【晴報專訊】林欣彤（Mag）上星期在北京擔任張栢芝生日會嘉賓，不少網民都詫異二人交情這麼深。昨日，Mag到商台宣傳時即為大眾解開疑團，原來她和栢芝是透過許廷鏗（Alfred）介紹認識，Mag更興奮表示要請這位「媒人」食飯。

 

林欣彤踢爆許廷鏗講笑話只有她覺得好笑，其他人唔識笑。

 

　　林欣彤早前獲許廷鏗引薦加盟華納唱片，昨日Alfred以師兄身份與Mag到電台訪問，兩人分別為新歌《單數》及《玫瑰式體驗》宣傳。成為同門師兄妹後，他們除了合唱外，更有很多合作機會，Alfred表示︰「諗緊有咩可能性，又唔想好容易畀人估到，做騷可能性都多。」Mag補充說︰「我哋唔係有好多合唱，但係有非一般嘅默契。」

 

許廷鏗期待與師妹林欣彤合唱。

 

　　Mag稍後到東京拍攝MV，她自爆公司告知她的時候，自己故作冷靜，但笑言︰「其實我好雀躍，好開心去東京可以食嘢，不過返嚟要做運動還番。」

 

林欣彤有機會與偶像張栢芝合唱，令她既開心又難忘。

 

　　提到上周獲邀出席栢芝的生日會，兩人還手拖手合唱一曲《星語心願》，Mag仍十分回味，她興奮表示︰「非常開心呀，多得Alfred介紹我哋認識，我細個嘅時候，間房都貼滿晒栢芝嘅海報，好鍾意佢為人好真同好直接，仲經常發放愛心。我真係要請Alfred食飯多謝佢，因為佢真係超鍾意食。」跟栢芝份屬好友的Alfred表示︰「其實栢芝本身都想識Mag嘅！」

 

叫胡鴻鈞多休息

 

　　此外，Alfred被問到好友胡鴻鈞早前拍劇撞傷頭入院，目前已返家休息。他表示曾去過醫院探望對方，亦會介紹專科醫生，Alfred表示︰「佢好怕麻煩到人，又諗住自己可以搞得掂，所以唔係即刻知佢出事，依家最重要係休息。」

 

轉載自: 晴報

• 

【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動