加入最愛專欄  收藏文章 

2019-09-17

被古天樂推埋牆 宣萱:聽到條頸啪一聲

  【晴報專訊】由爾冬陞監製、馮志強編導、古天樂(古仔)、張繼聰及宣萱主演的懸疑電影《犯罪現場》,將於下月24日在港上映。古仔與宣萱這對老拍檔繼劇集《尋秦記》後,相隔17年再度合作,不過今次古仔未有憐香惜玉,更連番折磨宣萱。

 

宣萱本有替身代為演出受襲戲,但她決定親身上陣,被古天樂誤傷也不介意。

 

  古天樂與宣萱鏡頭前後二人都默契十足,擦出不少火花,不過古仔在片中對宣萱痛下殺手,有一場從後用風褸笠住宣萱頭部,用力把她推向牆邊,結果不慎弄傷她的頸部,幸好無大礙,她事後笑說︰「我唔會怪佢,ok嘅,古仔會萬歲㗎喇。」

 

  古仔解釋說:「起初諗住分開幾場戲做,但導演建議我哋不如試下一次過做晒,咁可能我又肉緊得滯。」他大讚宣萱非常專業:「我同宣萱講一唔得就嗌cut,咁佢真係好好嘅,全程都無嗌cut,因為大力chok住條頸點都會痛,但係佢就好堅持忍住做落去,係幾驚喜。」

 

敷冰毛巾止痛

 

表面cool爆的古天樂,得悉宣萱受傷,即為她安排敷冰。

 

  宣萱受傷後,看playback時頸上要敷冰毛巾,又講笑說:「拍之前我驚咗好耐㗎喇,因為我太了解佢(古仔)喇,好驚同佢拍打戲!」她自言拍攝期間聽到頸項「啪」一聲時,已心感不妙,但決定堅持下去:「本身兩個禮拜前我都約咗要正骨嘅,依家古仔幫我啪歪咗,再去整番好,好似會抵啲。」宣萱安慰說古仔弄傷她後,再埋位時細心為她調整位置,令她躺在梳化時更舒適。

 

etnet財經‧生活App  財智‧健康‧品味生活
【立即下載】  iOS版 / Android版
更多娛樂情報文章
編輯推介
即時報價
全文搜索
Search
最近搜看
25周年慶
施政報告
More
Share