2023-08-08Text: Louise Yuen, Kennis Wong
美食博覽2023｜重開試食環節！直擊Food Expo預覽：必搶$1鮑魚、淮山麵 / 超抵出前一丁福袋 / 最新月餅、黑松露雪糕！最平$10入場！一文睇晒時間、門票、優惠券詳情
一年一度的美食博覽將於 8 月 17 日正式開鑼，一連 5 日在灣仔會展舉行，並主要分為公眾館及尊貴美食區，共 130 多個攤檔。作為疫情後首個美食博覽，場館今年將全面開放飲食，大家終於可以除下口罩盡情試食！數到美食博覽的重頭戲，當然不少得 $1 快閃優惠，多個參展商早已預告今年將有低至 $1 的安心米、和牛漢堡扒、原個菲律賓呂宋芒、CHOYA清新梅酒、九記燒賣、龍蝦金湯脆米／金湯素翅等，數量有限，有快有手慢無！記者在傳媒預覽日再率先為大家搜羅多個超抵 item。
（圖片來源︰香港貿發局）
美食博覽2023｜$1美食優惠01︰ 鮑．情．尋 @安記海味（攤位︰1C-A02）
安記海味今年繼續推出 $1 鮑魚優惠，只要參加者以最快時間於波波池尋找安記鮑魚罐，並在『鮑. 情.尋』摩天輪貼上 50 字樣的組別，便可獲得 500 罐即食鮑魚系列，包括安記金牌溏心鮑、安記金蠔醬油溏心鮑、安記花膠溏心鮑、安記鮑魚花膠佛跳牆及安記金牌紅燒鮑汁花膠，總值 $36,000！
要留意，今年的 $1 鮑．情．尋，只限首日頭 9 位在場外排隊購票進場的參觀人士參加，獲派「尋鮑証」者才可分成 3 隊參賽。玩法簡單，每隊派 1 名隊員在波波池尋找鮑魚吉罐，另一名參加者作為橋樑，傳遞鮑魚吉罐給第 3 名隊友，將鮑魚吉罐貼在 『鮑.情.尋』摩天輪，並最快砌出「50」字樣，勝出組別即獲得 500 罐即食鮑魚系列，每人可以袋走多達 166 罐鮑魚！其他組別則獲得 150 罐即食鮑魚系列。
（圖片來源︰安記海味）
美食博覽2023｜$1美食優惠02︰買走整箱壽桃牌淮山麵（攤位︰1E-A02）
壽桃牌可不只鮑魚麵、蝦子麵，口感爽滑的淮山麵在美食博覽更低至 $1，讓大家成箱帶走共 1.2 公斤裝的淮山麵，每日限量 30 份。
（圖片來源︰etnet）
美食博覽2023｜$1美食優惠03︰$1入手常溫湯包（攤位︰3C-E29）
湯包向來是美食博覽的必買 item，本地品牌越珍堂今次也趁機推出 $1 買到 4 款常溫湯包優惠，把野葛菜生魚湯、姬松茸素湯、海參烏雞黑豆合桃湯及貝母海底椰螺頭無花果湯一次過帶回家。他們的湯包標榜香港製造，以明火煲製，每日只限 10 盒。
（圖片來源︰etnet）
美食博覽2023｜美食優惠04︰樂婷媽媽雞煲激減至1毫子（攤位︰1B-A29）
$1 美食優惠未算最抵，樂婷媽媽的自家港味雞煲更在美食博覽減至 1 毫子，首兩日限量供應共 30 份！健康雞煲用無添加激素雞，加上入雲耳、紅棗、豆乾、蒜頭、紅洋蔥、八角等養生食材及自家製醬汁炮製而成，加熱 5 分鐘便可，非常方便。
（圖片來源︰樂婷到會）
美食博覽2023｜褔袋推介05︰安記50週年鮑發財鮑魚寶盒（攤位︰1C-A02）
$1 美食優惠以外，場內還有多款抵買福袋。最吸引一定是安記海味的 50 週年鮑發財鮑魚寶盒，會場價 $698 即可帶走 12 件鮑魚產品，包括紅燒溏心鮑魚 8 頭、蠔皇花菇溏心鮑魚 8 頭、金牌鮑魚花膠佛跳牆、金牌紅燒鮑汁花膠等。每日首 100 名送 75g 挪威花膠 1 包。
（圖片來源︰安記海味）
美食博覽2023｜褔袋推介06︰出前一丁$100福袋（攤位︰1D-C02）
另一推介是出前一丁的 $100 福袋，一袋有齊北海道小麥粉系列包裝麵、棒丁麵、棒烏冬、香甜可口的日清穀物麥片等 11 件 item，再送上黑白色設計的兩用手挽袋及清仔速乾毛巾！
（圖片來源︰etnet）
美食博覽2023｜褔袋推介07︰奇華餅食福袋（攤位︰1D-D02）
奇華餅家也推出「奇華餅食福袋」，只需 $100 即可買走一盒阿虫家鄉什錦蛋卷禮盒、六件裝芝麻餅、經典口味迷你冬蓉老婆餅、細雞蛋糕、八件裝甘香鬆脆的「茶薄片」（口味隨機)、 四件裝「馬仔」（口味隨機）、六件裝迷你合桃酥，各一份，可算是物超所值。
奇華餅食福袋 $100
美食博覽2023｜褔袋推介08︰「宮崎犬 x Dairy」手拉車套裝（攤位︰1B-C02）
喜歡日本牛乳產品的話，推介去入手味珍味的「宮崎犬 x Dairy」手拉車套裝。話說來自日本的 DAIRY，除了生產牛奶，也以南九州新鮮牛奶加工成乳製品。手拉車套裝就有齊霧島山麓牛乳、乳酸飲料、100% 橙汁、100% 蘋果、香蕉牛奶等 30 盒飲品，價錢也不過 ＄250。
（圖片來源︰etnet）
另外，美食博覽官網（按此）也集合了不同參展商的優惠券，由安記海味買花膠送鮑魚、好棧$10 現金券、$20 美心冰皮月餅（兩個裝）至加錢換購購物手推車都有，出發前記得鎖定心水優惠。
（香港貿發局官網截圖）
etnet榮獲HKEX Awards 2023 「最佳表現證券數據供應商」大獎► 了解詳情
