【開年飯必備】撈起撈起，風生水喜！ 8款賀年最啱食「撈起」推介
#新年2019 #撈起 #三文魚 #海膽香港人就是幸運，因為可以過兩次新年！慶祝完2019年的來臨，又要慶祝農曆新年的到來，加上身為中國人，更重視這個讓人相聚的日子。在新年有各式的拜年聚會、團年飯、開年飯和開工飯，當中一定不可以缺少「撈起」這道意頭菜！
撈起是一種來自新加坡和馬來西亞的賀年食品，更加成為近年香港人必食的新年前菜。正所謂：「撈起撈起，撈得風生水起！」作為一個香港打工仔，無野緊要得過「有得撈」。現在就讓小編為大家介紹5款可以外賣的「撈起」，讓你們可以買到不同的聚會上享用～
1. 精品咖啡餐廳都出「撈起」？
沒想到主打精品咖啡的HABITŪ也加入「撈起」行列吧！今次的賀年主打是「炙燒三文魚撈起」，當中除了有香煎芝麻三文魚外，還加入了大樹菠蘿、石榴、柚子肉、沙葛、白蘿蔔絲、酥炸雲吞皮等；再配上芝麻、花生碎和麻油梅醬，必定令整體味道和口感更豐富！
炙燒三文魚撈起 $588
另外，如果有親戚朋友是吃素的話，你也可以只order「百彩沙律撈起」，這個是沒有三文魚的版本而已～
撈起撈起，撈得風生水起！
2. 新派的中菜館：「鮑你撈起」、「金豬撈起」
新派中菜館「龍麵館」的新春佳餚都非常吸晴，絕對是相機食先的首選。除了睇得之外，當然仲要食得，不但用料高貴，而且寓意十足！
鮑你撈起（鮑片撈起）$618
估唔到連新派點心舖「飲茶」都有出撈起，今次推出的撈起淨係個樣都已經贏咗！適逢今年係豬年，當然要有應節一點，就用食材把豬砌出來吧～
金豬撈起（煙三文魚撈起）$388元
3. 日系三文魚、海膽撈起
元氣寿司每年都會有新春Menu，但今年還推出了特色的「風生水起有撈起」。這個撈起除了加入三文魚刺身及各款傳統食材外，更配上了特製梅子醬汁及薄脆，一定會旺上加旺！
風生水起有撈起 $198
如果，你喜歡食海膽，四季文昌推出的「黃金撈起」就一定要試下啦！它在撈起上放了原板的日本北海道馬糞海膽，配上挪威三文魚、炸芋頭、蘿蔔絲等，再拌以柚子醋汁，清新爽口。不過，小編只看到眼前的原板海膽！！！
「黃金撈起」 $268
4. 食豪啲：酒店級撈起
好多人都會係新年食豪啲啲，所以，好多酒店的中菜廳都會推出撈起。今次數碼港艾美酒店的南坊中菜廳都為大家準備了酒店級的撈起，保證大家食完「豬事吉祥」！
撈起 $348
5. 莆田：米芝蓮新加坡古早味撈起
既然撈起是來自新加坡和馬來西亞的賀年食品，又怎能錯過新加坡古早味的撈起呢？莆田是新加坡米芝連榮譽餐廳，它的鴻運發財撈起就一定是最正宗的味道啦！
同場加映：極平IKEA「撈起」
來自瑞典的IKEA都玩轉傳統，跟大家一起「撈起」過肥年！重點是，限定版「撈起」賀年菜式，只係$18，入面仲有煙三文魚，真係經過行過唔好錯過啦！