2018-03-13
流感初癒開騷 許志安狀態回勇
【晴報專訊】《許志安演唱會2018深圳站》前晚於深圳灣春繭體育館舉行,在農曆年前確診乙型流感的安仔明顯消瘦不少,不過在台上爆肌展舞功,令歌迷看得相當投入,情緒高漲。
許志安前晚於深圳灣春繭體育館舉行《許志安演唱會2018深圳站》。
安仔病癒後趁開騷前盡量多吃,務求回復體力。他說︰「我有『Show前恐懼』,因為表演前病咗會好唔開心,覺得對唔住歌迷。我康復後外出都戴口罩,20幾度都穿外套。」病癒的他在台上跳唱《友情歲月》,唱到興起時更脫掉皮褸騷肌,令全場情緒高漲。
今次演唱會歌單經過全新編排,更首次現場唱出獲得「奧斯卡最佳原創歌曲」的動畫《玩轉極樂園》廣東話版主題曲《Remember Me》。另外,安仔又提到今次第一次唱出《想說》的完整版,是他在1993年推出首張國語唱片中的歌曲。他笑說:「在場嘅歌迷有啲比較年輕,擔心佢哋唔識呢首歌,不過大部分歌迷竟然跟着唱,我覺得很意外。」
向恩師阿梅致敬
安仔與女Dancer大跳貼身舞,觀眾看得相當投入。
安仔又趁今次演唱會,獻唱恩師梅艷芳名曲《親密愛人》,他憶述︰「阿梅以前帶我到很多舞台,我就好似小朋友同觀眾一樣,喺舞台下持續學習、吸收咗六年。今日喺呢度唱佢嘅歌,我諗佢一定會好開心!」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇