《笑傲缸湖》自從盈盈學咗阿根廷ｔａｎｇｏ（探戈），漸漸都對阿根廷Ｄ男人情有獨鍾。講到阿根廷，點都要提吓效力巴塞隆拿嘅美斯（Ｌｉｏｎｅｌ　Ｍｅｓｓｉ）啦。　　探子回報，美斯唔單只累積咗無數入球紀錄，而且論收入，佢仲係最高收入嘅球員。根據福布斯排行榜，呢名於今季西甲協助巴塞奪冠嘅球星，總收入達１﹒１億美金，單係薪金佔咗８４００萬美金，而商業贊助就大拿拿２７００萬美金，出咗名最高人工嘅甲骨文ＣＥＯ　Ｍａｒｋ　Ｈｕｒｄ一年都只係４０００幾萬美金收入咋！　　不過英雄總有各自嘅宿敵，同美斯由西甲鬥到歐聯，又由團隊榮耀鬥到個人殊榮嘅Ｃ朗（Ｃｒｉｓｔｉａｎｏ　Ｒｏｎａｌｄｏ），大家可謂喺足球界平起平坐，連收入方面雙方都不相伯仲。只係Ｃ朗就落後美斯少少，收入達１﹒０８億美金。呢名葡萄牙球星收入雖然唔夠美斯多，但係商業贊助達４７００萬美金，贏返美斯一仗，難怪二人各自都有自己嘅粉絲！　　不過嚟緊周六Ｄ組阿根廷首戰黑馬冰島，盈盈點都跳住ｔａｎｇｏ支持咗美斯先！

　　－－－－－－－－－－－－－－－－－－－－－－－－－－－－－－－－　　八大最高收入球員榜　　球員　　　　　　　所屬球會　　　　　國藉　　　　　收入（美元）　　－－－－－－－－－－－－－－－－－－－－－－－－－－－－－－－－　　美斯　　　　　　　巴塞隆拿　　　　　阿根廷　　　　１﹒１１億　　Ｃ朗　　　　　　　皇家馬德里　　　　葡萄牙　　　　１﹒０８億　　尼馬　　　　　　　巴黎聖日耳門　　　巴西　　　　　９０００萬　　加里夫巴利　　　　皇家馬德里　　　　威爾斯　　　　３４６０萬　　保羅普巴　　　　　曼聯　　　　　　　法國　　　　　２９５０萬　　奧斯卡　　　　　　上海上港　　　　　巴西　　　　　２７４０萬　　朗尼　　　　　　　愛華頓　　　　　　英國　　　　　２７００萬　　蘇亞雷斯　　　　　巴塞隆拿　　　　　烏拉圭　　　　２６９０萬　　－－－－－－－－－－－－－－－－－－－－－－－－－－－－－－－－　　《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇