吃喝玩樂

　　難得放假，與其留在家中當上「宅男/宅女」，倒不如帶爸媽享受一個悠閒的Weekend Brunch！小編今次走入荔枝角，走進一間區內罕見由意大利老闆親自經營的意式餐廳Si Simply Italian，一改大家對意菜在香港奢華和門檻高的形象，以親民價錢品嚐高質素的意大利美食！

　　用餐環境以淺色和簡潔的木紋為主，周圍亦沒有多餘及花巧的意國掛飾和擺設，貫徹不賣弄、不取巧和樸樸實實的意大利風情。

　　今次介紹的是Si Simply Italian全新推出的Weekend Brunch，大家可以每位$198的親民價錢，一次過享受15款巧手菜式，其中包括10款精緻前菜、6選1的主菜選擇和4款自家製甜點的特色甜品拼盤。

　　10款前菜以木架盛載，分上下兩層，整體感覺精緻又樸實，菜式有冷盤：紅蝦他他配哈密瓜醬、巴馬火腿配巴馬臣芝士、煙三文魚配蟹肉三文魚籽、意大利水牛芝士配車厘茄及新鮮羅勒；另外亦有熱食，包括：香煎日本帶子配寳塔花菜蓉、焗千層意大利茄子配水牛芝士、焗意大利火腿薯餅、香煎意大利腸配番茄醬、蘆筍香橙沙律以及是日餐湯。

　　每位$198的Brunch亦包含了六選一的意式主菜，選擇有：傳統意大利肉醬闊麵、海膽羅勒忌廉天使麵、黑松露忌廉汁配羊奶芝士牛肝菌意式餃子。

海膽天使麵忌廉汁配鼠尾草及羅勒

手製牛肝菌意式餃子黑松露忌廉汁配羊奶芝士

　　另外，大家亦可將主菜升級，包括：香煎三文魚柳配車厘茄黑橄欖汁、燒薯及新鮮蔬菜（+$40）；香草蒜片煎美國黑豚架配新鮮沙律及燒薯（+$40），和香煎澳洲和牛配燒薯及新鮮沙律菜（+$80）。

　　吃過主菜後，大家可品嚐4款餐廳自家製的甜點，朱古力配意大利芝士忌廉、鮮果雪葩、黑朱古力慕絲以及忌廉泡芙。大家亦可在Brunch時段內另加每位$138享用兩小時的鮮搾果汁、汽水、啤酒、Proescco、紅酒及白酒的Free Flow選擇，盡情暢飲！

後記：小編日前就帶媽媽一嚐這款Weekend Brunch，她一開始還擔心菜式這麼多，吃不完會很浪費，但卻是每一小碟都讓她充滿驚喜，一口接一口，最後全部都吃光了！平日工作到很晚，很少跟父母聚在一起用餐，能夠在周末的時間安排節目，與他們度過一個不一樣的下午，確是讓人覺得份外溫暖！

Si Simply Italian Restaurant Weekend Brunch

地址：荔枝角長順街15號D2 Place二期地下G03號舖

供應時間：逢星期六及星期日 (中午12時至下午3時)

價錢：每位$198 (另收加一服務費)

查詢：2370 9022

　　香港地，一講起做飲食業，無論經營者或食客，皆多唉聲嘆氣。前者呻人工材料舖租樣樣貴，根本冇得做；後者呢，同樣呻樣樣加價服務差劣點解唔北上？

　　究竟這個是否真像？我肥碌觀察，中咗八成左右啦。剩返兩成，並非如此，反見有食肆日日排長龍兼訂位要三個月至半年！

　　隨便舉例，灣仔浙江軒，樂富海鱻城，以及，近日家中「排骨仔」介紹為父的生煎包點心專門店，全部旺到爆。

　　香港人口高速老化， 六十歲以上長者邁向三百萬 ，佢哋喜歡乜？十之七八喜歡「懷緬過去常陶醉」。就似小弟，搞親飯局，個個老友都話最好歎懷舊菜，愈舊愈好，若搵到已經消失的菜式更佳。

　　前排在九龍家全七福，正正試到瀕臨絕種的雞子戈渣，難做到飛起，長者為食鬼一入口，便話真係神仙企唔穩。

　　好嘞，更多兩蚊雞族鍾情的，當然是飲廣東茶，歎其一盅兩件。不過咁，隨著樣樣成本高漲，不少「飽肚」點心，漸趨消失。經營飲食業老友呻：「碌Sir，你估我哋想咩，若個個嚟整個雞球大包、臘腸卷又或懷舊糯米雞，一塞就飽，拍拍屁股走人，咁我哋賺乜呀？」

　　唔係冇人想食，係形勢所逼，唔賣！

　　講返間生煎包專門店，有乜咁吸引，要排隊？第一，客人如潮，故點心流轉快，全部新鮮出爐；第二，價錢平民化；第三，最重要，不少流失了的點心，呢處有。例如：懷舊雞球大包、鮮蝦腐皮卷、豬膶腸粉、乾蒸牛肉燒賣、梅菜扣肉包⋯⋯

久違了的豬膶拉腸粉、雞球大包及乾蒸牛肉。

　　而此店招牌，正正是生煎包，非常誇張，每份三大個，只賣三十蚊，幾乎枱枱食。分量好勁，你吞一個，必飽咗大半！

招牌生煎包$30 ，三大隻，吞一隻已經半飽。

　　是日，我只與老婆大人兩位殺去，盡量叫，食唔晒打包，也只能點六款點心，已經「肚滿腸肥」。去時為上午十一點，仍然人潮如湧，有的是一家大細，有的是師奶買完餸，也有的是提早午餐勞動工友，迫爆，從冇一張空櫈。

整個上午座無虛席。門外則有條小人龍。

　　嚟呢類食肆，絕不可要求食得寧靜、坐得舒服、事事衛生、招呼週到。

　　總之，未來前清楚自己要乜，有位就即坐低即劃點心紙。點心上枱快歎（因人人都趕），你點好意思細嚼？套用廣東術語——唔該o趙完鬆，俾位下個客。

　　總結，點心新鮮熱辣好味，Value For Money，旺得有理。

蝦餃、潮州粉果及雞紥等例牌點心也「靚仔」。

　　但最大弊端，店內冇洗手間，要出街市公廁，真真大鑊，因呢個公廁，也百份百「懷舊」，五六十年代裝修及味道有齊，好惡頂也。

食一半，打包一半，埋單拜拜。

生煎包點心專門店

地址：何文田忠孝街六十號愛民邨熟食店一號

電話：2363 1968