世事政情

　　【晴報專訊】歌手出身的張繼聰（阿聰）事隔多年再開騷，原定本周六（15日）假旺角麥花臣場館舉行《Welcome to route 37》演唱會，但前日他不幸確診新冠肺炎，昨日忍痛宣布個唱取消。阿聰的太太謝安琪（Kay）及一對子女為密切接觸者，故一家現正居家隔離中。

張繼聰現時在家隔離及休養，跟足指引靜待康復再出關。（資料圖片）

　　張繼聰為了今次演唱會費盡心思，正當一切準備就緒，卻不幸「中招」。主辦單位昨日表示對於有關延期安排將盡快公布，對所有已購票觀眾帶來不便深表抱歉。本地舞台負責人伍健雄表示︰「現階段未諗延期會增加幾多開支，呢一刻只係想盡快通知已購票受影響嘅觀眾，我哋依家同場館溝通，希望盡快攞到最新嘅檔期，有最新消息會第一時間通知大家。」

阿聰確診，Kay及一對仔女現正居家隔離。（資料圖片）

　　阿聰昨午在社交網發文︰「非常抱歉，希望大家保留門票，關於改期嘅消息，會盡快通知大家。我會好好休養，補番一個精采嘅演出畀大家。」他同時透露病況︰「現時病徵輕微，有少少發燒，已通報有關當局，家人亦按照相關的指示自我隔離。」圈中好友鄧麗欣、陳瀅及連詩雅等留言請他保重身體。

Kay曬腿保住「一線」歌手

　　而Kay隨後亦在社交網報平安︰「快測結果是一條線的，這幾天會按照規定，乖乖留在家好好休息，隔空跟淺白小隊跟進新歌MV進度，雖然工作需要調動，但向好的一面想，就當這星期是繁忙中，特別安排給我的假期吧！小朋友們都很掛念我做的麵包，也有好一些書一直未有時間細閱，就好好享受這個假期吧。」同時貼出一雙白滑玉腿，並提醒大家多喝水及補充維他命。

　　文青女神演員袁澧林（Angela）早前喺社交平台自揭入院，突然出現過敏導致氣管收窄，聽落都覺得恐怖！

　　袁澧林Post出多張相，講述佢入院過程，留言：「太久沒回家，摸貓還能摸到進醫院真是天方夜譚，由於氣促呼吸不順暢，護士馬上推來輪椅給其實可以行走的我，我生平第一次被定義為緊急狀態被帶去分流房間，腦海中全是『omg原來會這樣』。」我問是甚麼事護士不能說要等醫生來，卻將心電圖儀器貼到我全身都是。還在我驚魂未定時幽幽地報價『那我說一下你所在的房間要 $xxx 元一小時』、『由於你呼吸還沒順暢起來我會監測著你，心電圖也跟你說一聲，費用是 $xx 半小時』做人真是奇妙，生存在世每天都有新的體驗。」

　　袁澧林仲因為今次突然不適影響工作：「我躺在病床上，感受著自己因入院而放了工作（圍讀日）飛機這件事，一邊萬分歉疚，一邊感恩終於可以睡一覺了——這兩個禮拜的日程實在⋯⋯」佢仲講笑話自己新買好fashion嘅褲，個pattern好襯醫院，話自己「自帶病人褲」，非常幽默。袁澧林透露令到佢過敏嘅原因係因為貓貓，本來都係好常見嘅事，不過最出奇嘅就係佢已經養咗貓7年：「報告：我沒有大礙，只是對貓毛過敏導致氣管收窄。重點：我貓養了七年 原來可以這樣，一覺醒來發現突然對自己的貓過敏的嗎？」

　　袁澧林最後喺story透露自己已經執緊嘢出院，要多謝醫生護士照顧，仲爆有男fans問佢拎簽名，承諾下次會「派福利」：「還有那個幫我量血壓的男護士，下次不要用溫度紙拿簽名啦！！俾張A4紙我，我下次幫你畫滿佢。」好友張繼聰都有留言慰問，佢就表示自己已去咗台灣繼續工作。唔少網民都叫佢好好休息，好大機會係因為休息唔夠令到免疫力下降先會突然爆發過敏。