世事政情

　　【晴報專訊】還有不足一個月便是聖誕節，不少人已開始購買聖誕禮物，送給摯愛親朋。收到禮物固然開心，感受送禮者的愛和心意更為窩心，未知以下一班藝人收過最特別、最驚喜的禮物又是甚麼呢？

Tony感激父母突如其來送上出國讀書的「禮物」，讓自己學會獨立。

　　洪永城（Tony）回想收過最好的禮物，就是十歲那年父母送他到新西蘭讀書，他說︰「嗰年阿媽突然同我講『你下個禮拜就要去新西蘭讀書』，當時有啲驚，因為自己讀書唔叻，不過嗰邊有親戚照顧，所以父母都好放心…我喺嗰邊讀咗八年中學，之後就返香港讀大學。」

Tony與太太Inez性格迥異，教導小朋友的方法亦有不同。（IG圖片）

　　問快將榮升爸爸的Tony，會否同樣讓自己的小朋友出國讀書？他表示︰「要負擔小朋友去外國讀書真係好難，我都仲有好幾年時間先去到呢步。到時再諗啦，可能嗰陣我唔捨得都未定。」他直言自己教導小朋友的態度比較惡，但太太梁諾妍（Inez）則較放鬆，兩人一凹一凸，互補不足。

黎諾懿 老婆送的「小春雞」

諾懿即將迎來第二胎，他直言這份「禮物」未算太大驚喜。

　　對黎諾懿來說，第一次當爸爸就是他收過最好的禮物，他憶述︰「嗰日老婆鬼鬼祟祟同我講『你就嚟做爸爸啦！』到依家我都仲好記得嗰個畫面，因為之後嘅人生就多咗個人仔，比起其他任何禮物都深刻。當時我就不斷諗，唔知呢個小朋友會唔會同自己一樣樣呢？」

諾懿一家三口十分溫馨。（IG圖片）

　　諾懿甜笑表示，四歲多的囝囝黎峰睿（小春雞）依然十分黐身，每次食飯都喜歡坐在自己大髀上，就算太太李潔瑩阻止，諾懿都會勸她︰「畀佢坐啦，仲坐得幾多年吖。」他又笑言︰「個仔好蠱惑，成日話錫媽媽多啲，但實際上鍾意黐住我，因為我會陪佢玩，又縱容佢做『壞事』。」

湯洛雯 一位男生的溫暖牌頸巾

靚湯指自己會好好收藏每一份禮物。

　　湯洛雯（靚湯）收過最難忘的禮物，是讀大學時一位男生親手織的溫暖牌頸巾，她表示︰「見佢嗰條頸巾有好多窿，都諗到佢應該織得好辛苦。收到呢一份禮物真係幾驚喜，因為我一向鍾意啲手工藝、DIY嘢，覺得呢一份禮物真係幾好。」

未知馬國明又會否送DIY禮物給靚湯呢？（IG圖片）

　　靚湯透露至今仍有好好收藏這條溫暖牌頸巾︰「我唔會隨便扔人哋嘅心意，有時都會拎出嚟睇下，但唔係回味…依家同對方仲有聯絡嘅，不過佢已經結咗婚㗎喇。」

王君馨 花14小時製忍者龜蛋糕

Grace談起老公時春風滿面。

　　王君馨（Grace）收過最驚喜的禮物，原來是由老公Daniel所贈，「嗰時我同佢仲係異地戀，有次佢嚟香港，其中一個喼剩係裝住一隻巨型啤啤熊！佢話驚我孤零零，所以送隻熊公仔陪我，依家隻啤啤熊仲放喺我哋間房。」

Grace和老公婚後依然不時為對方製造驚喜。（IG圖片）

　　不過Grace笑言兩年前親手焗製的忍者龜立體蛋糕，讓老公更為驚喜。Grace說︰「係佢嘅生日禮物，起初以為四、五個鐘就整好，點知最後足足用咗14個鐘。製作過程佢完全唔知，不過我有拍片…佢收到嗰刻好驚喜，仲話唔捨得食，呢件作品我都畀自己98分㗎！」

　　由洪永城、宋宛穎、何沛珈及魏韵芝擔任主持的資訊節目《早D知早D醫》，訪問了曾經患乳癌，現在已經康復的林淑敏。2010年她發現胸部出硬塊，經過身體檢查後，醫生告知患第二期乳癌，使她曾心情低落。治療期間嚴重甩頭髮，而且心臟變弱。她還自揭患病前飲食習慣很差，後來為了健康，下過不少功夫，把飲食習慣180度轉變。

　　相隔患病已經有14年的事，林淑敏透露當年因摸到乳房位置有硬塊立即求醫，最後結果得出患第二期乳癌。重提事情，當時醫生跟她講的說話，仍然記憶猶新：「醫生開頭好樂觀，話『如果係水嘅話，幫你抽完就走得啦』，但照完超聲波後發現有少少問題。醫生好沉默，之後抽組織，第一針係『椰絲』，第 二針都係『椰絲』，第三針……全場唔出聲，結果報告顯示患上早期乳癌。」

　　當時林淑敏感情天霹靂，曾怨天怪責上天「為何是我」。幸好獲醫生鼓勵，加上努力維持樂觀正面心態，撐過了為時多年的抗癌旅程：「醫生同我講：『你唔會死嘅，你離死亡好遙 遠，但係必須要花時間面對，治療並唔係傷風感冒，一兩個星期搞得掂。』」

　　在《愛回家之開心速遞》中，林淑敏飾演大小姐一角，每集打扮都充滿貴氣，而且見到她有一把豐盈長髮。其實她患病接受治療期間，遇到嚴重脫髮問題：「第一針化療後，開始出現脫髮副作用， 頭皮更一度痕癢至受不了，她指當時直接狠心將頭髮扯掉：「痕到搞唔掂，自己掹甩佢（頭髮），一掹就甩，之後舒服晒。」

　　「見過鬼就怕黑」的林淑敏，現時更懂得珍惜生命，經常做運動，過著健康人生：「打標靶藥期間，嗰陣心臟唔係幾好，係藥嘅副作用，問過醫生都話冇辦法、冇藥食去改善，要靠自己好番，亦提意我做吓運動。」日子有功，她由最初跑一公里要休息4、5次，到現時可以跑馬拉松，早前就跟何佩泇等人，挑戰馬拉松10公里賽事。

　　林淑敏更自揭患病前飲食習慣很差，亦都是患病成因之一：「病之前，我飲食習慣好差，每朝早餐都食雪菜肉絲餐蛋米粉，以為食好清，其實唔係。忽略咗原來每日食午餐肉，已經吸收好多人工防腐劑或者色素。而家180度變。打針化療時候，身邊朋友有唔同意見，話呢樣嗰樣唔食得，甚至乎去到最後我覺得飲水都係錯，為咗咁之後上網逐樣嘢食去check。」

　　今晚（8日）播出一集，張達明分享對抗鼻咽癌的心路歷程。他在2011年發現患病前不時出現流鼻血症狀，但由於量少加上精神不俗，當時並沒有太為意，直至檢查後得知真相，心情係驚同心痛。長達7年的電療和化療的抗癌路，他坦言四肢無力、聽力受損。他藉著今次訪問，鼓勵患病者及早求醫：「大家有病唔好太 擔心，好好去醫治，好大機會康復。」而支持他走過抗癌之路， 就是放眼看更遠和更美麗世界的期盼。