《笑傲缸湖》每當喺放工時段，相信好多缸友揸車經過紅隧嘅時候，定必遇上塞車，換轉係盈盈，就會發忟憎架啦。好多人心諗，若果世上有飛天汽車嘅話，就可以慳番好多時間，早Ｄ番到屋企同家人食飯，享受天倫之樂。　　剛巧有外國傳媒報道，花旗國矽谷有間Ｓｔａｒｔ－ｕｐ傳來一則喜訊，話飛行汽車有望喺５年之內面世！Ｗｏｗ，唔通呢次真係可以如願以償？究竟係個一大發明呢？　　呢位高手原來就係Ｇｏｏｇｌｅ　Ｌａｂｓ「登月項目」始創人之一嘅特隆（Ｓｅｂａｓｔｉａｎ　Ｔｈｒｕｎ）喇！佢亦係公司自動駕駛汽車項目嘅先駒，仲畀人譽為「Ｇｏｏｇｌｅ自動駕駛汽車之父」，勁！佢喺去年４月就開咗一家叫Ｋｉｔｔｙ　Ｈａｗｋ嘅公司，以開發消費級電動嘅飛行汽車為主。有了不起的人，好多時候便會吸引行內高手相助，而特隆就獲得Ａｌｐｈａｂｅｔ嘅首席ＣＥＯ佩奇（Ｌａｒｒｙ　Ｐａｇｅ）投資添，相當厲害！　　目前特隆仲有一個ｉｄｅａ，雖然每人擁有一輛飛行汽車係冇可能嘅，但若然將來Ｄ人可以共享飛行汽車嘅話，咁就可以好似Ｕｂｅｒ咁樣用Ａｐｐ嚟Ｃａｌｌ車啦，真係好有想像力呢！　　特隆仲話，喺今年３月公布飛天車下一步發展，各位缸友要拭目以待啦！　　若然飛天車成功推出市面，普及發展並打入埋香江孖屐，相信屆時會有唔少人爭相入貨，相關周邊配套又係一大商機啦！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】的士記分制將於周末生效，你認為該制度可否幫助的士提升服務質素？► 立即投票