【財政預算案】9月前可取得電子消費券？買餸網購交水電費得唔得？一文解答消費券疑團
#消費券 #電子消費券 #5000元 #財政預算案 #Shopping #購物 #電子支付 #八達通 #Alipay HK #PayMe #電子方式 #派糖 #派錢 #打工仔 #長者 #財爺 #陳茂波 #財政司司長 #實名制經濟不景，一眾小市民當然最關心新一份財政預算案有無糖派啦！雖然財爺早在出爐前幾天已經放風預算案將會「睇餸食飯」，但是心裡總是會有一絲絲的期待，而往往幻想與現實都是有出入！今次差餉減免、綜緩和生果金出雙糧等全部都減半之外，政府一改風格，不派錢，大搞新意思推出5,000元電子消費券，但市民似乎不太受落。編輯幫大家整理了消費券的資料，一齊睇睇如何受惠！
（政府圖片）
1. 申請電子消費券的資格是？
符合以下兩個條件即可申請︰
- 年滿18歲
- 香港永久性居民或是持單程證的新來港人士
換句話說，來港留學、駐港工作、外傭等人士是不獲派發消費券！
2. 電子消費券的使用範圍？
據目前的說法，消費券主要用在本地商戶，不一定是商品，去街市、吃早餐、去快餐店、零售店、網購都可以，而海外網店就未能使用。至於交通費、水電費和交税等就不能使用電子消費券。
3. 以甚麼形式使用電子消費券？
政府目前未有確實的方案；政府將會物色多於一個電子支付平台合作，有機會是Alipay HK 、Payme等。而八達通作為本港最大儲值支付工具，財政司司長陳茂波強調一定會跟八達通商討。
（圖片來源︰八達通網站）
4. 5千元電子消費券可以一次過領取嗎？
不可以；政府會分5期發放，即每月派發$1000。
5. 餘額可以累積嗎？
不可以延至下一個月使用，須每月用清。
6. 電子消費券何時推出？
政府會爭取在9月前向市民發放。
7. 電子消費券是實名制？
財政司司長陳茂波澄清消費券並非實名制，長者可由照顧者代為使用，毋須自行前往消費。
8. 如何登記電子消費券？
申領系統會以方便﹑簡單為原則，亦會要求申領者核實身份；會沿用去年「派錢」所設立的有關系統，處理派發消費券的登記問題。
下頁睇大家點睇
相信你同我心裏都會有疑問，為何不直接派錢呢？原因是財政司司長陳茂波預計消費券對本港經濟有0.7%的提振作用，希望可以幫助本地的中小企。按財爺目前的說法，消費券不是隨大家喜歡點使就點使，除逐個月發放$1,000兼不可以累積之外，就連日常必要開支好像是交通費、水電費等都未必用到！依編輯所見，是時候要諗定點樣用得其所，又可以確保每月使盡$1,000……
如此令人「驚喜」的措施公布後立即惹來熱議，有市民斥責官員「不食人間煙火」，不約而同地批評措施「離地」，根本無助解困！在一個聯合電台節目上，有聽眾就表示「好多人連食都無得食，咁點消費，餓死都未到七月啦，不如實際啲派錢喇」；亦有聽眾覺得財爺不清楚基層市民的生活，「唔係真係咁多嘢買，想儲起啲錢，又要每個月使晒」。
當然，亦有人認為，去年已派錢$10,000元，今次派發消費券的原意就是想鼓勵大家消費，對於中小企或各行各業來說，消費券理論上是可刺激生意額，繼而刺激經濟。看來，政府要花心思研究消費券的實行方法，若果如坊間流傳需要動用6億行政費，但限制多多，措施只會是勞民又傷財！真心期待政府稍後的公布。