世事政情

　　電影《掃毒3︰人在天涯》現正上映，三位影帝級人馬古天樂（古仔）、劉青雲與郭富城（城城）在片中連場對決，無論是爆破場面，還是埋身肉搏動作戲，同樣吸引觀眾眼球。城城笑言孭氧氣筒扮潛水最辛苦，而青雲則湯告魯斯上身揸飛機，相當有型。

（左起）城城笑言與古仔及青雲合作，令他感受到男人的浪漫。

青雲（右）揸飛機的英姿，獲城城大讚似足湯告魯斯。

　　在《掃毒3︰人在天涯》中，古天樂、劉青雲與郭富城分別飾演警察、大毒梟及警察臥底，三人毫不錫身，動作連場。提到青雲在戲中揸飛機型格十足，城城大讚對方駕駛技術了得，媲美湯告魯斯，不過青雲搞笑自爆︰「揸（飛機）就真嘅，只不過無離地啫，哈哈哈！」他坦言很久以前曾想過考飛機師牌，「不過要先修讀好多相關課程，最主要本身真係無時間。」

三大影帝回想在疫情期間拍攝《掃毒3》，雖然辛苦但十分愉快。

青雲曾想考飛機師牌

　　戲中，飾演警察的古仔要追捕同僚臥底城城，因此雙方有不少對打場面，二人笑言追逐戲不算辛苦；不過城城表示拍攝拳腳對打，雖然戴上護墊保護，但埋身肉搏少不免迎面撞擊，笑言感覺很痛，幸好仍頂得住。

　　青雲大讚古仔與城城的打戲相當精采︰「一個有力，一個敏捷！」拍打戲經驗豐富的古仔，表示打功夫場面與「爛仔交」的拍攝方法不同，他試過連續十幾日拍打戲，而拍這些場面前，必須先排練多次。城城則說︰「我最驚就係火，因為爆炸可以造成好嚴重嘅意外，火舌彈出嚟嘅方向隨時變，風力都會影響火嘅方向，所以拍攝一次爆炸場面，一定要做足事前準備，盡量一take過。」

城城本身有潛水牌，拍攝潛水戲自然難不倒他。

　　至於今次最難忘的動作場口，城城表示是拍攝潛水戲︰「我有潛水牌，但畢竟都一段長時間無潛水，都擔心有危險。其實呢一幕戲有分濕水同乾水拍攝，導演邱禮濤一直安撫我哋，叫我哋唔使擔心。落水戲無太大問題，反而返到廠拍『乾水』戲我覺得仲辛苦，因為要吊威也，又要孭住幾十磅嘅氧氣樽，如果喺水入面孭氧氣筒，反而卸咗啲力。」三人又提到片中有幾場戲是在雲南山區取景，當地每隔一、兩小時就會下雨，泥路變得濕滑，一不小心會跣倒，他們的雙腳有時被泥啜實而行動不便，導致不斷NG。

城城本身有潛水牌，拍攝潛水戲自然難不倒他。

城城「潛乾水」最辛苦

　　第一次飾演臥底的城城，表示相當過癮，一收到劇本時便急不及待想演出。至於飾演反派大毒梟的青雲，拍攝時全程投入，連古仔和城城都大讚他在鏡頭後依然代入角色中，相當認真。不過城城表示︰「如果由我飾演毒梟，我會將自己整到好瘦，瘦到骷髏骨咁，同青雲完全唔一樣。」

　　《第42屆香港電影金像獎》圓滿舉行，大會頒發多個大獎，《金手指》獲得六個獎成為大贏家，而大獎則是《白日之下》的天下，女主角余香凝、男配角姜大衞及女配角梁雍婷成功奪得，影帝則是身在德國的梁朝偉憑《金手指》奪得。而「最佳電影」由《毒舌大狀》奪得，黃子華失落影帝，更擔心團隊未能獲獎而一度哽咽，場面感動。

　　「最佳女主角」獎由鄭秀文負責頒獎，鄭秀文自從去年6月開始因確診新冠肺炎引發哮喘，一直都養病休息至今，正式再次在大型活動公開露面，見她精神奕奕，狀態大勇。最終，獎項由大熱的余香凝獲得，她喊住口多謝老公、兩個女兒同媽媽，感激家人全力支持她去追夢。

　　而「最佳男主角」原本由劉青雲和袁詠儀去頒發，不過最終換上古天樂，全場都以為報幕員陳永業讀錯名，但原來古天樂大玩錯有錯著，直接拎劉青雲和袁詠儀的講稿照講，惹起全場爆笑。大會歡迎兩人上台時，演湊出《新不了情》主題曲的音樂，古天樂自我介紹是劉青雲：「我係劉青雲，史上第一次用呢個樣，亦係最後一次用呢個樣！」袁詠儀大笑讚青雲「靚仔咗」，古天樂用《新不了情》的角色名「阿敏」來稱呼袁詠儀，而袁詠儀用「阿傑」來回敬，兩人相隔三十年再「重聚」，提到當年《新不了情》四個演員有三位演員得獎，偏偏劉青雲失落，古天樂扮劉青雲說：「我承認自己運氣唔好，但我有才華，我13年之後就得到獎喇！其實青雲病咗，所以我先代佢！」

　　袁詠儀邀請幾位「最佳男主角」候選人演一次失落獎項的反應，搞笑的黃子華直接氣憤離座，其他幾位都沒有反應，而身在德國的梁朝偉都有著住西裝直播見證重要一刻，直至頒獎前一刻，古天樂向台下的林保怡說：「我驚我行出嚟，林保怡以為得獎，金像獎真係到最後都唔會知！」最終袁詠儀宣布梁朝偉得獎，並由老婆劉嘉玲上台代領。未知是否不在舞台上面，梁朝偉明顯心情輕鬆，更隔空跟劉嘉玲的互動大放笑彈，梁朝偉說：「唔識講好開心囉，因為好耐冇喺香港電影金像獎攞獎，十幾年喇，好開心，係咪而家要開始講得獎感受，嘉玲姐？」梁朝偉先後多謝電影的團隊，再感激現場的太太，他說：「影梗係要多謝你呀喇，嘉玲姐，咁多年來鼓勵同支持，等我講埋先，仲有多謝我嘅屋企人，同埋41年演藝生涯入面支持我嘅觀眾朋友！」隨後，劉嘉玲問過梁朝偉意見後，她亦有發言：「我想講兩句，我知道梁朝偉一攞獎，啲人就會話：『唔係呀嘛，又係佢呀？畀啲機會人啦！』但係咁多年喺佢身邊，我覺得梁朝偉真係個好偉大嘅演員...」梁朝偉即時謙言：「千祈唔好咁講！」劉嘉玲無理會梁朝偉繼續講：「普通一個演員，可能付出100分、200分努力，梁朝偉係付出500分、1000分努力，香港有咁偉大嘅演員，值得驕傲！」梁朝偉即時「補飛」：「都話唔係，好演員可以但唔係偉大，香港電影加油！」

　　《毒舌大獎》獲得最佳電影，黃子華壓軸發言答謝大家時一度哽咽，他說：「牡丹雖好都要有綠葉扶持，我哋演員只係綠葉，最重要係創作嘅人同導演，我見到佢哋每一個字、每一句都同我哋法律顧問去斟酌，我哋《毒》由頭到尾一個獎都冇，我好想如果我得到獎，會將呢個獎畀你，但係而家更好結果出咗，多謝大家。」

第42屆香港電影金像獎完整得獎名單：

最佳電影：《毒舌大狀》

最佳男主角：梁朝偉《金手指》

最佳女主角：余香凝《白日之下》

最佳男配角：姜大衞《白日之下》

最佳女配角：梁雍婷《白日之下》

最佳新演員：謝咏欣《但願人長久》

新晉導演：卓亦謙《年少日記》

最佳編劇：游乃海、李春暉《命案》

最佳導演：鄭保瑞《命案》

最佳攝影：潘耀明《金手指》

最佳剪接：梁展綸、David Richardson《命案》

最佳美術指導：林子僑《金手指》

最佳服裝造型設計：文念中《金手指》

最佳動作設計：董瑋《爆裂點》

最佳原創電影音樂：泰迪羅賓、戴偉《4拍4家族》

最佳原創電影歌曲：《填詞魂》作曲及主唱：謝雅兒 填詞：黃綺琳《填詞L》

最佳音響效果：Nopawat Likitwong《金手指》

最佳視覺效果：黃智力、潘志恒《金手指》

最佳亞洲華語電影：《周處除三害》

專業精神獎：唐萍

終身成就獎：洪金寶