【晴報專訊】李佳芯（Ali）昨日到麥當勞出席《AliSa麥當勞歡樂生日會》，Ali笑言因為自己的英文名為她帶來吸金機會，相當開心。她自言以往沒投資概念，現在想買樓投資，更揚言目標要買千呎靚樓。

　　李佳芯昨日與虛擬KOL AliSa一起切蛋糕，提到Ali的英文名正好跟品牌相同，她笑說︰「呢個係緣份，細個讀書要改英文名，我本來想叫Alice Lee，但個名太普通，就改做Ali。」問她理財能力如何？她笑說︰「以前好渣，買股票都只會跟住人買，我一啲投資概念都無，依家想買『磚頭』（樓）投資，不過依家一嚿磚頭都未有。」

　　Ali希望買樓自住，最好位置近公司︰「我要求唔高，（單位）千幾呎啦，當買姑婆屋！我唔貪心，但依家仲未買到。」可會與男友陳炳銓夾錢買樓？她笑說︰「一日未結婚，拍拖都係財政獨立好啲，不過結婚後，梗係叫佢啲收入全部入晒我戶口啦！」

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇