21/06/2017 11:45
《古臣周記-古臣》長江後浪推前浪,新時代已展開!
《古臣周記》世事好多嘢都估唔到,好似今日(21日)A仔終於「入摩」,但魚缸一開市跌成二百幾點之後,又倒升返少少,跌幅一度無晒咁滯,邊個估到吖!不過,見到魚缸呢排又有返D好友出嚟撐場,令到孖屐氣氛好咗些少,阿臣持貨嘅信心又變得再堅定返。
*李超人功德無量,又傳將會退休*
踏入六月,又係考完試就準備放暑假嘅日子,長和(00001)主席李超人又對莘莘學子行善!李嘉誠基金會上個周末再公布,將「善用錢」計劃擴展到屯門,令4區一共過萬名學生受惠,可惜阿臣太早出世,當年仲未有呢D計劃,可以蒙受超人護蔭。 估唔到,有份打造今時今日香江繁榮嘅李超人,噚日(20日)就被傳話將會退休,喺出年前卸任主席一職,下個月將會89歲嘅超人,可能會喺90歲生日前退落嚟,轉做集團嘅高級顧問。 不過,長江1號發言人就話,李超人身體健康非常好,但而家仲未有確切嘅退休時間表。超人今朝就話如果退休,一定會宣布。阿臣真羨慕超人,羨慕嘅唔係佢有咁多錢,而係佢仲有咁好魄力!阿臣一定會好好向超人學習! 而所謂「長江後浪推前浪」,或者李超人將來嘅退場,意味住一個新時代嘅展開。阿臣感覺到,隨住上一代嘅退下,加上科技、內地同環球局面嘅巨大變化,魚缸將會一步一步改頭換面,迎來新局面。
*過往公司重組,皆為退休而鋪路?*
查實早喺長和重組,就已經有人覺得係李超人為退休嘅鋪路。而早前和記電訊(00215)出售和記環球電訊,有外媒話暫時有意向嘅買家包括香港寬頻(01310)、匯港電訊。有消息估計和記環球電訊估值約15億美元,折合大約117億港元,不過既然有興趣買家唔止一位,咁出價應該會高過呢個估值,難怪和記電訊股價節節上升。如果從「超人退休會整頓系內業務」呢一個思路出發,咁同系嘅長建(01038)、電能(00006)或者都係唔錯嘅吸納對象。 檢討今個星期嘅倉位,由於潤地(01109)股價無跌穿21蚊,即係張認沽期權暫時仲係處於虧損狀態,不過既然大市升,呢少少成本就當買保險,反而阿臣寄望嘅係長和,似乎後市仲有力試上返100蚊關口! 表列截至6月21日止投資組合表現: ---------------------------------------- 股票倉 股份 股數 買入價 現價 總值 ---------------------------------------- 長和 500股 99﹒6元 98﹒70元 49350元 ----------------------------------------
期權倉 股份 種類 張數 行使價 到期日 買入價 總成本 盈虧 ---------------------------------------- 潤地 認沽期權 10張 21元 即月 0﹒1元 2000元 -1000元 ----------------------------------------
股票市值 :49350元 期權市值 : 1000元 剩餘現金 :26980元 組合淨值 :77330元
組合本月收益表現:- 3﹒1%(截至上月底止組合淨值:79780元) 組合累計收益表現:+19﹒0%(本金65000元)
*數據截至今日11:30am
*李超人功德無量,又傳將會退休*
踏入六月,又係考完試就準備放暑假嘅日子,長和(00001)主席李超人又對莘莘學子行善!李嘉誠基金會上個周末再公布,將「善用錢」計劃擴展到屯門,令4區一共過萬名學生受惠,可惜阿臣太早出世,當年仲未有呢D計劃,可以蒙受超人護蔭。 估唔到,有份打造今時今日香江繁榮嘅李超人,噚日(20日)就被傳話將會退休,喺出年前卸任主席一職,下個月將會89歲嘅超人,可能會喺90歲生日前退落嚟,轉做集團嘅高級顧問。 不過,長江1號發言人就話,李超人身體健康非常好,但而家仲未有確切嘅退休時間表。超人今朝就話如果退休,一定會宣布。阿臣真羨慕超人,羨慕嘅唔係佢有咁多錢,而係佢仲有咁好魄力!阿臣一定會好好向超人學習! 而所謂「長江後浪推前浪」,或者李超人將來嘅退場,意味住一個新時代嘅展開。阿臣感覺到,隨住上一代嘅退下,加上科技、內地同環球局面嘅巨大變化,魚缸將會一步一步改頭換面,迎來新局面。
*過往公司重組,皆為退休而鋪路?*
查實早喺長和重組,就已經有人覺得係李超人為退休嘅鋪路。而早前和記電訊(00215)出售和記環球電訊,有外媒話暫時有意向嘅買家包括香港寬頻(01310)、匯港電訊。有消息估計和記環球電訊估值約15億美元,折合大約117億港元,不過既然有興趣買家唔止一位,咁出價應該會高過呢個估值,難怪和記電訊股價節節上升。如果從「超人退休會整頓系內業務」呢一個思路出發,咁同系嘅長建(01038)、電能(00006)或者都係唔錯嘅吸納對象。 檢討今個星期嘅倉位,由於潤地(01109)股價無跌穿21蚊,即係張認沽期權暫時仲係處於虧損狀態,不過既然大市升,呢少少成本就當買保險,反而阿臣寄望嘅係長和,似乎後市仲有力試上返100蚊關口! 表列截至6月21日止投資組合表現: ---------------------------------------- 股票倉 股份 股數 買入價 現價 總值 ---------------------------------------- 長和 500股 99﹒6元 98﹒70元 49350元 ----------------------------------------
期權倉 股份 種類 張數 行使價 到期日 買入價 總成本 盈虧 ---------------------------------------- 潤地 認沽期權 10張 21元 即月 0﹒1元 2000元 -1000元 ----------------------------------------
股票市值 :49350元 期權市值 : 1000元 剩餘現金 :26980元 組合淨值 :77330元
組合本月收益表現:- 3﹒1%(截至上月底止組合淨值:79780元) 組合累計收益表現:+19﹒0%(本金65000元)
*數據截至今日11:30am
樂本健【秋日開倉26 - 27/9】保健品低至$20!► 火速行動