吃喝玩樂

　　聖誕剛過，馬上又要籌備新年，又是另一個大飽口福的節日！「KiKi茶」今個新年將台灣風味融入傳統新年糕點，與米芝蓮星級大廚歐國強師傅合作，推出新春年糕與蘿蔔糕。你準備好迎接台灣的味道嗎？

KiKi台灣桂圓黑糖年糕（$108）

　　去年說是「黑糖之年」也不為過，這個大熱食材延續至新年，連年糕也搞搞新意思，KiKi以黑糖取代傳統所用的蔗糖，雖然稍欠黑糖味，但甜度不減，更為健康；另外KiKi年糕還用上台灣嘉義縣的龍眼乾，以傳統方法烘烤，夠晒古早味！

KiKi台灣櫻花蝦蘿蔔糕（$128）

　　新春只有一底年糕怎夠，當然少不了蘿蔔糕！KiKi的蘿蔔糕惹味非常，用上來自台灣的日曬櫻花蝦、日本大根和本地臘腸，無需任何調味料已很夠味；而且蘿蔔糕質地柔軟，夾起來卻不易散開，令人忍不住一口接一口！

KiKi椒麻粉（左）$38；KiKi麻辣醬（右）$48

　　無辣不歡的朋友可用KiKi自家製的兩種調味料，為蘿蔔糕添加刺激的口感。椒麻粉以天然青花椒和辣椒粉製成，味道微辛；而嗜辣的人可挑戰用上豆瓣醬、朝天椒、特級青花椒粒、辣椒粉及辣椒油等香料製成的麻辣醬，味道先辣後麻，辣勁持久，適合好辣之人。

　　即日起至2月3日，一套兩款的新春年糕將以$228優惠價發售，禮盒內還有$5「KiKi茶」現金劵和一小包椒麻粉，增加蘿蔔糕的風味；而訂購滿21盒或以上，還可享有免費送貨服務，方便送禮自用。

　　KiKi的新春糕點都是天然無添加，最多可放置10日，買後記得盡早享用！

同場加映︰銅鑼灣Sogo Pop-up Store期間限定！

紫薯雪絨黑糖薑母鮮奶（$38）

　　KiKi茶走入鬧市，即日起至2月28日在銅鑼灣Sogo開設Pop-up Store，帶來多款秋冬特飲，有「焦糖堅果雪絨杏仁茶」（$35）、「黑糖紅棗薑母茶」（$34）、「自家桂圓紅棗茶」（$32）、凍飲「手磨杏仁鮮奶」（$32），還有銅鑼灣限定的「紫薯雪絨黑糖薑母鮮奶」，紫薯迷必試！薑母鮮奶用上台灣天然黑糖和薑母，薑味十足；鮮奶上鋪上幼滑的紫薯奶蓋，再灑上紫薯茸，夠晒紫薯味，而且口感層次豐富，一杯已經夠暖夠飽！

紫薯雪絨黑糖薑母鮮奶有濃濃的紫薯味，喝下去後薑味會較為突出。

KiKi新春年糕在以下地點發售︰

　　KiKi茶@茶‧米

　　KiKi茶銅鑼灣崇光百貨期間限定店

　　KiKi食品雜貨（香港店）網店 

　　香港地，一講起做飲食業，無論經營者或食客，皆多唉聲嘆氣。前者呻人工材料舖租樣樣貴，根本冇得做；後者呢，同樣呻樣樣加價服務差劣點解唔北上？

　　究竟這個是否真像？我肥碌觀察，中咗八成左右啦。剩返兩成，並非如此，反見有食肆日日排長龍兼訂位要三個月至半年！

　　隨便舉例，灣仔浙江軒，樂富海鱻城，以及，近日家中「排骨仔」介紹為父的生煎包點心專門店，全部旺到爆。

　　香港人口高速老化， 六十歲以上長者邁向三百萬 ，佢哋喜歡乜？十之七八喜歡「懷緬過去常陶醉」。就似小弟，搞親飯局，個個老友都話最好歎懷舊菜，愈舊愈好，若搵到已經消失的菜式更佳。

　　前排在九龍家全七福，正正試到瀕臨絕種的雞子戈渣，難做到飛起，長者為食鬼一入口，便話真係神仙企唔穩。

　　好嘞，更多兩蚊雞族鍾情的，當然是飲廣東茶，歎其一盅兩件。不過咁，隨著樣樣成本高漲，不少「飽肚」點心，漸趨消失。經營飲食業老友呻：「碌Sir，你估我哋想咩，若個個嚟整個雞球大包、臘腸卷又或懷舊糯米雞，一塞就飽，拍拍屁股走人，咁我哋賺乜呀？」

　　唔係冇人想食，係形勢所逼，唔賣！

　　講返間生煎包專門店，有乜咁吸引，要排隊？第一，客人如潮，故點心流轉快，全部新鮮出爐；第二，價錢平民化；第三，最重要，不少流失了的點心，呢處有。例如：懷舊雞球大包、鮮蝦腐皮卷、豬膶腸粉、乾蒸牛肉燒賣、梅菜扣肉包⋯⋯

久違了的豬膶拉腸粉、雞球大包及乾蒸牛肉。

　　而此店招牌，正正是生煎包，非常誇張，每份三大個，只賣三十蚊，幾乎枱枱食。分量好勁，你吞一個，必飽咗大半！

招牌生煎包$30 ，三大隻，吞一隻已經半飽。

　　是日，我只與老婆大人兩位殺去，盡量叫，食唔晒打包，也只能點六款點心，已經「肚滿腸肥」。去時為上午十一點，仍然人潮如湧，有的是一家大細，有的是師奶買完餸，也有的是提早午餐勞動工友，迫爆，從冇一張空櫈。

整個上午座無虛席。門外則有條小人龍。

　　嚟呢類食肆，絕不可要求食得寧靜、坐得舒服、事事衛生、招呼週到。

　　總之，未來前清楚自己要乜，有位就即坐低即劃點心紙。點心上枱快歎（因人人都趕），你點好意思細嚼？套用廣東術語——唔該o趙完鬆，俾位下個客。

　　總結，點心新鮮熱辣好味，Value For Money，旺得有理。

蝦餃、潮州粉果及雞紥等例牌點心也「靚仔」。

　　但最大弊端，店內冇洗手間，要出街市公廁，真真大鑊，因呢個公廁，也百份百「懷舊」，五六十年代裝修及味道有齊，好惡頂也。

食一半，打包一半，埋單拜拜。

生煎包點心專門店

地址：何文田忠孝街六十號愛民邨熟食店一號

電話：2363 1968