世事政情

　　【晴報專訊】吳浩康（Deep）和郭思琳（Margiela）今年3月初宣布奉子成婚，昨日兩人宣布兒子「撐撐」已於本月14日出世，而囝囝是一名8磅11安士的大隻B。Deep陪愛妻入產房兼負責剪臍帶，當聽到BB第一次喊聲，開心得像中頭獎一樣彈起，認真搞笑。

吳浩康、郭思琳和囝囝「撐撐」的首張全家福。

　　吳浩康升呢爸爸，太太郭思琳昨日在社交網分享喜訊，貼出一家三口合照及囝囝單人照，囝囝肉騰騰，十分可愛。Margiela留言「撐撐（乳名）小朋友！歡迎加入吳氏家族！」她指一直都知「撐撐」是大碼B，但估不到自己的肚子可以容納一個8磅11巨嬰，「怪唔知催生咗17個鐘你都唔肯出嚟啦，原來係大件到出唔到嚟。今次呢個生育過程真係痛不欲生，最難捱嘅係好想順產；但一直催生到開刀前都等唔到宮頸打開，淨係不斷地feel到劇烈陣痛…不過最後見證住你平安出世，呢樣先係最緊要！」Margiela還大爆︰「我仲好記得喺產房，Deep爸爸聽到你第一下喊聲，佢開心到好似中獎咁成個彈起！」

剛出世的「撐撐」重8磅11安士，好好肉地。

Deep佩服太太陣痛17小時

Deep之前陪太太一起拍下多輯孕照。（資料圖片）

　　雖然最後要剖腹吃了個「全餐」，但慶幸「撐撐」平安出世，Margiela指自己跟Deep第一次為人父母欠缺經驗，但夫婦倆會盡量去學習，承諾會給予所有愛和耐心陪伴囝囝成長，希望囝囝有一個快樂童年。而Deep昨日回應本報，透露太太在產房時，子宮頸遲遲都未開，打了催生針後，卻一直承受陣痛帶來的痛楚，「人哋（子宮頸）有一至十度，我太太係一度都無，太太內心失望之餘亦都好擔心，當然佢亦都好期待囝囝嘅出現，但始終無呢方面嘅經驗，所以就會再擔心啲。」陪太太入產房的Deep負責剪臍帶，他透露姑娘大讚太太忍得痛，所以十分佩服太太，「真係好多謝佢，一啲都唔簡單，希望我可以繼續好好配合佢嘅生活啦。」

　　【晴報專訊】38歲的吳浩康（Deep）與35歲的郭思琳（Margiela）日前宣布奉子成婚，昨日在貝澳營地舉行簡單而隆重的註冊儀式。眼淺的Deep由綵排到正式註冊，全程「喊包」上身；他向太太承諾愛的宣言時感動全場：「多謝佢願意嫁畀我，願意同我一齊去經歷我哋嘅人生，同我一齊去遮風擋雨。」

與懷孕三個月的郭思琳雙喜臨門。

　　吳浩康透露婚禮前兩晚已緊張到失眠，他在綵排時更忍不住哭出來。Deep大讚老婆郭思琳︰「我鍾意我太太係一個好率直、好簡單嘅人，有乜就講乜，同佢相處唔使估，會好嚮往同佢相處。佢唔止對父母好上心、好愛錫，對其他屋企人都好關心、好照顧，好欣賞佢對家庭嘅態度。」畀太太多少分？他笑言︰「嘩，唔可以亂咁畀分，呢個係我啱啱新婚學識嘅事，太太一定係超過滿分。」疫情所限，他們未能廣邀親友作見證，但稍後會補辦婚宴。

運送婚禮布置的物流遇上阻滯，Deep臨時在山邊執樹枝作裝飾。

一對新人的愛犬全程陪住行禮，十分溫馨。

　　昨日正式註冊時，Deep跟Margiela更是喊唔停，Deep說︰「無諗過咁緊張，特別係見到我爸爸喺度，我都無乜停過喊。」Margiela見老公喊到「決堤」，她亦感動落淚：「無諗過佢喊得咁犀利，我一見到佢喊我又忍唔住喊，佢太眼淺啦，我成日要安撫佢。」提到在疫情下舉行婚禮，Deep坦言無論有否疫情，婚禮都是最難忘，「因為無經驗，蝦碌百出，感謝太太包容，雖然唔係十全十美嘅婚禮，但都係疫情見證下嘅一個完美婚禮。」問到Margiela婚後第一課，她笑說要見識婚姻的恐怖，「我要學做一個好太太、好媽媽，好多人話婚後係另一個境界，我想快啲睇下有幾恐怖，哈哈。」

郭思琳與Deep簽字後情深一吻。

生仔生女一樣開心

　　剛成人夫的Deep將榮升人父，提到BB性別，他表示要保持神秘感暫不透露，「其實仔女我都鍾意，因為第一次做父母，有好多嘢都未知。」他透露老闆楊受成博士會送大利是給BB，「楊生話會封大利是畀我個BB，其實收到老闆嘅祝福已經好開心，老闆真係睇住我成長，照顧咗我20年，係我半個爸爸，有咁尊敬嘅人嘅祝福，已經係好大嘅禮物。」