騙案「主角」點算？）其實對付呢啲事件，又真係冇乜嘢特別嘅對策，都係見招拆招，我在明，人哋在暗，如果下次再見到類似嘅情況，唯有用自己嘅方法喺社交平台嗰度馬上澄清同聲明，等多啲人知道，減少其他人被騙嘅機會，當然最希望執法機關可以落力重點打擊呢啲網上騙案，因為實在有太多呢啲case不斷出現，唔單只係我，好多人都受影響。」他表示由於他早前真心為朋友Bonnie推介她的網上課程，教大家管理財務，可惜影片遭到不法之徒利用作為騙財工具，令Bonnie的課程同相關照片都被盜用，「最慘係有啲人都誤會咗Bonnie嘅課程都係呃人嗰啲，所以佢都好無辜受到牽連。」

　　 周末有不少人問我，香港已經變成國際金融中心「遺址」，我有甚麼打算？有人更提議我應該賣走晒所有物業，移居去美國英國。我話到了香港成為「遺址」的時候才考慮，到時可能我的資產已經變成遺產，香港未死，又點可以稱香港是國際金融中心「遺址」？
　
　　 有人話唔係佢講，係「小紅書」講。老實說，「小紅書」點講都得，而且撰文的應該不是內地人，有機會是移英港人，他們離開了香港，當然希望香港失去國際金融中心地位。以內地人的中文水平，唔會用「遺址」咁丟架，即使上海、廣州、深圳超越香港，資金可以自由進出，令香港失去國際金融中心作用，他們只會用國際金融中心「原址」來形容香港，不會用「遺址」。由此可見，「遺址」是由有心人寫，目的是破壞中港兩地的情誼。

有心人在網上稱香港為國際金融中心「遺址」，目的是破壞中港兩地情誼。(Shutterstock)

　
　　 近日台股指數彎道超越港股，但台灣人仍然唔敢話自己是國際金融中心，自己知自己事。資金入境台灣很容易，出境很困難，如果用那些地下渠道，不但很容易惹上官非，而且會給予電騙集團機會，向那些曾經以地下渠道將資金匯出台灣的人下手。
　
　　 雖然「紐倫坡」代替了「紐倫港」，但新加坡仍然唔敢話自己是國際金融中心。雖然資金可以自由進出，但股市成交金額每日只得10億坡元，如果稱自己為國際金融中心，因住會笑大人個口。新加坡以資產管理為主，叫國際金融產品中心就差不多。
　
　　 如果香港成為國際金融中心「遺址」，代表國家富強，資金可以自由進出大陸，股市成交量有番咁上下，有令人放心的完善法律制度，香港在那時候功成身退，成為「遺址」又何妨？但我相信，莫講是「遺址」，即使是「原址」，都要等一段長時間。