《笑傲缸湖》盈盈身邊Ｄ男仔真係無鬼用，食魚嫌有骨好麻煩，所以唔食魚，同盈盈好唔夾。就正如有Ｄ人食提子就嫌提子有核，食牛油果又覺得舊核好大舊好麻煩。不過，牛油果粒核又真係堅大粒，所以英文入面直頭有個字叫「牛油果手」（Ａｖｏｃａｄｏｈａｎｄ），就係指某Ｄ人用唔啱刀切牛油果、削片，或者去核，搞到嚴重手部受傷，呢牛油果粒核真係唔好太睇少佢。　　估唔到，盈盈成日愛逛嘅馬莎（Ｍ＆Ｓ），貼心到為大家搵來無核嘅牛油果，成為米字國第一間出售無核牛油果嘅超市。馬莎呢款無核牛油果，名曰雞尾酒（Ｃｏｃｋｔａｉｌ）牛油果，係來自西班牙嘅來佬貨。呢種牛油果睇落去似醃製咗嘅小黃瓜（Ｇｈｅｒｋｉｎ），唔係好長，大約為５至８厘米，售價為２英鎊一盒，同普通牛油果嘅售價差不多，今個月起有得賣。　　牛油果被列為營養最豐富的水果之一，有「一個牛油果相當於三個雞蛋」、「貧者之奶油」嘅美譽，深受米字國人嘅喜愛。馬莎咁細心，相信好多消費者都會受落！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

etnet榮獲HKEX Awards 2023 「最佳表現證券數據供應商」大獎► 了解詳情