過往專欄

　　大家努力防疫，就連名畫的主角都一樣要，最近烏克蘭廣告公司就為名畫加上「新設計」，無論是現代或畫中名人都要一齊防疫，保持社交距離、勤洗手、消毒及戴口罩，貼近民情又有創意呢！

保持社交距離、戴手套戴口罩啊…

洗手洗手洗手，重要的事要說三次！

外出更要戴上口罩！

來，消毒先講！

資料來源：Міністерство культури та інформаційної політики України Facebook 

　　面對疫境，我們更加需要互勉互勵。「健康集氣 友享有賞」讀者留言活動已於etnet新型肺炎專輯推出，請立即參與分享更多正能量。

　　乜嘢係辯論？當然係各自表述自己嘅立場，反駁對方嘅觀點，過程針鋒相對在所難免，但最起碼嘅係，大家必然係喺言語上擦出火花。

（資料圖片）

　　今日立法會大會進行嘅施政報告致謝動議辯論，一早都知議員嘅焦點會放喺防疫抗疫之上，面對政府一連串防疫政策失效、抗疫措施失當，唔少市民包括Tina在內都期望，今屆立法會議員真係做到理性批評。Tina唔期望你地有驚天動地嘅意見可以解決危機，但最起碼都要指出政府施政失效嘅地方，鞭策政府官員好好反省、及早修正。

　　議員們喺Zoom 撳舉手制發言真係非常踴躍，但Tina聽咗頭十個議員就真係發現唔多對路，佢地個個侃侃而談，但係劇本似乎都係嗰個：多謝完習主席關心、再多謝醫護緊守崗位、之後再叫大家同心抗疫，最多都係提出一兩個額外又唔係話好特別嘅意見。總之，聽完之後你會覺得，將十篇講辭撈亂晒佢再分畀唔同人講，你係絕對搵唔到違和感嘅。

「一把聲音」？

　　喺一眾議員發言之前，其實政務司司長李家超亦都先行發言，佢喺講辭中講返政府嘅防疫抗疫政策，之後喺末段就提到「依家全社會要上下一心、全面抗疫，抗疫係需要全民參與，大家要認清現時全社會唯一敵人就係病毒，要將資源精神放喺建設之上，做到不分化、不內耗，共同團結起來，最終必能勝利」。李司長一句不分化、不內耗，足以睇到今次立法會嘅主調就係唔好再捉政府嘅痛腳，連小罵都唔應該，全面一致同心抗疫先係主旋律。而Tina聽聞，議員收到「信息」，發言「要有建設不要罵」云云。

　　Tina都打電話畀一位議員八過下，佢就話本身都無諗住要指摘政府，事關鬧都已經無補於事；依家香港搞到咁，已經唔係鬧就可以鬧到解決問題。至於係咪收到「信息」？佢就相信，依家同心抗疫主旋律，唔鬧係可以，但返去其他政策一有唔啱，佢都一定係會出聲，絕不會一把聲音咁話。