世事政情

　　由演員成功轉型為瑜伽KOL的林芊妤（Coffee）形象非常好，健康而且擁有幸福家庭，近日她接受楊詩敏（蝦頭）及練美娟（娟姐）主持的《絲打圍爐》訪問，除了大談修身減肥之道外，Coffee更大方談及自己的房事，多次被蝦頭及娟姐的追問而笑到流眼淚，非常搞笑。

　　娟姐和蝦頭忍不住伸手摸Coffee的腹肌，大讚對方腹肌超強硬，令她們非常佩服，Coffee否認每日無時無刻做計動，「梗係唔係啦，我係人嚟呀嘛，人係有惰性。減肥呢條路係永遠嘅，一開始會係好辛苦嘅階段，慢慢減變成習慣，之前我一日教九個鐘瑜伽，加上周末又鍾意去行山跑步，生活係健康嘅。自從生咗仔之後，又有瑜伽服生意，運動的確係少咗，因為冇再教瑜伽，將事業放喺網上，做運動起碼少一半，但維持身形就一星期大約兩至三日，每次一至兩個鐘就足夠。」

　　蝦頭追問Coffee如何收緊「妹妹」私處的肌肉，Coffee坦言有不少網友都私訊追問：「通常女生問我，有冇得可以緊啲，因為生完，被個BB撐大咗，有時會漏尿失禁，或者跳兩下就滲尿。其實你而家都做到，即係好似你有高潮，你會收縮一下呀嘛，死喇，我係咪講太多？」娟姐即時打蛇隨棍上指：「如果蝦頭話冇高潮咁點呀？老師！」Coffee即時尷尬道歉，改口說：「即係好似急尿要忍住唔畀佢屙出嚟咁！收緊收緊！」

　　娟姐追問Coffee擅長瑜伽是否有利房事，蝦頭都估計有更多款式可以玩，但Coffee就回應說：「我老公都比較悶，我哋兩個都比較悶，（有冇新奇有趣答案？）真係唔會，每次都一樣，就算Playback都係一樣。好多人以為我好Wild（野性），但我真係唔係，我唔係扮玉女，我唔係好有性需要，我同老公都唔係好癲嗰啲。聽朋友分享覺得佢哋好密，但我哋真係唔係。因為大家都忙，嗰方面大家都悶，冇乜新奇刺激動作。我知點解我仲未有第二個，就係呢個原因！」

　　Coffee坦言得到網友們的支持，因為她自己出身不是特別好，外貌條件本身都不是好，跌倒過、碰撞過，但亦有能夠美夢成真的一日。「我哋情緒病或者生病，80%來自我哋情緒，影響我哋容易病，特別係免疫系統，我親身經歷過。我諗成個香港都知，我都曾經經歷一段好難過嘅時間，好多人唔明，但親身經歷過，我身體侵襲我，當時自身免疫力打我自己，有硬皮症又有甲亢，不停由啲病入侵我身體，我知道係因為我情緒。」

　　張天賦（MC）和柳應廷（Jer）即將聯手開音樂會，作為香港樂壇兩位實力唱將，二人都十分期待到時同台演出，二人參加《全民造星》比賽時候認識，大家都各自在樂壇打拼到今天，到時出盡混身解數希望合作時擦出火花。

　　二人接受訪問時已經表現興奮，柳應廷表示：「當我知道有呢個合作之後係好興奮，係咁同公司講，我哋一定要接呢個Job。我自己好期待，因為由造星開始認識MC，佢一直都係一個好唱得嘅唱將，而我亦都係以唱將形象出現，所以都已經幻想到一齊會好有火花。」張天賦勾起當日比賽不少回憶，他說：「當初知道要演出《KATCH OUR LIFE音樂會》嘅時候，係未知會同邊位歌手合唱，嗰陣時就諗邊個會係我最期待呢？頭兩甲一定係Jer，因為同佢嘅歌路都有相似嘅地方，佢亦都係一位好出色嘅歌手，同台經驗唔算太多，今次有一個真正嘅Concert可以同佢合作，同佢一樣超級興奮。」

　　二人背景都十分相似，他們同樣是《造星》出身、入行前經常Busking、懂得玩結他、唱歌音域與曲風也差不多，有著這麼多的「相似」，柳應廷幻想：「應該喺聲音上面嘅交流，大家好似擂台上面較量嘅感覺，好似兩個Fighter，鍛鍊咗一身武功，到時去到擂台大家會All In攞出嚟。」

　　張天賦腦海裡面亦呈現了很多不同畫面，他繪形繪聲道：「可能會係各持一方，好似音樂會海報咁一黑一白，然後大家去做一個拉扯或者對抗，甚至喺台上面一齊玩樂器，或者我哋會攞我哋畢生所學嘅嘢出嚟，或者攞啲我哋唔識嘅嘢出嚟玩，我覺得都係幾有趣嘅一個地方。」

　　張天賦同樣希望在唱功上，可以給台下觀眾驚喜，他說：「今次揀歌方面偏向平時未必可以喺舞台上面，或者未必有機會玩嘅歌，再喺入面揀一啲再刺激啲再Extreme（極瑞）啲嘅作品出嚟，因為好多時候揀歌都要迎合某啲原因，但今次同Jer合作可以大膽啲玩多啲嘢，同埋我哋加埋嘅上限係會高好多。」柳應廷亦希望做出一個截然不同的音樂會，他表示：「近排大家都愛上推出搖滾、Powerful啲嘅歌，宣傳Poster裡面大家亦都攞住結他Rock Rock地，都幾期待我哋到時喺台上面變成一個Band Show，然後一齊揈頭，台下有人轉圈（Mosh Pit），講下笑，未必會，但會係一個好投入但又幾有力量嘅表演。」

　　二人傾力演出，他們期待台上台下打成一片的畫面，張天賦提醒入場觀眾該要帶住非常期待的心情：「要同我一樣咁期待，因為目前好多嘢都係未知之數，但如我所講，我同Jer會擦出一個好強勁嘅火花，而且呢個係冇下限亦都冇上限嘅火花，好似睇煙花咁，你唔知會射得幾高、幾勁。」