財智

　　成日聽人講投資酒，咩紅酒白酒啲炒價真係嚇死你，而近期香港市場興起一股炒賣威士忌嘅潮流，而且唔係原支咁買，係一桶桶咁入貨，回報率仲好高！今日介紹原桶威士忌另類投資！

由金融轉行另類投資，從投資角度推廣酒業

Agnes原本從事金融業，不過看到威士忌的優勢因此中途轉業，並以金融業累積的經驗在發展威士忌原桶投資

　　原本係金融業工作嘅Agnes都酷愛飲酒，而且特別鍾情威士忌，佢眼見各類投資中，唯獨威士忌升幅跑贏大市，所以縱使係金融業工作二十多年，都毅然轉身投入另類投資行列。不過Agnes同其他威士忌買賣行家唔同嘅係，由於自己擁有豐富財經及金融知識，加上威士忌買賣行業較為封閉，所以佢就想打破呢個封閉局面，嘗試以一種「金融投資買賣」切入為客戶帶來新的投資角度。

　　Agnes解釋，全世界生產威士忌嘅地方好多，近期連印度都加入戰局，因為印度需求龐大，單靠入口已經難以滿足。不過，大部分地方係以量產 (Mass production)方式滿足需求，唯獨蘇格蘭走精品高檔路線，所以要選擇投資的話，只有蘇格蘭威士忌係最值得投資，而近期大家都追捧艾雷島所出產嘅威士忌，因為其獨特口味且產量唔高，所以投資價值較為可觀。

入場費只需幾萬，威士忌升幅以倍計

Agnes以「酒桶投資」＋「私人會所」的方式經營生意，其會員可以一邊品酒一邊遠眺維港景色

　　據Agnes分享，由於蘇格蘭出產高品質威士忌，當地市場都已經「唔夠賣」，所以唔少外地人都會前往當地進行威士忌投資；有趣嘅係，2022年威士忌佔蘇格蘭七成七食品出口，為吸引投資者投入產業，英國政府一直嚴謹監控，同時對蘇格蘭對於威士忌設有「保稅倉庫」制度。

　　係呢個倉庫下，投資者所買賣嘅威士忌酒桶必須存放係該倉庫，而一切關於買賣酒桶嘅行為並唔會產生稅收，直到酒桶出口轉移外地，或者要將酒桶內嘅酒入樽，先會開始打稅。因此當地衍生酒桶買賣行業，你可以買一個酒桶擺三幾年，之後再選擇賣出，又或者可以選擇入樽。

　　被問到投資威士忌酒桶會唔會入場費好高？Agnes表示，投資酒桶有趣嘅地方，佢同買一隻股票差唔多，都係幾萬蚊就可以買到一個酒通，投資門檻唔高，另外需要支付每年約一千多元港幣嘅存倉費即可。而係2019年至2022期間，可能因為大家都因為疫情要留係屋企無嘢做，所以對於酒精需求加據，威士忌係呢幾年間升幅竟然高達240%！而且存放年份越耐，酒價升幅越高。

　　Agnes指出，一個酒桶大概可以入到約300支、每支700ML標準裝威士忌。唔同年份嘅威士忌價格都相差好遠，例如12年威士忌可能只賣緊700蚊至1000蚊一支左右，去到18年已經價格翻倍；而去到25年份嘅威士忌，價格可以由3500蚊至25000蚊不等，所以升幅真係好可觀！

客戶多是家族基金或金融機構，同藝術家聯乘可以令酒價提高？

Agnes經營的會所「Art Whiskify」，希望透過品酒方式推廣酒桶投資

　　咁香港目前威士忌市場係如何呢？Agnes強調，目前香港買賣威士忌酒桶係新興行業，而且行業信息較為封閉，所以知道呢門生意嘅人唔多，因此藍海市場頗大。而紅酒過去升幅已到頂，再係紅酒市場投資獲利機會不大，加上近期內地白酒市場因為經濟下行問題而需求減少，Agnes反而睇到威士忌係內地有「年輕化」趨勢，更多年輕人喜歡飲用威士忌，成為一種潮流文化。

　　由於Agnes曾於金融機構工作，睇得出華人有「送禮文化」需求，而目前客戶多數係家族基金或者金融機構，客戶可能主要用於送禮自用，又或者以投資組合 (Portfolio)方式處理，由於近年威士忌升幅驚人，客戶的投資組合除了傳統嘅黃金、股票、基金之外，都會加入威士忌捉緊升幅，以目前高品質威士忌嘅稀少性而言，未來似乎只有「只升不跌」嘅情況出現。

想真係親身睇下自己酒桶係咩樣，Agnes都會陪同客戶親身前往蘇格蘭

　　Agnes投身威士忌另類投資，除咗會幫客戶處理酒桶買賣之外，假如客戶覺得自己個酒桶適合入樽嘅話，更會幫你搵埋藝術家設計樽身同圖樣。據Agnes所講，某啲藝術家嘅名氣可以為支酒帶來額外價值，假如支酒連及酒樽設計係投資者獨有，簡直就係「飲一支少一支」，所以有藝術價值嘅威士忌係行內一直有價有市！

　　最後，Agnes強調，目前係香港買賣酒桶係唔需要牌照，但係英國賣酒、管理倉庫同裝瓶都要分別有牌照。而如果客戶買入酒桶之後，想真係親身睇下自己個「寶貝仔」係咩樣，Agnes都會陪同客戶親身前往蘇格蘭，呢個係Agnes對於客戶嘅保證，以加強公眾對於買賣酒桶嘅信心。

撰文：李皆穎

拍攝：李皆穎

　　上日提到，近期香港年金公司推出了一個頗為震撼的促銷優惠，就是由4月29日至今年底，投保30萬元政府年金，可獲額外25%的終身年金收入，令到30萬元或以下的IRR（回報率）大幅提升。這還不止，同期推出的優惠，其實還有兩項。

　　其中一項是優化特別款項的提取安排，同樣由4月29日起，客戶最高可以提取100%已繳保費的餘額以應付醫療相關開支，而毋須繳付任何提取費用（終身上限是100萬元）。

　　此外，也是由4月29日至今年年底，客人投保政府年金，可享2%保費折扣優惠，即買100萬元，實付98萬元。

　　我在本欄一直跟進政府年金的各項優化措施，在2022年時的那一次優化，我曾經形容那是政府年金的3.0版本。今次的推廣和優化措施，如果屬長期的話，我就會形容這是政府年金的4.0版本了。

　　只可惜，當中兩項措施，即加「派彩」和保費折扣只是短暫優惠，而且，也不會令現有客戶得益，所以，我只能形容，這是3.0的加強版，而非提升至4.0呢！

　　政府年金最初在2018年推出時，市場反應並不理想。當時是有個100億元的發行額，但最終只有9410人認購（全港有110萬65歲或以上的長者），總認購額49.4億元，即是不到發行上限的一半。但經過年金公司不斷宣傳和推廣之後，近年確實開始受到關注了。

經過不斷宣傳和推廣，政府年金近年開始受到關注。（香港年金圖片）

　　大眾市民對於年金有點抗拒，主要因為大嗱嗱撥走幾十萬元或過百萬元後（最初的認購上限是每人100萬元），這筆錢就只能靠自己長命去每月「賺」回來。

　　但萬一早死，家人又想一筆過取回，最初是有機會蝕錢的。如果不想蝕，就只可以繼續每個月「搣」，直至達到保證的105%為止（政府年金保證可取本金的105%）。

　　另外，如果買入年金之後有任何突發需要，唯有退保才可取回自己的錢，但同樣有機會蝕錢。

　　結果，綜合了市場意見後，年金公司（由按揭證券公司全資擁有，負責政府年金的公司）於半年後優化產品，我當時稱之為政府年金2.0。

　　這些優化措施包括，受保人過早身故，而受益人想即時取回有關金額，也不會有損失。另外就是特別款項提取安排，如果投保人因為疾病或意外，需要一大筆資金作治療費用，可以提取已繳保費的五成，或最高30萬元（以低者為準，並扣除已支取的年金），作為應急費用，當然，提取之後，每月支取的年金會相應減少。另外就是放寬個人投保上限，由100萬元提高至200萬元。

　　到後來，年金公司又將入場年齡由最初的65歲，降至60歲，令到客戶層面進一步擴闊，然後把投保上限由200萬元增至300萬元。到了2022年6月1日，再將個人投保上限，由300萬元進一步調高至500萬元。

　　另外，特別款項提取安排，也由原來的30萬元，大幅提高至100萬元，或已繳保費的五成，以低者為準。我當時就稱，這是政府年金的3.0版本！

　　根據年金公司提供的資料，政府年金推出6年來，已經有1.5萬人投保，合共將150億元的積蓄，轉化為有保證兼穩定的終身年金收入。明顯地，這個人數仍然太少了，因為隨著人口老化，愈來愈多人步入退休之年，而且，10多年後，全港三分之一人口都會到達65歲或以上，可靠和穩定的退休收入，將會變得愈來愈重要！

　　作者電郵：lkslo@yahoo.com