世事政情

　　41歲「晶女郎」文凱玲（Connie）上月14日與拍拖五年的圈外男友Jason於五星級酒店舉行婚宴，筵開23席，相當有人緣；事隔一個月左右，Connie就宣布成功追龍B，恭喜恭喜！

　　Connie結婚時仲係着貼身婚紗，盡現纖腰，一個月後嘅肚皮已經極速「吹脹」好似有咗7個月咁！隨產期逼近，Connie都密鑼緊鼓選擇孕婦同BB用品，包括BB餐椅同奶樽消毒機等。

　　Connie表示自己從小都好鍾意小朋友，本身計劃後生啲就做媽媽，但最終都未能如願：「由細到大都好鍾意BB ，細個仲諗18歲就要生第一個，結果28歲38歲都未有。」雖然婚後咁快見肚，但Connie並唔係「奉子成婚」：「幾年前訂婚之後就已經開始計劃生BB，但係又諗住想結咗婚先，因為疫情同工作關係一等又再過咗幾年。」

　　Connie都好感恩可以咁順利懷孕，家中「長老」都好高興：「聽好多人話唔係想有就有，所以籌備婚禮嘅同時亦都開始造人計劃，結果好快就有好消息！屋企人都好開心，阿媽成日都煲湯俾我飲，奶奶準備咗好多BB衫同書。最近個肚越嚟越明顯，好多人恭喜我嘅同時亦會問點樣備孕。」

　　演員文凱玲（Connie）劇集《狀王之王》中飾演青樓「倚春閣」的老闆娘葉三娘，獲觀眾大讚有氣質，尤其是去年播出的《一舞傾城》中，Connie雖然同樣飾演妓女的角色Money，不過兩者的性格就大為不同，Connie都成功駕馭，難怪不是女主角都一樣出眾。

（文凱玲IG）

　　41歲的Connie近日放口風終於有「嫁期」，事關其實早於4年前她已經接受加拿大的外籍男友Jason求婚，不過由於工作太忙，再加上疫情的關係，婚事一拖再拖。近日，Connie完成過大禮儀式，正式準備做靚靚新娘。Jason雖然在外國長大，不過他堅持為未婚妻跟足中國傳統辦過大禮儀式，更相當「重手」準備大批金器、花膠海味等，加上其他禮物，足足放滿八大禮籃，光看照片都覺得大為壯觀。據知，Connie將於3月中舉辦婚禮，正式榮升做人妻。

　　她早前接受《晴報》訪問，「開頭諗住唔急，等等吓就疫情開始，一等就等咁耐，拍《一舞傾城》之前本身就開始籌備，但嗰年成年都唔喺香港，喺內地連續拍三個劇。」文凱玲透露由於男朋友喜歡她長頭髮，所以一直留長頭髮準備拍結婚相及結婚，不敢剪短，「我應承佢留長頭髮，佢都應承我練大隻，可以半裸同我影結婚相，結果佢冇做到囉！我就慢慢好長、好重都唔敢剪。」問到會否覺得事業耽誤婚事？她說：「都唔會，我哋一齊都六年，有諗過不如唔好搞婚禮，好多人都以為我哋已經結咗！不過唔緊要啦，人生點都結一次啦！」她笑言感激角色入屋，早前到不同結婚場地視察時，都被認出兼嗌「Money」，令她非常開心。