懷舊零食 ︳ 5. 眼鏡朱古力：七彩顏色戴上眼？玩得又食得！

 

　　小朋友最愛「整蠱做怪」，日本Furuta眼鏡朱古力絕對是滿足了小時候為食兼搞鬼的性格！眼鏡朱古力的包裝呈8字形狀，上面有著十幾粒色彩繽紛的朱古力，朱古力的味道不至於驚為天人，但大受歡迎的原因或許是包裝的兩邊各有一個小孔，令小朋友們可以繫上橡筋，再戴上耳朵成為眼鏡，相信也是被叫作眼鏡朱古力的原因！

 

（圖片來源：HKTVmall）

（圖片來源：HKTVmall）

 

懷舊零食 ︳ 6. 媽咪麵：藍毛毛公仔成標誌！3種食法你試勻未？

 

　　「媽咪麵嘅藍毛毛演奏會開始喇！」相信大家對這句廣告對白耳熟能詳，聽到後都哼得出音樂！來自馬來西亞的媽咪麵由已逝的大寶達食品公司創辦人兼拿督馮振軒（Datuk Pang Chin Hin）推出，搶眼橙黃色的包裝與即食麵無異，但食法就很不一樣！

 

（圖片來源：媽咪麵 Mamee Noodles - HK香港Facebook）

 

　　媽咪麵價錢相宜，平則$2就有交易，是不少窮學生的恩物！大家有沒有經歷過一到小息，大家就每人手持一包媽咪麵，一起捏碎它再加內附的味粉，然後用力搖一搖，令麵餅碎可以平均地沾上粉末的時刻？當時大家會出盡力Shake鬥大聲，十足十廣告中的演奏會！除了這種食法外，亦有網民推介像吃即食麵般，放進滾水煮熟它，又或者淥熟後「過冷河」當撈麵吃，編輯只試過生吃，始終覺得煮熟麵餅有點格格不入，不知道大家又喜歡怎樣食媽咪麵呢？

 

（圖片來源：媽咪麵 Mamee Noodles - HK香港Facebook）

 

下一頁：繼續睇懷舊小食！

 

• 

【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動

• 1
• 2
• 3
• 4