世事政情

　　當區議會選舉以後，許多人都以為香港的政治衝突將會告一段落。許多政治評論認為街頭暴力將會告一段落，即使特首林鄭也一廂情願的以為香港可以返到從前。

　　太天真了！當時已經提出不可能。原因是反對派和其背後的外國力量，都清楚知道自己手上有兩副牌，一是選舉時以和理非包裝，目的奪取議席，最終達致奪取香港管治權；另一是勇武暴力，破壞香港特區政府的管治威信，以及中國政府擁有香港主權的合法性。

　　試問有這樣的好牌，怎會輕易放過呢？

　　這正好說明在選舉以後的這一個月，即使在普天同慶的聖誕日子，蒙面暴力示威者仍無時無刻，不斷的在香港各地製造暴力了。

　　當時已經指出，暴力場面將會一直持續至明年立法會選舉前，以製造對他們更有利的因素，抹黑警方和特區政府，打擊立法會和建制派，目的是希望明年立法會選舉時，可以奪得大多數議席，達到操控立法會，癱瘓立法工作。

　　如果特區政府仍以為，可以透過不斷強化政府的工作，以挽回民心，做到有效管治的話，這是痴心妄想，是毫無政治智慧。

　　和不少接近特區政府的智囊，和特區政府官員傾談，發現他們仍以舊的一套思維，去解決目前困局。正如之前講過，非常時期當然以非常手段解決。

　　可惜，當有建制派仍說，將九龍塘解放軍用地拿出來，便可建幾萬個公屋單位的時候，我不禁要問：有用嗎？

　　現在有接近30萬人輪候公屋，即使3年內可以立刻安排4萬人上樓，加上原來每年3萬個公屋單位，合共3萬人X3年=9萬人加4萬人=13萬人，但仍有17萬人在輪候啊！而且還未計算此3年內新增輪候人數，房屋短缺問題仍然嚴重。若沒有創新思維和長期政策去解決香港房屋問題，試問3年後又如何？

　　今天特區政府，已經失去60%港人支持和信任，唯一可做的是把過去市民提出的意見，都納入考慮範圍，才令市民，至少有一部分人看到政府是肯為市民著想。

　　這60%反對人士中，總也有部分是不那麼偏激和死硬派，只有團結大多數，團結可以團結的，這是共產黨奪取政權的3大法寶之一，才會令社會重拾希望。

　　更加可惜的是，特區政府官員和建制派都沒有顛覆性的思維，去解決現今困局。他們不明白，香港不再是香港了；若然沿用舊思維，她們的結局也是顛覆性和毀滅性的。

　　負責為全港超過19萬公務員制定薪酬調整幅度指標嘅「薪酬趨勢調查委員會」，剛剛喺噚日（16日）公布最新嘅2024年薪酬趨勢調查報告，各級公務員加薪淨指標，分別係高級公務員4.01%、中級公務員4.32%同埋低級公務員5.47%，遠遠超過之前市場預期嘅3%至4%。

　　消息一公布，市面「嘩嘩聲」四起，事關成4%至5%人工加幅，對私營市場九成打工仔近幾年嚟講，都係遙不可及。有熟知政府運作嘅政界中人就話，每年嘅薪酬趨勢調查委員會報告，都令到政府高層頭都大埋，佢形容：「私營機構加幾多人工，梗係睇吓公司去年盤數同埋預測未來2、3年經營狀況去決定，簡單好多；但政府加幾多人工畀公務員，要考慮嘅因素唔單止係自己個荷包，仲要睇埋對私營市場嘅影響，絕對係政治學上一門高深學問。」

　　今年公布呢個遠超市場預期嘅加幅，絕對係令到政府處於幾尷尬嘅局面。如果跟足建議去加人工，好處當然係公務員士氣獲得提振，有助現屆政府繼續積極推行各項政策，等下面嘅公務員「攰死」之餘，起碼荷包得以充實。不過現時市場經營環境並唔係一面向好，以往一直係「天之驕子」嘅金融機構更加出現裁員情況，中小企更加喺北上消費熱潮之下「得個做字」，街上、商場吉舖處處，如果政府帶頭加足5%薪酬，對私營市場絕對係沉重打擊。

薪酬趨勢調查委員會建議嘅公僕加薪幅度，遠超市場預期。(Shutterstock)

　　喺面對千億財赤、儲備跌到得番7000億元、政府甚至要加大發債去支持基建項目嘅時候，加薪5%，講緊每年開支要增加超過60億元，政界中人就話：「呢頭你話政府唔夠錢要研究加呢樣收費、減嗰樣使費，到頭來加人工就要每年使多60億至70億元，試問又點樣同市民交代？」

　　而加唔足嘅話，對政府運作亦有唔少影響。有公務員朋友形容，呢幾年行政主導勢頭之下，個個局都要交足功課，上面有任何諗頭，做細嘅就要出頭，唔少部門嘅中高層都做得辛苦過出名工時長嘅四大核數師行，夜晚10點後收工都係等閒事，「人工加得唔夠好，可能就會令到人手流失加劇，特別係30幾歲中層嗰班，佢哋有政府工作經驗，行出去好多私營機構都爭住要，政府人工加唔夠，呢班中堅走咗就好難再填補」。

　　有立法會議員就私底下透露，早排都已經有評論認為公務員要減人工去同政府庫房共度時艱，不過佢自己就覺得，呢種講法無非都係社會嘅一種怨氣，「要解呢口怨氣好簡單，只要最高嗰班官員唔加人工之餘仲自願凍薪，甚至減人工，輿論就自然會覺得高層有承擔，呢啖氣就自然吞得落，下面加得足又點話呢！」