世事政情

　　TVB歌唱比賽節目《中年好聲音2》決賽《中年好聲音2登峯之戰》賽果塵埃落定，古淖文奪得冠軍寶座，一直被視為大熱嘅譚輝智飲恨得亞軍，而顏米羔就得季軍。古淖文15年前參加《亞洲星光大道》比賽僅得到第五名，今次吐氣揚眉奪冠後，不少網友翻看他當年參賽的影片作對比，同樣是古淖文、同樣是肥媽做評判，感覺好似時光機一樣。

　　古淖文、譚輝智及顏米羔完騷後接受訪問，古淖文表示：「我仲未接受到，睇完評判畀全部都係20分，我真係抖唔到氣，啲眼水係咁嚟，好彩米羔即刻叫我唔好喊，頂住。而家仲係一片空白，覺得真係我咩？雖然比賽好漫長，但係真係好興奮，好多謝。（吐一口氣？）今次我冇諗要贏定輸，去到108強只係想一路去唱，聽到自己三甲就覺得爽喇，我可以唱英文歌喇，真係可以喺台做一次自己，唱完好爽腎上線爆燈！唔理冠亞季，唱咗就好興奮！」他坦言自己已經戒口8個月，完騷慶功最想食辣嘢、炸嘢及薯片，全部塞入口，他透露大家都已經簽約TVB在香港發展，至於會否再一次搬來香港就遲少少再決定。

　　輝智完成比賽後特別跳脫，記者要求再表現舞步，他毫不猶豫扭身扭勢，更教古淖文和顏米羔一齊跳，心情High爆，他表示：「好開心又好漫長，覺得能夠去到最後已經好感動。跳舞對我嚟講係難，但原來多啲練習其實有可能，我好滿意，（跳舞忍唔到笑？）專登呀，冇理由全程苦瓜乾咁呀嘛！（日後向跳唱歌手發展？）咁又未！」不過身邊古淖文和顏米羔起哄大表期待，更稱呼輝智為「舞林至尊」。提到評判指輝智揀錯歌唱張天賦《記憶棉》，他表示：「其實我一直成個比賽都係唱舊歌多，咁最尾我想唱番啲新歌挑戰，可能未必適合某啲歌，都對得住自己。」至於顏米羔賽前突然被爆有兄弟喺網上以按摩優惠「賄選」，又被指買粉絲，最終未有影響他的表現成功得到季軍，他說：「三甲就興奮到爆，由頭到尾就係想入三甲可以唱多首歌，名次唔係在乎，心情冇受影響，上到台就要對觀眾負責，做好表演。而家最想舒舒服服食一餐邊爐，大把人話我瘦咗，乜都冇做瘦咗！」

　　古淖文2009年參加亞視舉辦的《亞洲星光大道》比賽，當時同樣是肥媽做評判，兩人認識十多年，所以今次《中年好聲音2》再參賽時，古淖文一直被網友指是「肥媽契仔」擁有特權。昨晚古淖文表現超水準贏得冠軍寶座，不少網友即時翻睇他當年的比賽片段，果然台風造型都相當浮誇，相比起如今36的他，現時穩重得多。當年《亞洲星光大道》古淖文只得第五名，當年的冠、亞、軍季分別是羅力威、亢帥克及蔡梓銘。

　　至於黃劍文、安雅希、陳俞霏和沈宗賢雖然未能打入三甲，但都已經簽約無線繼續發展，黃劍文表示沒有失望，滿意自己的演出，可惜是生病足足一個多月，聲線未復元影響表現，但他已經盡力，未來希望唱歌、拍劇和綜藝各方面多挑戰。至於來自馬來西亞沈宗賢會留港發展，已經搵好地方居住在劍文附近，大家成為街坊互相照應。安雅希表示比賽以來減肥足足53磅，但由於決賽的關係，減肥暫停，但未來目標希望再減20磅。她表示明白評審不想她減肥太劇烈影響運氣的表現，所以未來會慢慢減，不會太急進。

　　高海寧（高Ling）一向是圈中的孝順女，過往就算工作幾忙，她都會經常抽空飛南京探望外公外婆，因為她由兩位帶大，感情深厚。可惜外公2021年不幸離世，令高Ling相當傷心，亦更加憂心外婆的生活。高Ling學懂珍惜眼前人，現時工作和家庭生活都分配好時間，只要一有空閒放假的日子，要會陪伴在港的父母，或者飛去南京探望婆婆。

　　近日，高Ling獲邀成為容祖兒、蔡卓妍及鍾欣潼節目《因為是朋友呀2》嘉賓，不單止分享自己入行的心路歷程，更特別帶同父母同行，跟幾位好朋友一齊為父母圓夢，場面非常感動。高Ling透露原來一直想幫父母補拍婚紗相，但一直都搵唔到機會，今次終於願望成真，她留言說：「一直想幫爸爸媽媽補拍婚紗照，這個小小心願終於達成了！感謝Mani邀請拍攝 《因為是朋友2》，才能借機促成了這樁美事。Joey、阿Sa、阿嬌幫我媽媽化美美的妝，她們還負責教我爸媽擺pose。照片是我自己拍的唷！主要是因為爸媽面對我相對比較放鬆啦！原來世間真的有『夫妻相』這一說，那不然真的解釋不了他倆的表情是如何保持高度一致的，哈哈哈！」照片中，高Ling的媽媽化起妝來，非常高雅大方，而且樣子跟高Ling似到「餅印」一樣，兩母女都相當可愛又靚女。

　　面對父母的感情，高Ling都有感而發，「一整天的粉紅泡泡瀰漫在空氣中，最窩心的愛情不過如此，不離不棄，堅守彼此，一步一步，牽著手慢慢走，不經意間已一世，願我們都能遇到靈魂契合的soulmate！（靈魂伴侶）」不過近日高Ling正忙於為《武林》開工拍攝，早前在山頂拍外景時抽空檔開直播，跟粉絲和網友們傾偈，期間有網友向她催婚，高Ling即將聲線高八度反駁：「點解係人都問我幾時結婚啫？點解一定要結婚啫？冇男人唔得呀而家？」相當霸氣。