《笑傲缸湖》做人做生意，唔係死做爛做就得，仲要識得與時並主，睇時機做人。喺現今講求社會責任嘅年代，一間有企業良心嘅公司，往往獲得好多掌聲，宜家家居（ＩＫＥＡ）就係努力顯例啦。　　盈盈經常走入宜家嘅餐廳入面食佢Ｄ三文魚，又抵又好食。不過盈盈最近先知原來佢Ｄ三文魚係獲認證，屬於可持續嘅海產來。連食物選擇方面宜家都咁著重可持續發展，可見公司幾咁著重環保。最近探子回報指，宜家有新招，協助集團全球零售店同餐廳，喺２０２０年前慢慢停止使用同售賣即棄塑膠商品，包括飲管、餐盤和垃圾袋等，向「膠」說不！　　宜家停售即棄塑膠產品，係為咗希望２０２５年前達到零碳排放，目標係只使用可再生同可回收物料。打開宜家網頁，唔難發現宜家部分產品，都灌輸住環保概念。喺生產過程中用剩嘅膠、布碎、木材，宜家都將佢哋重新組成唔同嘅產品，一邊賺錢，一邊為環保出一分力。　　你我身邊少Ｄ膠，地球環境都會變靚Ｄ，宜家深明呢個道理，於是將環保理念由頭到尾貫徹於佢哋全盤生意當中，抵佢成為一間咁成功嘅世界性企業啦！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇