世事政情

　　【晴報專訊】無綫綜藝節目《開心大綜藝》前晚錄影廣播界前輩Uncle Ray的榮休特輯，雖然《開心大綜藝》標榜是直播騷，但六月只得父親節當晚會做直播，其餘都是錄影播出。無綫高層曾志偉前晚錄影廠解畫，原來事件與歌唱比賽《聲夢傳奇》有關。

曾志偉否認調動節目《鬼上你架車》來對撼MIRROR。

　　曾志偉前晚解釋，《開心大綜藝》因錄影廠搭景問題，近期需要錄影播放：「其實係《聲夢傳奇》個低台比較難搭，以前遷就到可以一星期錄兩集，但依家學員少咗，佢哋需要好多時間去練習新歌，真係無辦法，我哋都好想直播，始終個節目推出係希望緊貼時事。」

　　另外，為配合下月東京奧運，志偉表示已落實拍攝四集「明星運動會」節目，將安排在《開心大綜藝》時段播出：「節目有拳擊、羽毛球、田徑等，相信會好好睇。我哋部分大隊已經出發咗去東京，預計會派20、30人分批去。因為嗰邊隔離政策日日唔同，目前係三日喺酒店、14日點對點採訪，其餘時間邊度都唔去得。」

阿倫戴住口罩釣墨魚

Uncle Ray快將榮休，林子祥等歌手齊集祝賀。

　　前晚林子祥（阿Lam）、溫拿及肥媽等，齊齊現身支持即將榮休的Uncle Ray。阿Lam笑說：「如果Uncle Ray等多四年，到佢100歲先榮休仲勁。」阿Lam表示自己大部分工作因疫情煞停：「呢段時間惟有注重下身體，做多啲運動，又食少啲。」阿Lam依然保持瘦削身形，但同場的譚詠麟（阿倫）卻變了大碼，阿Lam笑說：「佢不嬲都係呢個樣㗎啦！」

（左起）陳友、阿倫及彭健新強調跟足政府防疫措施。

　　溫拿「三虎」阿倫、彭健新及陳友，前晚在節目上與葉志強及鍾鎮濤隔空以視像jam歌。阿倫說：「Uncle Ray係第一個播溫拿歌曲嘅DJ，我哋第一部拍嘅電影《大家樂》，Uncle Ray都有演出。」另外，三人早前一起出海釣墨魚，阿倫強調：「我哋全程都有戴口罩，而且唔係開派對。」

　　【晴報專訊】樂壇教父Uncle Ray（郭利民）於上月13日因病辭世，享年98歲，喪禮昨日假香港殯儀館舉行。視Uncle Ray為恩師的歌神許冠傑（Sam），坦言懷念他們夾band的日子；而契仔兼助手周舜河（Andy）透露契爺遺願是『愛回家』︰「佢遺願係過多幾日搞掂晒啲嘢，可以返屋企真正安息。」

遺照中，Uncle Ray的笑容非常親切。

　　Uncle Ray縱橫廣播界多年，在圈中廣結人緣，生前好友包括鄭東漢及鄭中基父子、泰迪羅賓等昨日前來送別；巨星徐小鳳、張學友及劉德華等則送上花牌悼念。喪禮以天主教形式舉行，今晨舉行安息彌撒，遺體將移送至歌連臣角火葬場火化。靈堂布置以白色為主，遺照正前方擺放契仔周舜河致送的心形花牌；靈堂左方則擺放Uncle Ray的遺物，包括其MBE勳章、銀紫荊及銅紫荊星章、唱碟及剪報等。另外，除了業界及親友前來致祭，追思會亦應Uncle Ray生前遺願設公祭時段，讓市民懷緬他的一生。

劉德華及徐小鳳所送的花牌，擺放在靈堂當眼位置。

阿倫靠Uncle Ray學聽英文歌

　　追思會上，Uncle Ray親屬及生前好友分享與Uncle Ray的點滴，而許冠傑、譚詠麟（阿倫）及杜麗莎亦預先錄好短片在靈堂上播放。阿倫在片中稱︰「Uncle Ray教識我哋音樂品味，溫拿早期聽英文歌都係喺佢身上學番嚟！」Sam除錄製片段外，昨日在公祭前已到場，他離開時說︰「好傷心呀，因為以前成日一齊夾band。」

神許冠傑難忘與Uncle Ray夾band的日子。

　　至於Uncle Ray契仔Andy與鄭東漢、鄭中基父子一同受訪，Andy表示會將契爺骨灰安放在對方家中︰「佢自己選擇要將骨灰放喺屋企，佢都98歲，要做嘅嘢都做晒，佢遺願係過多幾日搞掂晒啲嘢，可以返屋企真正安息。」鄭中基說︰「每次見到Uncle Ray都滿面笑容，又會介紹音樂同講笑話畀我哋聽。（有何深刻往事？）佢話有次去佢家姐屋企食飯，飲西洋菜湯夾菜竟夾咗塊百潔布，佢講嗰時笑到咔咔聲。」

Uncle Ray契仔Andy（右二）指契爺遺願是「愛回家」。

鄭中基與父親鄭東漢懷念Uncle Ray的笑聲。