世事政情

　　男團MIRROR將於下周一（15日）於亞博ARENA開演唱會，12位成員昨日（8日）已到亞博踩台。呂爵安（Edan）在IG po出在排舞室及亞博舞台影的相，相中可見未開始搭台。而江熚生（AK）亦有po出story，不過卻是全黑圖。

　　今次AK po全黑圖未知是甚麼意思，而他再度更新近況，原來他生病了，留言：「仲有6日，咪玩嘢呀。」

　　除了兩位MIRROR成員外，演唱會監製莊少榮昨晚亦有po出IG Story，首兩個帖子分別留言「唉」及「xxxxx」。及後又再出第三個Story留言：「每日，盡力而為。希望，一切順利。一定要集中精神，亦要爭取時間好好休息。Goodnight。」另外，隊長楊樂文 （Lokman）受訪時表示今次演唱會唔多機關，望用團員個人魅力制霸亞博。

　　前年MIRROR紅館演唱會舉行前意外頻生，12位成員與舞者踩台時間嚴重不足，先是綵排日有舞蹈員升降台跌下受傷送院，當時一眾舞蹈員IG發全黑屏以示不滿，斥有關方面沒有尊重舞蹈員，AK亦曾喺開騷前於IG限時動態貼出「黑圖」，當時他曾發帖，「第一次係意外，第二次係大意，第三次係疏忽。」。而首場演出中，由於機關失靈，AK跳舞時一度失衡，而舞台設計一個類似平衡木的舞台上，幾位隊員包括Edan、姜濤等都幾乎差錯腳跌落台，而其中一個L字形天橋更是上下搖晃，睇落非常牙煙。

　　在第二場演出中，雖然很多機關的安排都取消，不過成員Frankie陳瑞輝卻意外跌落台受傷，鏡粉們決定聯署投訴。及至第四場卻發生巨屏墮下事故，令舞蹈員阿Mo李啟言及張梓峯受傷，事發後，Edan及AK江熚生在IG Po出全黑屏畫面以示憤怒。阿Mo傷勢嚴重，至今仍在醫院接受治療。

　　人氣組合MIRROR世界巡迴演唱會多倫多站圓滿落幕，此場演唱會亦是北美區的尾站，而MIRROR下一站的演出將會是4月28日的馬來西亞吉隆坡站，但據知吉隆波演唱會突然取消。

　　MIRROR原定4月28日的馬來西亞演唱會，將在當地亞洲體育館晚上七時舉行，主辦方早於3月26日已經優先發售，票價為1,950港元一張，正當各馬國鏡粉非常期待之際，如今突然取消，傳因主辦單位資金出現問題才有此決定。

　　此外，現正於美加進行巡迴演唱會的MIRROR，繼早前接受外國電視台訪問，12子亦接受了外國媒體的訪問。MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，主播Julia Chatterley問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個依家單身，Edan自己、Jer、AK、Ian、姜濤、Alton、Anson Lo及Jeremy都齊齊舉手，十分坦承公開自己的戀愛狀況。

　　Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事老，Jeremy亦指二人有時都會採取沉默的方式，以免火上加油。其實MIRROR 12子都有自己一個群組，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」MIRROR亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

　　被問到想跟美國或英國哪位歌手合作？AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」