【晴報專訊】陳柏宇（Jason）前晚冧莊奪得「叱咤男歌手銀獎」，更以最高票數首奪「我最喜愛的男歌手」。他在台上攞獎一刻，竟呼籲樂迷明年投票給其他歌手，其後更在社交網發表「傳播開心論」，希望令大家跟他一樣咁開心。

陳柏宇有意自修一些社工輔導課程，但不會放棄唱歌。

　　陳柏宇出席慶功宴時興奮表示︰「超開心！雖然無特別去諗攞唔攞獎。以前經歷過得和失，知道上台說話要大方，但又不可以表現出不在乎。」他當選「我最喜愛的男歌手」，非常感動，但又呼籲大家明年不用投票給他，Jason事後否認是讓賽，並解釋︰「嗰一刻我真係咁諗，我長期都好想將呢個歡樂分享出去，因為我永遠都係開心，今年有獎特別開心，但之前無獎攞都一樣咁開心，好想值得上台攞獎嘅歌手，都可以分享到呢個感覺。」他的太太Leanne沒有到場，Jason已第一時間向她報喜，直言老婆感動到喊。

　　Jason昨日更高興到在FB再次提起他的真名：「我係陳廣偉，亦係陳柏宇。我成為咗世界上最開心嘅人，因我真正感受到為人哋而開心嘅樂趣。如果我為自己而開心，機會係只有我自己開心。但如果我為人哋而開心，咁起碼已經有兩個人開心。條數點樣計落，都係後者會著數啲。」

方皓玟陀B腳頭好

方皓玟稱預產期是今年七月。

　　剛宣布懷孕的方皓玟（Charmaine），獲頒「叱咤樂壇唱作人」銅獎及首奪「我最喜愛女歌手」獎。她坦言BB好腳頭，暫時仍未感受到與胎兒互動，所以未達母愛氾濫的階段。Charmaine續稱︰「可幸懷孕以來無嘔無暈，呢啲係福氣，覺得女士好偉大，所以老公一定要錫老婆呀。」Charmaine又否認老公不准她出街，反而陪她一齊做瑜伽，不過懷孕後吃個不停，本來24吋腰的她，笑言不敢再量度。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇