馬國明賣口乖 湯洛雯：我肥瘦佢都話好

　　【晴報專訊】湯洛雯（靚湯）與馬國明拍拖以來不停放閃，「天然呆」馬明以往經常被認為個性沉悶，但靚湯昨日開腔力挺男友，大讚對方經常製造小驚喜，而且口甜舌滑，認證為最佳男友兼結婚對象。

湯洛雯希望先儲錢，再計劃結婚。

　　湯洛雯昨日出席翡翠首飾店開幕，剛放完兩個月大假的她神采飛揚。靚湯笑言放假期間努力做運動減肥：「之前拍劇係咁食甜品，所以趁放假keep fit，依家已經比之前瘦咗㗎喇。（馬明鍾意你肥定瘦？）佢只有一個答案，就係『兩樣都好』。」

　　兩人近日被指閃婚，靚湯否認說：「唔會閃婚，我哋係有計劃嘅人，要得父母同意，同埋要買屋。暫時未有（結婚）打算，想儲錢先，但拍拖時一定會討論呢個話題。」現年33歲的她自嘲年紀大，並視馬明為結婚對象：「當初拍拖都以結婚為前提，我幾歲呀，仲玩下先？唔玩啦。」有指馬明已有靚湯屋苑的住戶證，可自由出入女友香閨，靚湯笑說：「只係大堂住戶證，方便我唔使落樓下接佢，佢無我屋企鎖匙。」她自己也沒有馬明家中鎖匙：「我得佢屋企嘅大廈密碼。」

男友常送小禮物

馬國明已過未來外父外母一關。

　　另外，靚湯昨日獲贈翡翠獨角獸，她笑言馬明亦曾送禮物給她：「佢送過手鈪畀我，無話係咩特別日子先送，有時佢知道我鍾意啲咩，會記喺心，偷偷買嚟送畀我，好細心。」她透露父母十分喜歡馬明：「佢哋唔會講出口，因為都想我嘅對象有進步空間。反而我媽咪話我淨係買外賣畀男朋友食，叫我煮多啲嘢畀佢。」

轉載自: 晴報

樂本健【秋日開倉26 - 27/9】保健品低至$20！► 火速行動