【七夕情人節】辦公室戀情衰硬?3招教你愛得不惹同事厭(附心理測驗)
#職場 #上班族 #辦公室戀情 #兩性關係 #心理測驗 #辦公室貼士畢業後投身職場,好似周不時都會聽到身邊人話,「千祈咪同同事拍拖呀!死硬!」呢種感覺就好似,繼「中學生不應談戀愛」後,人生又多咗一條新嘅「戀愛禁忌」。其實打工仔喺公司日做夜做,同同事朝見口晚見面,真係好易產生感情,避都避唔到!與其「斬腳趾避沙蟲」,不如認真諗下有乜方法去維繫一段健康嘅辦公室戀情仲好啦!
適逢今日係七夕,小編喺度同大家講聲「情人節快樂」!冇情人?咁祝你有個Happy Friday!
(《愛·回家之開心速遞》截圖)
1. 保持低調
拍拖初期,通常你哋嘅眼中只有對方存在。但記住公司喺工作嘅地方,所以切忌愛得太高調,頻頻喺同事面前放閃曬恩愛,咁樣亦都係避免你哋嘅戀情成為同事之間茶餘飯後嘅八卦!但要留意,保持低調唔代表要隱藏戀情,事關大家身處同一個office,更甚至是坐正你哋嘅前後左右,唔通真係會睇唔到戀人之間嗰種不自覺嘅眉來眼去咩!
2. 和同事多互動
雖然拍拖係兩個人嘅事,不過要記住,你哋喺公司係返緊工,係同一班「手足」一齊搏殺緊,所以比起爭取二人世界嘅時間,和同事們嘅互動就更加重要,而且咁樣做仲可以減低同事對你哋公私不分嘅質疑!
3. 唔好將私怨帶返office
同事之間唔妥對方未必會擺上臉,但情人之間吵架鬥嘴,就絕對係隔幾個位嘅同事都會feel到。所謂「私人恩怨私下了」(雖然知易行難!),因此奉勸你哋一句,喺拍拖初期,大家就要有晒共識點去處理呢段戀情,唔好有朝一日因私怨而喺office吵架,之後唔知點解傳到去腦細嗰度,咁就分分鐘連份工都冇埋!
想知你最容易被邊種同事吸引?即刻試玩下一頁個心理測驗!
想像呢刻你獨自一人,個天就嚟黑晒,但你好唔小心咁喺森林蕩失路。當你見到咩樣嘅屋,你先會想入去借住一晚呢?
1. 有設計造型嘅木屋
2. 一座清靜嘅小廟
3. 有養動物嘅牧場
4. 豪華嘅頂級別墅
4. 有四合院嘅古宅
揀好未?即揭下頁睇答案分析。
1. 揀「有設計造型的木屋」嘅你,會好易被「朝夕相處嘅同事拍擋」所吸引。這類型嘅人好有自己嘅想法,外表睇起嚟有主見又獨立,但木屋始終係由木頭造嘅,咁代表選擇嘅人內心深處缺乏安全感,所以會傾心於朝夕相處嘅同事,畢竟彼此瞭解,有共同話題,習慣之後就好容易愛上對方。
2. 揀「一座清靜的小廟」嘅你,會愛上「有錢有勢嘅大老闆」。喺你嘅內心深處,對權威有一種崇拜。這類型嘅人可能喺學生時期就已經會愛上老師,病嗰陣就愛上醫生,返工喎,自然就係愛上腦細。
(《溏心風暴3》截圖)
3. 揀「有養動物的牧場」嘅你,比較容易鍾意「乖巧可愛嘅新人」。你本身就好有愛心和耐心,所以經長期相處之後,會好易對新人產生保護慾,久而久之就變成咗愛情。
4. 揀「豪華的頂級別墅」嘅你,會與「勾起你征服慾嘅競爭對手」開展一段戀情。你鍾意挑戰,喺同對手競爭嘅同時,亦會欣賞對方,並產生別樣嘅情感。所以往往會出現你本來係想同佢較量,但最後卻不自覺愛上對方嘅情況。
(《延禧攻略》截圖)
5. 揀「有四合院的古宅」嘅你,會對「認真工作嘅清潔工」產生感情。這類型嘅人雖然內心傳統,但亦有些另類思想,會認為對方可以把糟糕嘅環境打理得好整潔,總有一天會成為可造之才。