職場

　　人愈大會覺得愈唔快樂，以前簡簡單單嘅事情都可以好開心，但今日你再了解自己都好，做一啲覺得自己開心嘅事，開心程度都不及以前十份一。就算搵再多金錢、財務鬆動令你可以花錢換取快樂，但最後原來快樂度並唔會提高，反而可能帶來更多問題，令你更唔開心同感到更空虛。

　　玩瑜伽、camping 、打麻雀等，慢慢變得並非娛樂，而只係一剎那逃避。逃避辦公室海量工作、上司/客戶嘅脾氣、家庭財政壓力、父母伴侶對你各方面期望等等。漸漸知道人當去到某個階段時，發現快樂係會到達樽頸位。

　　其實長大後所有事情都唔能夠令自己快樂嘅原因，係因為身體到達某個年紀、心靈去到某個階段時，心靈同快樂就會出現落差，兩者調節唔到就會失衡。所有事情都已經有所變化，但自己就未懂得如何改變內心一向對快樂嘅睇法，繼續用舊有一套方法去追求快樂，唔懂得改變快樂來源、唔學習如何從新感受快樂核心。

　　唔同年紀有著不同需要，快樂亦一樣。例如讀書時同朋友食飯聚餐，最緊要係食得飽、坐得耐，一個價錢任食必定首選。但當出嚟做嘢後你對任食已經並非之前咁熱衷，反而開始著重食物質素，食一份A5和牛更勝多份普通牛肉。到你再大啲，有經濟能力時亦未必一定會去貴價餐廳，而係重視餐廳環境同朋友，一個能夠舒服暢談嘅地方變成基本。

　　年紀愈大，愈多人生負擔，掣肘會隨著年紀而增加，做每一件事背後都有一百個考慮。不能用同一個價值觀、做多年前同一件事換取快樂，因為不同掣肘會大大減低快樂度。首先要明白，以前會將娛樂就等同快樂，但大個後快樂未必等於娛樂，娛樂只能令你得到某種感觀上嘅享受，但並唔係唯一快樂來源。嘗試新事物、學習新技能、去新地方、擴闊視野，對事物產生好奇心亦能得到快樂。 雖然學習嘅新技能未必係你最喜愛、接觸嘅新地方未必係你常去，但正正就係要跳出多年嘅框架，才能有新感受。

圖片來源：Unsplash

　　慢慢會意識到快樂來源其實十分簡單，每一件新事情都係快樂開端，經歷任何事都能有其樂趣。香港打工仔返工時間佔多，工作雖然辛苦同呆板，每日對住同一個唔開心嘅環境，難免感到厭倦甚至難以呼吸。如果唔能夠轉工，可以嘗試將書枱大執位、揀一條新路線返工放工享受路途中嘅新光景、工作上學習其他部門嘅事，或放工後學習同工作無關嘅事情，都能令你對生活再次燃起心中嘅一點火，為工作嘅苦加上一點甜。

　　本欄叫《快樂退休》，故此，一切出發點，皆希望所有退休者快快樂樂，渡過人生下半場。

　　不過，快樂不會由天而降，大部分仍要自己主動雙手創，然後，再希望上天賜予一個有利的客觀形勢。

 快樂，永遠只掌握自己手中，由自己創造。

　　過去幾年，遊走各個不同團體，向退休者分享快樂之道。發覺，女聽眾多數頗甚至很快樂。但男的呢，剛剛相反，頗甚至很不快樂。

　　這個，與雄性動物的因子有關。男人（大部份）天生愛威、愛叻、愛被傾慕、愛有權。不過，又是，一切不會從天而降。 權力與責任及職位掛勾，退休者，沒有了責任，沒有了職位，自然沒有了權力。

　　當一個男人慣了有權，突然失去，那種空虛及無力感，相當嚇人。尤其坐開高位，數十年來皆前呼後擁的退休高官，必有極深體會。

 居高位的退休男，必須盡快重建自己的舞台，切忌自困情緒深淵。

　　若果你也是一位「被退休」（我也算是，因一夠鐘，明明你是最受歡迎主持也不續約，當然有「特別考慮」！），沒有子女或已移民，伴侶已離世……的不幸「老男人」，建議你快快去看《隱閉中年》，離開戲院後，必定有所啟發。

 不快樂的退休男，快看此電影，必有啟發。

　　因為，退休男人，不少覺得「生無可戀」。而戲中湯漢斯（Tom Hanks）扮演的Otto，正正是有盡一切「被退休老男人」的憤世心態。覺得人到晚年，再沒存在意義，更弊，心愛的妻子也因癌病離世，故決定結束生命。

　　豈料，命，真的不該絕，四次自殺：吊頸、跳鐵路軌、自困車廂吸二氧化碳及吞鎗，全部不成功，擺明天意。

　　而同時，身邊又突然出現一個又一個的「天使」，包括新搬來充滿熱誠、樂觀、活力及陽光感的四口子家庭。媽媽是墨西哥移民，名Marisol，不斷有意無意為Otto製造大量生活情趣。

 多次自殺失敗的隱閉中年，遇上樂觀熱情的Marisol，立時對人生有新體會。

　　另外，一位年青可愛的變性者Malcolm，也令Otto知道世界有不少人需要佢幫忙。

　　退休者，最落寞頹喪是每天起床後，冇人期待你出現，亦冇人需要你（縱使你有億萬財富）。

 生命中，一定會有人／野需要你，那怕是隻寵物。

　　相反，最有意義及快樂，是天天有大量人期待你出現，也需要你的幫忙，令你覺得自己非常有存在價值，自然會出現一股積極的動力。

 生命中，總會有人需要你，並每日期待你的出現。這就是你活著的意義。

　　過去幾年的退休講座，大部分男性，正正是搞不通自己存在，再有何意義。

　　其實，世界上比你不幸及需要你幫忙的人，多不勝數，你總有某方面的能力，可扶不幸者一把。問題在，你會否主動尋找機會去伸出援手？

　　當手伸出後，自會感受到幫助不幸者的滿足感。這種感覺，絕非退休前的權與勢可以帶來。

　　一旦尋找到活下去的人生意義，甚麼「生無可戀」念頭，必定會從腦海中煙消雲散！