職場

　　開完back-to-back meetings，個頭wing wing地，立即去睇我喜愛嘅中醫。喜愛，係因為佢除咗好醫術之外，仲好攪笑。

　　「呀！師伯！你結果都嚟咧！」佢一見我就叫。

　　點解叫師伯？因為我細佬係佢個女嘅太極老師，大家有一日在醫館狹路相逢，佢地就研究要如何稱呼我。

　　「嗱！唔好叫師姑呀……咁喇，叫師伯啦。」我自出套路。

　　於是我就喺醫館變咗性咧。

　　醫師把完脈，好熟練咁下針。

　　「究竟我係乜嘢病呀？」我喺變成箭豬嘅過程問。

　　「虛火上升啫。過勞囉。喂！你係咪擔泥㗎？」佢開玩笑。

　　「唔係擔泥，係好多嘢擔心。都唔知點解咁忙，我覺得我唔係人嚟嘅，係隻牛！」

　　「我有個秘密話你聽。」佢細細聲講。接住話：

　　「你知唔知，香港啲牛係唔駛做㗎？」

　　「係喎，佢地淨係負責遊蕩同食草咋喎。咁我要重新定位咧！」我表示好受佢啟發。

　　佢好高興我咁受教，再接再厲。

　　「你應該學吓我個女。」

　　「係。師侄點呢？」

　　佢就敘述其千金幾咁識歎。

　　老豆有一日問個女有乜理想。答案係：

　　「一畢業就退休！」

　　不久，個女睇見老爹做到好夜都未食飯，就問：

　　「老豆，呢排咁遲都未收工嘅？」

　　「係呀，要準備退休金嘛。」

　　「都唔駛咁搏命㗎！」

　　「我要為我同你退休籌款嘛。」老豆煞有介事咁答。

　　個女唔係幾好意思，細細聲話：「我嗰份細細地得㗎咧，我係佛系嘅。」

　　「我係被佛系嘅。」老豆答。

　　無論佛系定財系，要歎定要捱，好多時都早有前因，一打開副八字就一目了然，要捱一族，多數身弱而缺生扶，或者大運流年遇唔到用神，全部食自己！歎嘅幸運兒，就身旺有洩或尅、身強傷官生財，或身弱有印幫身、用神得力等。

　　如果以上太複雜，咁生於西曆一月八日至二月四日，即舊曆十二月，正是隆冬the depth of winter，無木無火，生機微弱，就多數辛苦啲。不過可能意志較堅強，因為遇慣逆境，往往有成就。

　　再簡單啲，就係睇吓老豆咧！

　　選人揀卒的學問，前人已有許多心得，清代名臣曾國藩在相人之術方面，完全是大師級數，他用四十個字，概括了其中要竅。

　　首先晒一下他的Quali．他曾任史部侍郎，負責朝廷的H.R，後來官至兩江總督，出名知人善任。心高氣傲的左宗棠也說論知人之明，自愧不如他，曾的宿敵石達開也得承認曾「雖不以善戰聞名，卻能識拔賢將。」

　　一次曾國藩的得意門生李鴻章向他請教相人之術。

　　曾國藩答稱此術甚為複雜，往往只可意會不能言得，但他也盡人事將多年心得傳給愛徒：

　　「邪正看眼鼻，真假看嘴唇，功名看氣概，富貴看精神，主意看指爪，風波看腳筋，若要看條理，全在語言中。」

　　李鴻章請求老師詳細解釋，曾國藩補充說：

　　「第一看五官，以雙目神不外散、鼻樑直、嘴唇厚為最好；第二看皮膚，以膚色粗黑、雙手繭多最好；第三看說話，以木訥寡言為最好，主要是這三條，其他都是次要。」

　　由於他們當時討論的是怎樣挑選士兵，而且論時代和社會的價值觀，古今大相徑庭，所以容我作以下的Update：

　　一、眼正鼻直，做事會認真，可以信賴。眼斜鼻歪，肯定好人有限。但現代也要求創作力和想像力，有些這方面的人才在溝通時不一定望著你，因為他們還沉醉在自己的虛擬世界。又社會上有許多宅男宅女，習慣低頭做自己的事，對旁人都懶得看，所以眼神這回事，可以要求眼神有焦點不渙散，但不一定要求對方長時間正視著你。

　　二、嘴唇宜厚：古人認為唇厚代表忠厚，因為嘴唇太薄容易巧言令色、口沒遮攔。但我們也要看上下唇的比例是否合適，若下唇過厚，而且唇形輪廓不鮮明，那麼這人可能只是個慾望強、愛享受的人，也不宜委以重任。但當時李鴻章是揀兵，如果沒有我上述說這些缺點，唇較厚的會較可靠。

　　三、膚黑而粗、雙手有繭：這似乎配合我們現代揀外藉家務助理，如果她的手滑過你，你都幾驚。有一次我請了位菲傭，是大學生（菲律賓有許多大學生），她的手就異常幼滑，原來她家中有女傭、一向唔使做，你可以想像她多有家務經驗了。我們若是想請行政人員，皮膚不宜粗糙，因會粗心大意。

　　四、功名看氣慨：大概就指現代所謂的氣場，要有強大氣場、胸襟、志氣、氣度。

　　五、富貴看精神：我們又真是沒見過一個精神萎靡、烏眉瞌睡的富翁喎！精神亦可解作現代語言中的熱誠Passion。

　　曾國藩雖然是封建社會的人，但見慣大場面，在名利場中有高層次的洞察，他的心得，對於我們這可以預訂太空旅遊的世代，仍有參考價值，因為人性仍然是那麼複雜難辨、似真還假…。