世事政情

　　林作與裕美昨日（1日） 拍拖五周年，二人拍拖以來經常公開互寸，但感情愈來愈好，早前林作涉JPEX案被警方拘捕，裕美患難見真情，不離不棄，不但獲封最佳女友，更成功打動林作媽媽。

二人昨晚食Omakase慶祝。

林作對於「呃裕美五年青春」得戚舉V。

JPEX風波│林作靠女友掩護後門鬼祟離開警署 裕美5度助脫困打動未來奶奶

　　林作與舊愛麥明詩各自各精彩，女方日前認愛盛勁為，而林作則在拍拖紀念日前，一早向「網上大神」求問如何慶祝。昨晚，林作與裕美出席活動後，到中環食omakase慶祝，林作問裕美：「今日（昨日）我同我女人五周年慶祝, 有咩感覺？佢30歲同我一齊, 依家佢35歲。」裕美沒好氣說：「被你呃咗五年青春。」趁裕美去廁所，林作自拍說：「趁美美去廁所，我好坦誠分享同佢一齊五年嘅經歷同反思，我係好後悔嘅。」不改互窒本色。

　　原來好戲在後頭，裕美準備了燒豬蛋糕慶祝，最過癮的是蛋糕上的祝福句子：「5週年你就坐監。」明寸男友官司纏身可能入獄，認真百無禁忌。二人吹蠟燭前，裕美再許願：「祝你心想事成，萬事如意，快高長大，恭喜！」回家後，裕美用菜刀切蛋糕展示「刀功」，又說：「我刀法強而有力，唔好得罪我。」至於林作則透露，昨晚在活動上遇到七仙羽，林作說：「她（七師傅）說我不會坐監，並一定會應驗。以此為證，我信七師傅，一向好準。」

林作涉JPEX案被捕。（資料圖片）

裕美「調虎離山」助林作離開警署。（資料圖片）

裕美對男友不離不棄。（資料圖片）

林作表示相信七師傅。

　　此外，身為網絡風頭躉的裕美，日前上載一條「如何面對你的抨擊者」的心靈雞湯式短片，分享面對haters及負評如何自處。裕美指無論公眾人物抑或素人，都試過被人攻擊，她說：「被人話完，通常有兩種感覺，一係被人話中，所以好嬲；另一種係覺得人哋冤枉你，然後你好想解釋，但解釋係冇用，因為佢根本就冇心聽。你講乜佢都只會會話『你解釋即係掩飾』，講嚟都嘥氣，無謂嘥時間。」

裕美父女失散廿多年靠Twitter尋親 帶媽媽赴日一舉動原諒家暴過去

　　裕美透露，她收到的網民攻撃，大多是罵她「你係雞」、「煮啲咁嘅嘢就諗住嫁入豪門」、「你一定係整容」，她說：「我會答『係呀係呀！我係整容㗎！你點知！你真係聰明啊！我仲隆埋胸添，本來-Ａ依家變咗G，你睇下，幾大！』只要佢（網民）開心就好，順住佢意，佢覺得咁樣就係真，咁你咪成全佢囉。」她續說：「因為我本身都有抑鬱症，所以唔好去push佢哋（haters），我地去關懷佢哋，我地可以出一點綿力去幫助佢哋…對世上每一個人對你的攻擊，最好的還擊係你活得好，有自己生活，唔需要同人比較。」

「轉載自晴報」

　　麥明詩（Louisa）同盛勁為昨日舉行第二場婚禮，廣邀親朋好友，當中有唐詩詠、曾俊華、黃德斌、戚其義、林正峰，翁嘉穗以及其夫鄔友正；另外仲有江美儀、陳庭欣、吳業坤、戴祖儀、劉佩玥、鄧卓殷同郭子豪，不過最爆嘅就係佢邀請咗前度林作嘅媽媽王莉妮到場。

　　王莉妮表示係麥明詩請佢嚟，大方接受訪問，妙語連珠，佢表示同麥明詩一直保持友好關係，仲會不時見面：「做唔到新抱做契女，有時都約出嚟飲茶傾偈。」王莉妮話婚禮前已經以「前度媽咪」身份見過盛勁為，指三人都冇尷尬，仲大讚盛勁為：「好靚仔、好有型、好有擔當，好開心Louisa搵到幸福。（個髮型呢？）型過我個仔，我個仔個頭撐嚟撐去，（盛勁為）又夠高，比起嚟我個仔……哈哈，唔係話踩我個仔，一比起嚟呀盛……」

　　王莉妮又大嘆覺得好婉惜：「我之前一味想箍煲，用咗好多方法，之前娛樂圈都好多啦，鄭秀文7年、8年後復合，我都帶有希望可唔可以返嚟，足之都唔得啦！嗰時未來奶奶……做唔到新抱，只能夠祝福，做唔到新抱做契女，佢（Louisa）都話好開心。」被問到點解今日林作冇到，王莉妮就大笑：「冇人邀請佢嚟喎！佢有同我講：『你玩得開心啲啦，祝Louisa新婚快樂，早生貴子。』」

　　王莉妮講到幾時到佢做奶奶，佢就話自己都好想，唔想林作養狗，想快啲抱孫。王莉妮又話有時啲嘢要睇開啲，自己已經開始接受裕美：「開始接受到，自從我仔入院。」被問到幾時好日子，佢就話想今年內娶新抱：「Louisa完咗（結完婚），我又度下，到時我個仔結婚我又請Louisa去。」但講到裕美有幾多分時佢就有啲猶豫：「慢慢嚟啦，我舊年8月先開始接受。」而林作事業方面，王莉妮都指佢開始上軌道，唔使經濟資助佢，仲會問番佢有冇錢使，o氹到佢好開心。

　　問到王莉妮今日預備咩禮物畀Louisa，佢又忍唔住「爆」：「送紅包最實際，同埋用心寫咗好多嘢。Louis好乖女，之前都寫好多嘢畀我，呢世都留喺心，保存喺我手機好遺憾……佢真係好乖，如果做到我（新抱）今日就係……唉……唔可以再講喇要收口，祝Louisa新婚快樂、永結同心、早生貴子，多謝大家！」

　　林作幾年前曾與母親王莉妮為香港開電視節目《搵陣》任嘉賓，林媽媽希望兒子可以找個門當戶對的人，蘇師傅贈言林作命格要找強悍女人，不能小鳥依人，林母聞言即有所領會說：「咁我知喇！緣分嘅嘢可能兜兜轉轉都會返嚟。」林媽媽一直都對麥明詩念念不忘：「唔開名，總之呢啲嘢好難講，我好相信有嗰一日，總之佢翻兜或另結新歡兩個方案我都接受，佢以前啲女朋友我個個都夾到。師傳幫忙擺個桃花陣，幫我搵返個『好新抱』！」