螞蟻雖然好似塵埃咁一樣微小，但當佢哋傾盆而出嘅時候，力量大到可以推得郁一隻大象！喬治亞理工學院嘅團隊就發明咗一個幾乎同螞蟻一樣細嘅超微型機械人，佢只喺長２厘米、寬１﹒８厘米、厚０﹒８厘米、重５克，名為「微型鬃毛機械人」（ｍｉｃｒｏ－ｂｒｉｓｔｌｅ－ｂｏｔ）。
　　個名既由來喺由於機械人嘅體型實在細到用唔到正常嘅電池去驅動，所以研發團隊就特別為機械人設計咗一ｓｅｔ睇落去似鬃毛咁嘅「腳」。當機械人接收到特定頻率嘅震動（震動嘅來源可以喺壓電致動器、超音波或揚聲器），啲鬃毛般嘅腳仔就會開始郁，而且根據唔同嘅形態會有特定嘅移動方向。為咗搵到一個最好嘅行路形態，團隊裡面嘅ＤｅａＧｙｕ　Ｋｉｍ就製造咗幾百種唔同嘅原型，令目前哩款機械人有兩個版本，一個有４隻腳，另一個有６隻腳。唔好睇機械人人仔細細，佢每秒都可以行到８厘米嘅路，足足比自己個身仲要長４倍！
　　機械人喺使用壓電致動器嘅情況底下，接收電流之後會產生震動，驅動佢去移動，受震動嘅時候亦都可以產生電流，所以「鬃毛機器人」嘅壓電制動機，除咗可以用當喺震動來源，亦都可以當成喺電源來源。依家團隊就正嘗試解決機械人嘅兩個弱點，一就喺點樣可以喺短時間內製作千幾個鬃毛機械人，其二就喺點樣可以更加準確地控制機械人嘅定向移動，相信團隊仲要研究一段時間，鬃毛機械人先可以面世。
　　盈盈聽落都仲喺難以置信，究竟咁細舊嘅機械人做得到啲咩？！對於「鬃毛機器人」嘅未來，團隊就話考慮緊將佢當成喺環境感測器，因為佢唔需要用電，就可以長期待機觀察住周遭環境，另外就可以進一步研發成為進入人體的醫療機器人。估唔到鬃毛機械人以後可能會救到好多人，所以話人真喺不可以貌相！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇