世事政情

　　【晴報專訊】洪永城（Tony）和梁諾妍（Inez）今年七月在婚禮上宣布雙喜臨門，當時已懷孕四個月的Inez，預料將會生人馬座BB。昨日Tony宣布太太日前順利誕下女兒，並曬出一家三口合照；Inez則透露當時痛足14小時都未開到宮頸，要緊急開刀，幸好囡囡最後平安出世。

Tony曬一家三口的合照，洋溢幸福之情。

　　洪永城昨日在社交網貼出一家三口首張合照，以及囡囡的可愛相，並以「女兒視覺」留言︰「大家好，我叫Amber，係人馬女，重6.2磅，想同大家打個招呼，我一出世，姐姐同叔叔就話『嘩，好似爸爸呀！』跟住我望望爸爸媽媽，我有唔開心，因為我想似媽媽多少少，媽媽好靚。」Tony又提到太太的生產過程，「我知道媽媽痛了14小時，催生了兩次，都開唔到宮頸…我仲聽到爸爸話隻手就斷，媽媽好偉大。」

羅子溢曬一家四口全家福

Amber在本月19日出世，樣子似足爸爸洪永城。

　　Tony回應傳媒時表示︰「我哋會好好照顧佢，令佢成為一個健康快樂嘅小朋友；囡囡係福星嚟，已經帶咗好多歡樂畀我哋，可以同我哋過冬至、聖誕，新年又可以睇煙花，仲可以過埋年，佢嘅出世係perfect timing（完美時機）。」Inez亦留言表示會做囡囡的最強後盾，又大爆作動時痛到又暈又作嘔，險些扭斷老公的手，她指︰「寶寶出生後就即刻喊，連我都跟住大喊咗出嚟，見到洪寶寶平安地出生，甚麼痛楚都唔緊要了，一切都很值得。」

羅子溢和楊茜堯抱住大女小珍珠和細仔，十分溫馨。

　　另外，羅子溢和太太楊茜堯的細仔亦於日前出世，昨日羅氏夫婦在社交網分享一家四口的全家福，細仔的面容亦首度曝光，畫面溫馨有愛。羅子溢更透露大女「小珍珠」羅翊心感受到自己是姐姐，所以每天都會主動摸和錫弟弟，令他們既感動又欣慰。

　　由洪永城、宋宛穎、何沛珈及魏韵芝擔任主持的資訊節目《早D知早D醫》，訪問了曾經患乳癌，現在已經康復的林淑敏。2010年她發現胸部出硬塊，經過身體檢查後，醫生告知患第二期乳癌，使她曾心情低落。治療期間嚴重甩頭髮，而且心臟變弱。她還自揭患病前飲食習慣很差，後來為了健康，下過不少功夫，把飲食習慣180度轉變。

　　相隔患病已經有14年的事，林淑敏透露當年因摸到乳房位置有硬塊立即求醫，最後結果得出患第二期乳癌。重提事情，當時醫生跟她講的說話，仍然記憶猶新：「醫生開頭好樂觀，話『如果係水嘅話，幫你抽完就走得啦』，但照完超聲波後發現有少少問題。醫生好沉默，之後抽組織，第一針係『椰絲』，第 二針都係『椰絲』，第三針……全場唔出聲，結果報告顯示患上早期乳癌。」

　　當時林淑敏感情天霹靂，曾怨天怪責上天「為何是我」。幸好獲醫生鼓勵，加上努力維持樂觀正面心態，撐過了為時多年的抗癌旅程：「醫生同我講：『你唔會死嘅，你離死亡好遙 遠，但係必須要花時間面對，治療並唔係傷風感冒，一兩個星期搞得掂。』」

　　在《愛回家之開心速遞》中，林淑敏飾演大小姐一角，每集打扮都充滿貴氣，而且見到她有一把豐盈長髮。其實她患病接受治療期間，遇到嚴重脫髮問題：「第一針化療後，開始出現脫髮副作用， 頭皮更一度痕癢至受不了，她指當時直接狠心將頭髮扯掉：「痕到搞唔掂，自己掹甩佢（頭髮），一掹就甩，之後舒服晒。」

　　「見過鬼就怕黑」的林淑敏，現時更懂得珍惜生命，經常做運動，過著健康人生：「打標靶藥期間，嗰陣心臟唔係幾好，係藥嘅副作用，問過醫生都話冇辦法、冇藥食去改善，要靠自己好番，亦提意我做吓運動。」日子有功，她由最初跑一公里要休息4、5次，到現時可以跑馬拉松，早前就跟何佩泇等人，挑戰馬拉松10公里賽事。

　　林淑敏更自揭患病前飲食習慣很差，亦都是患病成因之一：「病之前，我飲食習慣好差，每朝早餐都食雪菜肉絲餐蛋米粉，以為食好清，其實唔係。忽略咗原來每日食午餐肉，已經吸收好多人工防腐劑或者色素。而家180度變。打針化療時候，身邊朋友有唔同意見，話呢樣嗰樣唔食得，甚至乎去到最後我覺得飲水都係錯，為咗咁之後上網逐樣嘢食去check。」

　　今晚（8日）播出一集，張達明分享對抗鼻咽癌的心路歷程。他在2011年發現患病前不時出現流鼻血症狀，但由於量少加上精神不俗，當時並沒有太為意，直至檢查後得知真相，心情係驚同心痛。長達7年的電療和化療的抗癌路，他坦言四肢無力、聽力受損。他藉著今次訪問，鼓勵患病者及早求醫：「大家有病唔好太 擔心，好好去醫治，好大機會康復。」而支持他走過抗癌之路， 就是放眼看更遠和更美麗世界的期盼。