《笑傲缸湖》ＵｂｅｒＥＡＴＳ年多前先至正式打入香江孖屐嘅送餐速遞服務，盈盈已經覺得呢個Ｉｄｅａ相當大膽同破格；但喺地球另一邊嘅谷歌母企Ａｌｐｈａｂｅｔ就同全世界嘅人講，以人手充當媒介作速遞員呢條橋已經Ｏｕｔｄａｔｅｄ架喇，仲話已經喺澳洲東南部開始使用無人機來充當速遞員咁話喎！　　呢個大Ｐｒｏｊｅｃｔ係源自佢旗下Ｘ部門嘅Ｐｒｏｊｅｃｔ　Ｗｉｎｇ項目，而試點就係喺澳洲嘅首都直轄區，同埋新南威爾士交界地區的一部分居民率先試行，主要係為市民送外賣，同埋運送藥物咁話喎。　　目前呢駕無人機可以每小時１２０公里超飛行，機身就靠旋翼轉動來控制垂直升降，速遞品就會牢牢掛喺個機底身上，有趣嘅係當到達目的地之後，無人機則無須停泊，只要低飛一會兒，就可以成功將速遞品墮落喺降落點之上。　　利用咁樣嘅形式來進行送遞，意味着要有好大嘅空曠地方；同埋就係喺駕無人機飛行個陣，仲要環顧四周冇乜障礙物先至可以順利飛航，所以按盈盈估計暫時都冇咩可能會喺香江用到呢個技術架喇。《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票