12/07/2017 11:45
《古臣周記-古臣》進軍美國,一擲千金買Tesla……做股東
《古臣周記》唔少上一代港男都信奉「四仔主義」,認為要齊晒「屋仔」、「車仔」、「老婆仔」、「BB仔」先叫做成功。以批判角度看,當然可以話「四仔主義」實情只係物質主義掛帥,缺乏心靈追求,但又問心,呢4大目標有邊個唔想全部達成?香港樓價升也升不停,年青人上車遙不可及,但日日OT辛苦掙錢,咪又係為咗有朝一日可以有自己嘅一個家。又即使香港交通四通八達,但阿臣亦總會幻想他朝可以買返架車喺公路上風馳電掣。
*香江開倒車,Tesla四月冇人買*
阿臣一直有留意開Tesla,早日首架平民版電動車Model 3出廠,望住佢走在時代尖端嘅設計,又盛傳會加裝可以將資訊顯示喺擋風玻璃嘅新科技,真係心郁郁。可惜稅前售價依然要3﹒5萬美元(約27﹒3萬港元),阿臣都仲要加把勁儲錢。 有報道話,自從波叔當上財爺大削電動車稅務寬減之後,一部Tesla Model S售價就由59萬大增到稅後上百萬,搞到4月已經冇港人幫襯Tesla,5月最多亦只能夠賣出5部。相對於法國計劃2040年前全面取締汽油柴油車,吉利控股旗下瑞典車廠Volvo亦決定轉型,兩年後只出產純電動同混能車,港府卻大開倒車,對環保同創新嘅支持可見一斑。
*電動車世界潮流浩浩蕩蕩,順之者昌*
無論如何,電動車將係大勢所趨,雖然愈嚟愈多傳統車行加入競爭,但Tesla大力投資電池技術研發,主力改善電動車軟肋電池成本、續航力等問題,相信佢依然有一定嘅優勢。阿臣早輪提過有興趣試玩美股,Tesla跑車買唔起,惟有做個小股東支持吓啦。 Tesla由高位380美金跌到近期310美金左右,古臣睇好佢有力再創高峰,於是都喺316美金時入市買咗兩股(當時美電造7﹒8129),手續費13﹒8美金,總成本用咗古臣645﹒8美金,即大約5045﹒6港紙。所謂「唔好將所有蛋放晒同一個籃入面」,上回古臣原打算17蚊樓下買神華(01088),可惜掛盤未成交,今次就分散風險去花旗國孖屐投資啦! 表列截至7月12日止投資組合表現:
股份 股數 買入價 現價 總值 ---------------------------------------- 港股: 長和 500股 99﹒6元 99﹒3元 49650元
美股: Tesla 2股 316美元 327﹒22美元 654﹒44美元 #(約5112港元) ---------------------------------------- #以美電7﹒8112計算
股票市值 :54762元 剩餘現金 :21934元 組合淨值 :76696元
組合本月收益表現:+ 0﹒9%(截至上月底止組合淨值:75980元) 組合累計收益表現:+18﹒0%(本金65000元)(2016年8月開倉)
*數據截至今日11:30am
*香江開倒車,Tesla四月冇人買*
阿臣一直有留意開Tesla,早日首架平民版電動車Model 3出廠,望住佢走在時代尖端嘅設計,又盛傳會加裝可以將資訊顯示喺擋風玻璃嘅新科技,真係心郁郁。可惜稅前售價依然要3﹒5萬美元(約27﹒3萬港元),阿臣都仲要加把勁儲錢。 有報道話,自從波叔當上財爺大削電動車稅務寬減之後,一部Tesla Model S售價就由59萬大增到稅後上百萬,搞到4月已經冇港人幫襯Tesla,5月最多亦只能夠賣出5部。相對於法國計劃2040年前全面取締汽油柴油車,吉利控股旗下瑞典車廠Volvo亦決定轉型,兩年後只出產純電動同混能車,港府卻大開倒車,對環保同創新嘅支持可見一斑。
*電動車世界潮流浩浩蕩蕩,順之者昌*
無論如何,電動車將係大勢所趨,雖然愈嚟愈多傳統車行加入競爭,但Tesla大力投資電池技術研發,主力改善電動車軟肋電池成本、續航力等問題,相信佢依然有一定嘅優勢。阿臣早輪提過有興趣試玩美股,Tesla跑車買唔起,惟有做個小股東支持吓啦。 Tesla由高位380美金跌到近期310美金左右,古臣睇好佢有力再創高峰,於是都喺316美金時入市買咗兩股(當時美電造7﹒8129),手續費13﹒8美金,總成本用咗古臣645﹒8美金,即大約5045﹒6港紙。所謂「唔好將所有蛋放晒同一個籃入面」,上回古臣原打算17蚊樓下買神華(01088),可惜掛盤未成交,今次就分散風險去花旗國孖屐投資啦! 表列截至7月12日止投資組合表現:
股份 股數 買入價 現價 總值 ---------------------------------------- 港股: 長和 500股 99﹒6元 99﹒3元 49650元
美股: Tesla 2股 316美元 327﹒22美元 654﹒44美元 #(約5112港元) ---------------------------------------- #以美電7﹒8112計算
股票市值 :54762元 剩餘現金 :21934元 組合淨值 :76696元
組合本月收益表現:+ 0﹒9%(截至上月底止組合淨值:75980元) 組合累計收益表現:+18﹒0%(本金65000元)(2016年8月開倉)
*數據截至今日11:30am
【你點睇】的士記分制將於周末生效,你認為該制度可否幫助的士提升服務質素?► 立即投票