美食博覽2023|Food Expo開鑼!編輯10大超筍必買Best Picks︰安記$100掃3件即食鮑魚/ 1毫子劈價港式雞煲/ 懷舊飛行棋冬菇包
#美食地圖 #甜品 #掃街攻略 #美食博覽 #優惠 #鮑魚 #溏心鮑魚 #安記海味 #佛跳牆 #雞煲 #老婆餅 #叉燒酥 #皮蛋酥 #恆香 #恆香 #鳳梨蛋黃酥 #鳳梨蛋黃酥 #月餅 #零食 #百佳 #貓山王榴槤 #榴槤 #阿波羅 #雪糕 #馬卡龍 #Diverxu #西班牙 #風乾牛肉 #点盒子 #点盒子 #罐頭蛋糕 #香腸
一連五日的美食博覽將於明天開幕,連同美與健生活博覽、家電.家居.博覽及全新美食商貿博覽及香港國際茶展,共逾 1,800 個參展商。大家最關心的美食博覽將分為公眾館和尊貴美食區,一如以往提供多個會場限定及 $1 快閃優惠,讓大家瘋狂掃貨!上次 Food Expo 預覽帶大家率先睇場內最抵筍貨及新品,今次為大家直擊 10 大必買 items!
Read More︰美食博覽2023|重開試食環節!直擊Food Expo預覽:必搶$1鮑魚、淮山麵 / 超抵出前一丁福袋 / 最新月餅、黑松露雪糕!最平$10入場!一文睇晒時間、門票、優惠券詳情
美食博覽2023|必買筍貨01︰安記$100任掃3件即食鮑魚
@安記海味(攤位︰1C-A02)
安記海味可說是每年美食博覽的焦點,人人衝住 $1 鮑魚而來,像今年的「$1 鮑.情.尋」一口氣送出 800 罐即食鮑魚系列,但只限首日頭 9 位場外排隊購票進場的參觀人士參加。就算搶不到 $1 鮑魚也不打緊,皆因攤位還設 $100 特區,由原價 $65 的日式照燒汁即食鮑魚、$45 花膠溏心鮑魚、鮑魚花膠佛跳牆、鮑汁海螺片至即飲湯系列統統有齊,任掃三件。
同場加映,安記海味新推出「Hello Kitty 鮑開心燈籠」套裝,只需 $168 便可帶走可愛 Hello Kitty 燈籠及粉色包裝的罐頭鮑魚,會場限定,出街買唔到!
下一頁︰雞煲劈價1毫子、可愛蠟筆小新月餅、百佳$100任掃5件乾糧
美食博覽2023|必買筍貨02︰樂婷媽媽雞煲劈價1毫子!買滿額抽雙人機票
@樂婷餐飲(攤位1B-A29)
樂婷媽媽的自家港味雞煲更在美食博覽首兩日減至 1 毫子,限量供應共 30 份,手快有手慢無!雞煲分別有原味、辣味及黃酒口味,每份用起碼半隻無激素的本地三黃雞,加上雲耳、紅棗、豆乾、蒜頭、紅洋蔥、八角等養生食材及自家製醬汁炮製而成,加熱 5 分鐘便可,原價要成 $128,折後會場價也不過 $98。在攤位買滿 $380 更可參加大抽獎,有機會贏得雙人來回曼谷機票!
美食博覽2023|必買筍貨03︰恆香新推可愛蠟筆小新月餅套裝!加$198換購物車
@恆香老餅家(攤位1E-B02)
老字號餅家恆香今年在場內供應熱辣辣的老婆餅、叉燒酥、皮蛋酥、黑芝麻酥等逾 10 款酥餅,全部由元朗直送,當中的鳳梨蛋黃酥更是首次登場,會場價 $20 就食到兩件!另外必睇蠟筆小新月餅套裝,一 set 有齊蝴蝶酥、杏仁條、流心奶黃酥及迷你蛋黃白蓮蓉餅,連小新可愛便當盒也不過 $400,額外加 $198 更可換購小新購物車,Fans 必買!
美食博覽2023|必買筍貨04︰百佳$100任掃5件零食罐頭等乾糧!必買Jagabee黑松露薯條
@百佳超級市場(攤位1A-A02)
公眾區還可以找到百佳的攤位,最吸引一定是 $100 任掃 5 件出前一丁、罐頭食品或零食的區域,坊間少見的卡樂 B Jagabee 黑松露薯條都有!首 200 位顧客買滿 $50 更可加 $1 換購一包安記鮑開心溏心鮑魚。
美食博覽2023|必買筍貨05︰召喚榴槤迷!必買5款榴槤蛋糕+果蓉!
@8頻道(攤位1A-D02)
夏天必定是怒吃榴槤的季節,每年美食博覽都會出現各式各樣的榴槤食品,但榴槤蛋糕你又有沒有看過?8 頻道的攤位推出 5 款馬拉直送貓山王榴槤朱古力瑞士卷、斑蘭瑞士卷、棉花芝士蛋糕、雲呢拿瑞士卷,以及 D24 榴槤棉花芝士蛋糕!只需 $45 件就可以買回家慢慢品嚐,會場更有買二送一優惠,快點揀定心水味道到時搶購!另外同場更有原個 1.2 公斤榴槤,以及含有 80% 貓山王榴槤果蓉,讓你隨意加在任何食物上!
美食博覽2023|必買筍貨06︰阿波羅新推星球系列雪糕!
@阿波羅 (攤位1C-A10)
阿波羅雪糕近年深受雪糕控歡迎,今年的 Food Expo 攤位也主打鮮果甜乳酪、特級雪糕及雪糕月餅。必試新推出的星球系列雪糕,包括「土星」的榛子朱古力味、「水星」的波子汽水味、「土星」的海鹽焦糖朱古力脆脆味、「地球」棉花糖薄荷味及「Enjoy Appolo」的菠蘿士多啤梨味,不論單球、雙球都是 $30,分別在於單球附送馬卡龍圓餅,雙球則需額外加 $10 購買馬卡龍。
美食博覽2023|必買筍貨07︰Diverxu即場歎西班牙「牛三寶」
@DIVERXU(攤位 3B-D07)
移步至 3 樓的尊貴美食區,推薦主打西班牙美食的 Diverxu,有黑毛豬火腿、西班牙油炸鬼之外,其風乾牛三寶也值得一試,$50 可以一次過試勻風乾牛舌、牛肉及牛肉脆片,吃起來肉味香濃,配意大利黑醋同吃更有風味。
美食博覽2023|必買筍貨08︰超抵即食鮑汁佛跳牆!
@点盒子 (攤位3B-B15)
經常覺得佛跳牆是要在高級中菜廳才能吃到的名貴菜式,但現在在家也可以隨時吃到!点盒子推出$100足料佛跳牆,雖然是即叮食物,但用料絕不馬虎,內有海參、鮑魚、瑤柱等矜貴海味,不比餐廳遜色!另外更有懷舊飛行棋包,一定能吸引大人細路的眼球,又食得又可以打卡!
美食博覽2023|必買筍貨09︰減肥必買!5款口味的骰人氣罐頭蛋糕
@天糧國際 (攤位1A-E16)
很想吃甜品但又怕太肥?不妨考慮一下天糧國際的罐頭蛋糕!每款口味都只有約80ml,啱晒突然口痕的你!罐頭蛋糕100%全人手製造,有5款口味,如朱古力慕絲、麻糬白桃青蘋果烏龍慕絲、提拉米蘇及當造榴槤味等,想要清新,抑或濃郁一點的口味都有!只要$25就可以即買即食,$100還可買到4個,適合與同行親朋戚友開心share!
美食博覽2023|必買筍貨10︰Gusteau's香腸全香港製造!
@Gusteau's Hong Kong(攤位 3B-E13)
Cold cut platter 上的火腿、香腸也不一定全是外國貨,Gusteau's Hong Kong 把來自加拿大、美國、巴西等地的豬肉在港加工並製成不同口味的香腸,包括法式洋葱腸、意大利黑松露香腸、美式薄餅香腸、千島醬汁香腸等,價錢由 $38 至 $48 不等,不過 Food Expo 期間 5 包只需 $200。買任何食品加 $150 起便換購優質原木餐具!