【晴報專訊】近年少了幕前演出的陳嘉桓（Rose），昨日出席婚宴活動時，表示自己成為了皮紋分析師，懂得看指紋分析對方性格，亦曾為緋聞男友黃宗澤（Bosco）看指紋，但不肯透露彼此性格是否合得來。

 

陳嘉桓表示曾為王敏奕、余香凝等圈中好友睇指紋。

 

　　陳嘉桓與倪晨曦（Elva）昨日到荃灣出席《夢幻婚宴嘉年華》，Rose穿上由時裝設計師好友何國鉦設計的連身裙現身。提到近況，Rose表示學習皮紋分析數年，現時更創立自家公司，為準新人客戶睇指紋，分析雙方性格特質，從而幫他們解決問題。她說︰「我睇朋友指紋，就會知道佢嘅性格，有好多人外表同內裏嘅性格其實並唔一樣。」

 

黃宗澤

 

　　Rose表示有為自己分析︰「我係踏實型，學一樣嘢會重複練習。而且我個人鍾意留喺屋企，需要搵個成熟啲、有話題嘅男仔，可以帶住自己。」至於緋聞男友Bosco，Rose說︰「佢有好多諗法，鍾意新鮮嘢。（同你夾唔夾？）依家我專注事業，會多啲識新朋友。」不過Rose強調正職仍是藝人，不會因副業而減少幕前的工作。

 

倪晨曦預演婚禮

 

準人妻倪晨曦笑言心情開始緊張。

 

　　同場的Elva穿上婚紗現身，她將於明年二月與男友舉行婚禮，笑言昨日有綵排婚禮的感覺︰「我成日以為仲有時間，其實好多嘢都未有定案，好彩我同男朋友有商有量，大家鍾意嘅嘢都差唔多。」至於婚紗方面，她笑說︰「唔係Deep V，呢個唔係我風格。」提到她清減不少，她笑說︰「我無乜空間再瘦，男朋友都叫我唔好再瘦。」

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇