10/06/2020
他的好只講不做：愛開「空頭支票」的男人，值得留下嗎？
#兩性關係 #拍拖 #男友 #空頭支票 #Love Philosophy #Her Secret「我擺女朋友第一位㗎，有時間一定見你先。」
「你鍾意我就我買俾你啦。」
「我請假陪你睇醫生吖。」
「你想嘅，我都會陪你做。」
聽上去，男友對她很不錯吧？！
「佢平時對我都OK，冇咩特別唔好，但佢嘅好，只係得個講字……」她臉有無奈的說：「上次大家約咗一齊放假出去，佢轉頭就冇咗回事約朋友，唔會做就唔好講啦。」
當旁人表面聽到她男人會溫柔的說陪她，寵她，都把他界定為暖男，但真相是只講不做，說完就算，沒有其他？
「有次我去醫院覆診，佢話請假陪我，但最後都係我自己一個去咋。」她接著說：「前排我睇中個背囊，佢又主動話買俾我，當時覺得佢都好似幾鍚我吖……不過繼續係講完就算。」
「咁整體嚟講，佢對你好唔好？」我試著弄清狀況。
「其他佢係OK……但呢樣嘢令我好忐忑。」
若論條件，她男友是很不錯—外表、工作，都符合大家口中的筍盤，該抓住不放吧，然而條件歸條件，是否真心對你好才最實際？平日他口講的，說得多好多體貼，是真是假，相處下去才發現再多的好，都不過是「得把口」？！
說他犯錯，不是；說他對她不好，亦不至於，大概是對她的事、說過的話，不太上心，隨口講，轉過頭便忘。這種人誰會OK？！話不當回事，不如不說，何必給予希望，又讓失望結尾？明明心裏對他的行徑感到困惑，但為這些事而分手又好像太過？
當第一、二次發生這樣的事情，你會覺得只是他忙所以忘了說過的話，他不是有心，事有巧合；但接連幾次，說句話像順口開河，沒頭沒尾的也不會做。是你不提，他當沒有回事；你提了，他也未必回應，嘿。
也許，無數他為你做的細節，勝過平時嘴上說得多好多愛你。