世事政情

　　【晴報專訊】鄭欣宜（Joyce）將於下月假紅館舉行三場演唱會，她昨日特意到九龍灣巴士車廠，與印有其個唱海報的巴士車身廣告打卡；惟當Joyce親眼看到龐大的巴士車身廣告時，激動得又喊又笑。

印有Joyce個唱海報的巴士已於本周二啟航，遊走香港街道四星期。

　　鄭欣宜下月舉行三場紅館個唱，門票早前已火速售罄。37輛印有其演唱會海報的巴士，原定為門票開售造勢，結果第一天開賣即被搶購一空，Joyce笑謂可由推銷變慶祝售罄。Joyce又自言到車廠前早作心理準備，但沒料到看見巴士真身時如此震憾，見她碌大眼睛原地發呆，然後雙手掩面眼泛淚光，更蹲在地上哭。數分鐘後，Joyce破涕為笑說︰「感覺好唔真實，好靚呀！」

Joyce看到巴士車身廣告時激動落淚。

　　尚餘三星期便開騷，Joyce坦言最近排舞練到遍體瘀傷︰「周身瘀晒，無乜掂到嘅位置都瘀，大髀、膝頭、手指，就連hip位都瘀咗。可能我太瘦，骨杉杉撞到都唔知，哈哈！我知大家反應咁好，咁支持我，所以更投入忘我咁綵排，希望喺台上做到最好，答謝買飛入場嘅fans。」

個唱後不再生酮飲食

Joyce遺憾未能親身見證鄧小巧於加拿大的婚禮。

　　另外，Joyce日前接受TVB娛樂新聞台節目《Star Talk》訪問，大談相隔四年再舉行紅館個唱的感受，她表示︰「今次度rundown（流程）時已經話要跳到甩肺。今次多咗時間準備自己，狀態好，所以希望可以去到盡，無底線。上次開騷斷咗腳，好多嘢要就住就住，驚會整傷，今次無呢啲憂慮，我會盡情投入，就算唔甩肺，都甩啲底褲啩，哈哈！」為個唱清減不少的Joyce，直言減肥是為了有更佳的表演，所以做了很多體能訓練，但她強調︰「最緊要都係健康，同埋我完咗演唱會就唔會再生酮（飲食），因為我真係好鍾意食粥粉麵飯。」

　　鄭欣宜自從今年4月突然「神隱」，外間傳聞指她要求公司投資獨立開公司不果而扭計，及後再有傳她情緒出現問題，直至經理人林珊珊回應確認欣宜患病需要休息，「我代Joyce交代一下，佢的確病咗，療傷之中，希望大家畀多啲時間佢，其他細節唔透露。」欣宜最近疑有復出的跡象，除了為好友許廷鏗拍攝MV之外，亦有為動畫電影《星願奇緣》配音及獻唱主題曲。

　　雖然開始有工作推出，不過欣宜至今未有公開露面。今日聖誕節，欣宜凌晨00點多，她在IG分享一張小時候跟媽媽沉殿霞（肥姐）的珍貴合照，欣宜留言說：「聖誕節係一個與家人同你愛嘅人度過嘅節日。可能因為咁所以呢排成日夢見你。我哋要好好珍惜同親人一齊度過嘅每一個機會。Wishing you all, a very happy Christmas from my family to you. (我一家祝福大家有一個非常開心的聖誕節）」

　　相中所見，除了兩母女外，還有董標等人，肥姐手拖住欣宜獻唱，當時小欣宜只有幾歲，未知是否心情緊張，照片中的她低下頭，非常可愛。

　　由於欣宜事隔多時，再次分享自己的生活IG，不少網友都少趁機會留言鼓勵她，「希望很快見到你現場唱歌」、「你要先愛自己，其實好多人疼愛你。」、「好多人錫你呀，念掛的人會同樣住在你心中，你要快樂！」等等。