製作甩轆 亞姐港區決賽驚變騎呢賣藝騷 網民︰好笑過星爺啲戲

　　【晴報專訊】《2020亞洲小姐競選香港區決賽》前晚落幕，曾參選港姐的蔡小蝶贏得后冠。不過，當晚比賽的製作及編排混亂，除了網上直播時驚現黑畫面、嘉賓控訴無位坐等，一班亞姐在才藝表演環節亦極盡騎呢，很多網友戲言好笑過星爺啲戲；有人更期待周末重播！

 

一班佳麗載歌載舞，但舞衣設計被嫌欠缺美感。

 

　　前晚亞姐決賽在亞視大埔總台舉行，比賽在ATV的YouTube頻道直播。曾參選今屆港姐的10號蔡小蝶摘下后冠，亞軍是5號何雙妍，季軍則兼奪最上鏡小姐的高文君。然而，前晚的焦點卻落在節目製作上，包括佳麗的服裝被嫌老套、舞台布置簡單、編排混亂等。此外，大會邀得蘇永康、鄧健泓等擔任表演嘉賓，但當鄧健泓唱畢《朋友二號》後，竟然出現約一分鐘全黑直播畫面，才接到下一環節，實在令人睇到O嘴。

 

冠軍蔡小蝶（中）拿下十萬港元獎金，她自言會勤力學好廣東話。

 

佳麗表演頻「出事」

 

張凱琳唱完歌曲後，以一字馬為表演埋尾，勁古怪，卻贏得「才華飛越大獎」。

李穎仙的大媽Look加撥扇動作，娘味十足。

 

　　至於才藝表演環節，多位佳麗都歌藝平平，14號張凱琳原本以電子琴自彈自唱《My Heart Will Go On》，中途卻忽然站起來清唱，雖然七情上面，但唱畢後卻在台上表演一字馬，非常騎呢。另外，6號李穎仙演唱時，一時扮男聲、一時扮女聲，配上其大媽服裝加摺扇，實在顛覆選美佳麗的形象。

 

　　今年亞姐完騷後忽然變成全城熱話，令人嘖嘖稱奇，節目將於本月7日在香港開電視77台，1:05pm-3pm重播，有興趣的觀眾務必留意。

 

　　此外，前晚獲邀睇騷的前亞視小生梁小龍及劉永，到場後卻發現他們的VIP座位被不知名人士佔用，大會卻未有協助，令兩位前輩甚為不悅。

 

 

轉載自: 晴報

• 

【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票