世事政情

　　【晴報專訊】黃心穎和許志安的「安心事件」發生已超過兩年，兩位主角至今仍未能谷底翻身。早前心穎被拍到與緋聞男友樂隊RubberBand的鼓手黎萬宏（泥鯭）帶愛犬外出，心穎家姐黃心美昨日出席活動時被問及此事，拒回答心穎和泥鯭是否情侶關係，但就表示對泥鯭印象不錯。

心美到旺角出席活動，被追問心穎感情事，沒有正面回應。

　　心美昨日到旺角出席活動，對於心穎及泥鯭拖愛狗外出被偷拍，心美透露當天是自己愛犬生日，她和心穎及泥鯭均有帶愛犬去狗cafe慶祝，又直指當日狗狗才是主角。問她心穎和泥鯭是否正在拍拖？她表示︰「我都知你哋會咁問我，佢哋兩個人之間嘅關係，無論朋友定情侶，都唔應該由另外一個外人去答。（你係佢親人喎。）我邊有資格講啫。（要由當事人答好啲？）梗係啦，你哋最好見到佢就問佢。」

泥鯭在2019年領養了名為「可樂」的唐狗。

　　不過提到對泥鯭的印象，心美就表示︰「OK呀，同佢做朋友OK呀！（追心穎係咪都過關？）呢啲係佢哋兩個人嘅事，佢過我妹嗰關，唔使過我關㗎！（你有幫下眼？）幫咩眼吖！」而談到心穎最近的生活，心美透露妹妹閒時都在家照顧愛犬及做運動。

限聚令停工有壓力

黃心穎十分疼愛領養的唐狗「Love」。

　　被問到心穎的工作安排，心美說︰「無呀，休息囉，我無理咁多，依家佢面對緊嘅嘢，要佢自己調節心境，屋企人對佢永遠不離不棄，係佢嘅避風港，但點面對，全部都係靠佢自己。（佢有無經濟壓力？）我諗我壓力大過佢，有限聚令好多嘢都做唔到，我主要做司儀工作，但都停晒，停咗年幾，不過我好慳。」

　　早前有報道指心穎賣樓賺了百多萬，心美表示不知道對方是否賺了這麼多，她稱︰「係投資，價錢啱就賣，我好耐之前同佢夾份喺加拿大買咗層樓，依家都租咗出去。」至於心穎可會離開香港？心美指沒有跟對方談過，也不太擔心，「邊擔心得咁多，佢自己人生，真係無得顧咁多，我顧掂我自己先，佢有佢自己人生，唔係你幫佢做選擇佢就會跟。（佢好洩氣？）咁又無，佢好堅強。」

　　51歲鄭秀文（Sammi）自從老公許志安與黃心穎搞出「安心偷食」的桃色新聞後，一直對許志安不離不棄。感情生活向來低調的鄭秀文，昨日（18日）突然在社交平台，分享近日生活照時，疑自爆懷孕，與網民互動對話：「真體貼我這位高齡產婦人士！」，震驚全港。

　　上年鄭秀文確診新冠肺炎，而取消所有工作休息。最近已經回復狀態大勇，復工拍攝廣告，大騷「排骨」身材。而她出席頒獎禮頒獎典禮做頒獎嘉賓時，高貴登場。由於她因患病而取消的演唱會，即將在七月舉行，所以鄭秀文這段時間也正積極做運動，籌備一個精彩的演出。她不時上載跳舞片段，而且曾自嘲，「Mi就算年輕時，記舞步一向不算快，（其實係慢。因為蠢和笨），真係要用九牛二虎之力去記住啲舞步，現在年紀大了，更加慢喔！ 稍有分心就完全記唔到。瞓唔夠就更死。惟有早啲開始進行練習。」

　　當時有人留言勸鄭秀文不用急，就算跳舞環節少一點都不介意，因為大家都只是想多看到她演出就足夠，不料鄭秀文竟然回覆：「真體貼我這位高齡產婦人士！」她突然自爆做產婦，但最大疑問是，鄭秀文連日來都積極上載做運動片段，跳舞、舉重、打拳之類不適用於孕婦的運動，其實她都做齊。

　　當鄭秀文有這個回應時，立即惹起網民熱議，好多人都十分激動，紛紛衝入鄭秀文的Telegram討論區留言：「係咪生咗」、「原來上年係去生B」、「50歲得唔得」，討論了一段時間後，鄭秀文知道自己惹來一個誤會，終於出來解開大家的疑問和內心的好奇。

**更新：最後，鄭秀文在IG出Post指自己把「高齡婦人」誤打成「高齡產婦」，引起誤會。她更指：「Mi冇秘密生B，生肌肉就有，你睇我手瓜仔起輾！」