世事政情

　　現年44歲嘅方皓玟（小明）繼早前因為拍攝無線音樂節目版批評之後，又因為外形成為討論焦點。不過小明就正面「迎擊」，解答大家嘅猜疑，證明自己「活得很好」。

　　小明近日經常以性感打扮示人，最新嘅相中都見到佢愈來愈瘦，背骨更係盡現，瘦到皮包骨，而小明三年前宣布與日籍丈夫安田慎吾（Shingo）離婚，有指她一直為此消瘦，唔少網民都擔心佢健康出現問題，罹患厭食證。

　　不過小明就自爆佢食量，叫大家唔使擔心：「感恩大家近期好關心我健康，會唔會太瘦。其實我每日都食足3餐㗎，平時去茶仔我會食晒成碟炒飯再加杯奶茶。睇我手瓜起日都食足3餐㗎，平時去茶仔我會食晒成碟炒飯再加杯奶茶。睇我手瓜起腱咁款，就知道我日常的確好勤力操練。所以大家唔使擔心，不過我都會聽大家話，再努力食多啲食多啲，炒飯一碟再加多份西多士啦！」以呢個身形可以keep到呢個食量，真係得天獨厚，相當驚人，力證自己並無厭食。

　　另外，亦有網民指小明相片疑似P圖過度，佢又貼出兩張對比圖，畀大家「驗證」：「既然大家咁關注我有冇P圖，就俾2張絕密私照，你地睇下啦。一張係極緻P圖嘅小明。一張就係"Filter／P圖／化粧（妝）"乜都無，太乾搽咗d（啲）潤唇膏嘅小明。」網民都紛紛留言表示不論佢有冇P圖都會咁鍾意佢，又表示Fans們最關注都係佢嘅身心健康！

　　方皓玟2017年與日籍男安田慎吾結婚，並於2018年誕下兒子安田龍加（Luca），婚後經常與老公香港、日本兩邊走。不過二人卻於2021年宣布離婚，已結束了4年多的婚姻關係。方皓玟發文表示：「我和Shingo分開了。能夠相遇相愛並不代表可以相知相處，雖然愛沒有分對錯，但倔強的性格，總會對身邊人造成或多或少的傷害，分開是保護這段關係的最好方法。Shingo仍然是我珍重的親人，離婚並不代表終結。我們的愛將會在Luca的生命裏延續下去。」

　　余德丞（Dickson）2022年離開TVB後，火速獲鄭裕玲（Do姐）引薦加入商業電台開咪做DJ，一齊主持《口水多過浪花》節目，跟節目中的余迪偉及傑朱合作兩年以來，建立深厚的感情，在大氣電波之中都互相鬥嘴，氣氛相當搞笑。Dickson剛剛由德國旅行完返香港開咪，再次為同事帶來手信，汲取上次經驗，今次Dickson冇買食物，但一樣出事，網友們更紛紛留言狂嘲。

　　余德丞買手信真係有一手，上年去完泰國帶手信畀《口水多過浪花》幾位主持，但就被Do姐等人嫌棄兼公審，「好差呀啲手信，唔係一包完整，好似喺屋企食剩嘅，一陣真係要影相俾人睇！你以為好矜貴得嗰幾廿塊芒果乾，我就率先即刻食啦，甜到漏呀！難食呀！」Dickson解釋指時間太趕在喺機場趕住買，加上芒果乾本身包裝太大包，不方便攜帶，Do姐反駁指每人只係分得一塊仔，直斥冇心肝。

　　Dickson後來補充稱仲有其他手信，只係唔記得拎，翌日再帶豬肉乾返電台「補鑊」，但已經引起網民狂笑。「嘩！咁大包嘅，點食得晒呀」、「用心良苦，小食多知味！」、「咁唔怪之得俾人勁串啦」、「真係有心」、「口水呢個節目以來最有心手信」、「今日聽完，而家睇相 唔怪之得你不停比Do姐話 一人買一包啦」、「唔怪之得Do姐咁嬲」、「抵俾Do姐鬧鬼佢」、「咁嘅手信，唔怪之得俾Do姐鬧」、「太寒酸」等等。

　　事隔半年時間，Dickson汲取到上次的教訓，剛剛飛完德國歎當地著名的豬手，兼睇完當地的球賽，再花心思為同事準備小禮物做手信，今次唔買食物以為可以安全，沒想到一樣被嫌棄。大會將他的禮物拍照放上網，並留言說：「Dickson手信……杯墊…我哋幾個唔識評分…留比（畀）大家啦！」見到照片中四塊類似皮布的物體，啡色、杏色各兩塊，但完全沒有任何關於德國的特色，連網友們都忍不住留言狂笑，「我第一眼以為係葯膏貼！」、「超似鞋墊，想話余公子好似成日外遊都咁黑仔……」、「正所謂送禮嘅唔尷尬，尷尬就係收禮個個」、「好似呀媽以前車衫用的劃粉，形然一樣」、「我以為係梳化店色板」、「點都唔信係杯墊」等等，實在太有趣。