吃喝玩樂

　　講起潑水節，一定想到使人興奮莫名的街頭水戰！不少參加者自備「猛火力」水槍，穿梭人群瘋狂射水，以為穩操勝券，殊不知算漏了有人從樓上開水喉向街道射水，即使有雨衣保護，還是逃不過全身濕透的宿命……潑水節好玩是好玩，但今年因為新冠肺炎疫情的關係，此情此景恐怕不能如期上演。別怕！雖然「香港潑水節2020」變成「三無」：無市集、無街頭水戰、無古色巡遊，但主辦單位HK Talent Star和一班「泰二代」大搞新意思，將潑水節由街頭移師到網上舉行！打開頻道，即可參與不同活動！

　　即睇有咩精采節目啦！

1. 求神問卜最啱：《泰神聖》2pm｜9pm

　　不少香港人都喜歡去泰國旅行兼拜神祈福，但大家對當地的宗教信仰又認識多少？由泰二代Vita主持的《泰神聖》將會在第一集請來天一籤周居士分析泰國人與中國人的信仰，還會現場點燈祈福、求籤解籤！至於第二集，則有泰國婦女示範如何自製精美細緻的傳統工藝品、拜神供品；還有象神社忠師傅在第三集為大家解構經文、護身刺符等。值得留意的是，每晚9時，Vita更特別準備泰國稀有聖物讓有緣的觀眾供請；就算沒有宗教信仰，都可對泰國風俗文化加深了解。

（Daren Cheng攝）

2. 邊玩邊學煮泰國菜：《阿來Mark Mark》4pm

　　疫症下，很多人都選擇留在家做「煮夫煮婦」，吃厭了番茄炒蛋、菜心炒牛肉、意大利麵、煎牛扒等大路中菜西餐，不如跟小曼谷泰國美食負責人阿Mark、人氣Youtuber Mic Mic Cooking Michael挑戰一小時煮泰國菜！

　　菜單包括：

（4月10日）冬蔭肉碎湯

（4月11日）香葉辣椒鮮魷燴飯

（4月12日）泰皇咖喱炒蜆

（4月13日）芒果蟹肉炒飯 、芒果沙冰、芒果糯米飯

　　除了學煮泰國菜，大家還可以參加節目中的小遊戲：

　　遊戲一：只要在限時內猜中（或最接近）阿Mark買食材的價錢，即有機會贏得值$500的小曼谷現金券，名額有3位。

　　遊戲二：如果主持能夠在一小時成功挑戰煮泰菜，觀眾即可將該菜式Cap圖，3個月內到任何一間小曼谷惠顧$300或以上，便可獲得挑戰菜式乙份。

（由香港潑水節2020 ONLINE提供）

3. 超抵價online shopping：《泰抵買》5pm｜8pm

　　留家抗疫，除了學煮兩味，當然還要盡情shopping！泰國化妝護膚品出名CP值高，一於mark實《泰抵買》掃貨！泰國出產的咖啡、花茶？可以一試！還有各種衣食住行扮靚用品，夠晒豐富，聽說店主除了會介紹各種貨品的用法外，還會提供大量重磅優惠，可以買一件送一件！直播期間，更有講價專員「mon實」留言位，實行幫大家爭取最大Jetso！

（由香港潑水節2020 ONLINE提供）

（由香港潑水節2020 ONLINE提供）

（由香港潑水節2020 ONLINE提供）

Read More：【覓食九龍城】港產泰二代的美味推介！快搜3間不可不試的泰式餐廳

4. 眼睛去旅行：《小泰國4天抗疫團》7pm

　　本來想趁復活節假「快閃」一轉泰國，現在被逼留在家裏抗疫，其實都可以用眼睛去旅行！由泰二代導遊Tak主持的《小泰國4天抗疫團》節目，破天荒推出零團費、免導遊費的Online小泰國旅行團，帶大家逛盡「小泰國」九龍城，話你聽不為香港人知的熱點！

　　Online小泰國旅行團行程：

（Day 1）唱泰幣真係機場最抵？少年你太年輕了！導遊Tak 話即場帶你換泰幣！再教你浴佛的禮儀，讓你為香港祈福求籤！

（Day 2）平日拜神的你，知唔知邊度係買供品的好地方？又知唔知供僧儀式應該點做呢？

（Day 3）小泰國文化遊，導遊Tak同你拜訪泰國文化學院，學習文化手作。

（Day 4）泰國炭爐龜背燒你食過未？等導遊Tak 帶你歎盡小泰國地道泰菜！

（由香港潑水節2020 ONLINE提供）

5. 潑走悶氣：《成班變泰！玩轉潑水節》10pm

　　雖然無得潑水很可惜，但或許睇人潑水都是一種娛樂！留意《成班變泰！玩轉潑水節》直播互動潑水遊戲，一樣可以「潑走」心中苦悶。喜歡吃泰國零食的人記得不要錯過「零食速遞」環節，為你介紹多種必買泰國零食，還有機會獲得小曼谷送出總值$2,000的現金券！

（由香港潑水節2020 ONLINE提供）

6. 家長指引，兒童不宜：《泰識玩》11pm

　　泰國多姿多采的夜生活引人入勝，泰二代吳堯堯 、泰二代Tak、一眾愛泰人士將於《泰識玩》環節講盡泰國變性、靈異等18禁話題，啱晒喜愛夜蒲的你！溫馨提示：此節目兒童不宜。

7. 特備節目：《泰二代Vita話你知》 4月10日 3pm

　　既然是潑水節活動，當然要介紹甚麼是潑水節！「香港潑水節」主辦單位HK Talent Star負責人Vita將會分享潑水節的由來、文化和習俗，還會送出大量新年禮物（為甚麼會是「新年」禮物，記得留意節目內容啦），大家千萬別錯過！

（由香港潑水節2020 ONLINE提供）

Read More：【一個Slash的自白】流著追求自由的血液！香港「泰二代」：不想被定型！

香港潑水節2020 ONLINE 

日期：4月10至13日（星期五至星期一）

時間：2pm-12mn

Facebook網上直播：香港潑水節 Songkran HK

　　未踏入4月，大家已開始期待復活節長假期有咩好玩！大吃大喝、去Shopping、郊遊……仲可以參加香港潑水節！當中節目多多，除了有傳統潑水派對，還有市集、按摩、泰服租借服務等，猶如一個小小泰國之旅！

今年香港潑水節的節目很豐富。
（圖片來源：香港潑水節官網）

　　先講講，點解會有「香港潑水節」？原來香港潑水節不經不覺已舉辦第9年，由香港土生土長、熱愛泰國文化泰二代Vita籌辦，希望於香港推廣泰國文化。以往在香港舉辦的潑水節都以居港泰國人參與居多，直至2015年，Vita於有「小泰國」之稱的九龍城舉辦首個「香港潑水節」，大受歡迎；及後更移師荔枝角D2 Place，成為一年一度活動。

最正港版翟道翟

　　今年的「香港潑水節」將於4月5日至10日一連5日於D2 Place舉行，當中最吸引大家想必是泰國市集！在潑水節活動期間，D2 Place One 2樓The Space將化身港版翟道翟市集，有過百個攤檔任你逛！當中包括各式泰國小食、泰式按摩和泰服租借服務，當然不少得拍攝區畀大家打卡啦！在指定時段，場內更會有「小曼谷Playful音樂派對」，當中小曼谷將與Playful Studios及Megahertz合力召集超過20位本地歌手和街頭音樂單位輪流獻唱表演，超熱鬧！

翟道翟市集有多種泰國地道產品供大家選購，未去到泰國旅行可以來一止Shopping癮！
（圖片來源：HK Talent Star 香港潑水節）

 
（圖片來源：泰二代Vita Facebook）

（圖片來源：泰二代Vita Facebook）

翟道翟市集：

日期：4月5至10日

時間：中午12時至晚上8時

地點：D2 Place ONE 2 樓 The Space

小曼谷 Playful 音樂派對：

日期：4月5至10日

時間：下午2時至晚上8時

地點：D2 Place ONE 2 樓 The Space

激Fun水戰派對

　　如果你自問貪玩，一定要參加於長義街封路區舉行的潑水節嘉年華，屆時於不同時段更有文化表演，包括雙節棍、Roller和音樂表演。如果帶埋主子同行，更可參加狗狗水戰派對，齊齊玩餐飽！

（圖片來源：HK Talent Star 香港潑水節）

（圖片來源：泰二代Vita Facebook）

「潑水節」激 FUN 水戰派對Water Fight Party

日期：4月9日

時間：早上11時至晚上6時

地點：D2 Place 1期及2期對出的長義街

「潑水節」狗狗水戰派對Doggie Water Party

日期：4月9日

時間：早上11時至晚上6時

地點：D2 Place ONE The Rooftop

感受泰國宗教傳統

　　潑水節既是泰國傳統，香港版本亦不乏傳統環節，包括開幕法會、供僧、浴佛、祈福許願、傳統長者灑水祝福、報施贈米等環節，信眾固然不能錯過，一般人都感受泰國宗教傳統氣氛。如果對泰國宗教感興趣，就要參加泰靈市集MU Market，了解Mu dtay lu這種新信仰；同時場內亦有泰國舞蹈員當值為善信向「四面神」還願、拜見「水龍王」升運招財和泰國神喻占卜等。

　　有宗教傳統、有吃買玩環節，玩足咁多天，真猶如一個小小泰國遊！

查詢：https://songkran.hk