《笑傲缸湖》若果各位好記性嘅話，盈盈月前已經提及過臉書（Ｆａｃｅｂｏｏｋ，ｆｂ）嘅動態時報（Ｎｅｗｓ　Ｆｅｅｄ）帖文，要以家庭朋友為先；今次ｆｂ再有新嘗試！據網上報道話，目前ｆｂ正在測試「負評」（Ｄｏｗｎｖｏｔｅ）嘅功能。消息既出，便隨即引起公眾熱話，究竟係點嘅一回事呢？　　事緣係有個花旗國記者發現，佢臉書嘅帖文欄上邊，除咗「Ｌｉｋｅ」同埋「Ｃｏｍｍｅｎｔ」之外，仲多咗一個「負評」嘅ｂｕｔｔｏｎ！若撳下負評嗰陣，仲可以有多三個選擇，分別係「冒犯性」、「誤導性」同埋「標題不符」，按咗落去之後，ｆｂ就可以識別到呢則ｐｏｓｔ係假新聞，抑或係惹人反感。　　其後ｆｂ更澄清話，佢地唔係測試緊「Ｄｉｓｌｉｋｅ」（不喜歡）嘅ｂｕｔｔｏｎ，而係正在測試緊一個更有效率地出ｐｏｓｔ嘅功能，但目前只會隨機開放畀花旗國入邊，５個巴仙嘅Ａｎｄｒｏｉｄ用家身上。有得率先試玩呢個功能，都真係相當幸運呀！　　ｆｂ仲強調，目前只係進行一個短期測試，仲只會喺ｆａｎｐａｇｅ　ｇｒｏｕｐ嘅公開帖文出現，但暫時仲未會喺社團、公眾人物，或一般用家到出現。　　盈盈估計，臉書今次似乎係想延續「關係為先」嘅信念，今鋪更想拋個「波」畀班用家，自行篩選呢Ｄ內容不適當嘅帖文，咁樣ｆｂ就乾淨晒啦。ｆｂ朱仔呢個心願是否達成，就要有賴各位用家合作合作啦！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

【與拍賣官看藝術】常玉作品屢創天價，背後其實藏著跌宕起伏的人生► 即睇