世事政情

　　34歲的盛勁為獲「十優港姐」麥明詩（Louisa）主動求婚，以手錶代戒指打破傳統女仔採取主動，沒想到過程既浪漫又甜蜜。盛勁為成功考取飛機師執照，再娶港姐冠軍做老婆，絕對成為不少港男心目中的偶像。其實盛勁為出身的背景不是特別富裕，公屋出身的他四姊弟各自靠努力得到一番成就。

兩人都流下感動之淚（盛勁為IG）

麥明詩主動求婚（盛勁為IG）

　　盛勁為出身於屯門田景邨公屋，有兩姊一弟，他在家中排行第三，大家姐盛幹心任職資產管理區域的資深保險經理，而弟弟盛龍亨是國際特許財務策劃師。盛勁為原本中學成績原本不是特別好，不過為追「精英班」的女同學發奮，加上知道公開試考得差的話，父母根本沒能力讓他外國升學，所以努力考會考，最終得到25分。隨後高考成績讓他成功考入香港大學經濟及金融系，盛勁為表示自己沒太大興趣，不過偶遇國泰及港龍的招聘展覽，希望可以成為港人飛機師的一份子，於是考足三次，最終成功當上飛機師。

　　外界視為「鐵飯碗」的飛機師，盛勁為沒想到因疫情而被裁員，他除了在麥明詩鼓勵下參與《#後生仔傾吓偈》及《衝上雲霄大選》獲得亞軍外，並沒有停下腳步，先開始創業經營點心店，後來又考獲保險牌照，跟家姐同細佬一齊做保險經紀，在疫情的三年多以來，多次成功轉型，非常上進。

盛勁為靠努力考獲飛機師執照（盛勁為IG）

　　疫情緩和，世界各地通關後，盛勁為跟老友麥大力一齊重返國泰做飛機師，不過由於飛行里數不足的關係，再次由低做起。盛勁為是孝順仔一名，IG不乏見到他的家庭照，做飛機師期間，安排家人輪流乘坐他駕駛的客機，又經常跟家人一齊旅行。

　　麥明詩（Louisa）與機師盛勁為上月舉行3場「勁甜麥」盛大婚禮，包括圍村盆菜宴、遊艇會婚宴及戶外結婚派對。籌備一場婚禮已經好辛苦，分三場舉行更是超高難度，麥明詩坦言舉行馬拉松式婚禮，原因只想人人開心，尤其「四大長老」的心情特別重要，寄語大家不要輕信家人「冇所謂」之言。

　　麥明詩順利完成三場不同主題、形式的完美婚禮，已成為香港準新人的典範。麥明詩9日分享心得：「唔少朋友都問我，哇搞三場婚禮，咪好辛苦！的確係，完事後直情要瞓足成個禮拜先recover（復原）到。其實唔係因為想搞到好『盛』大，而係源自於一個儘量make everyone happy嘅初心。」

　　不少人籌備婚禮期間，與愛侶、家人發生不少衝突，明明開心事卻令大家有磨擦。麥明詩說：「由於我和盛生好怕衝突、唔開心，所以我哋好早就決定將婚禮分幾次搞，而每一場都有各自嘅主角。大大小小嘅選擇就因住主角嘅需求而決定。」她表示第一場圍村盆菜宴的主角並非自己，而是老爺、奶奶：「我地盡跟圍村傳統，賓客絕大部份都係佢哋嘅親戚和朋友，而表演嘉賓方面，就邀請了奶奶很喜愛嘅李龍基先生。」

　　麥明詩也沒有忽略自己父母：「第二場係（遊艇會）正常擺酒，主角就係麥生麥太，菜式、流程、程序等都以佢地嘅意見為首。圍數全部歸佢地兩老，只受場地所限而唔使同對家協調。」先滿足四大長老，然後再到一對新人自己的意願，第三場婚宴就是麥明詩和老公最期待的戶外瘋狂派對：「主角終於係我同盛生喇，因為之前已經take care咗雙方父母嘅要求，呢次我哋就可以盡情選擇自己鍾意嘅嘢 - 戶外草地、樂隊歌曲、西式食物、無限酒精… 爸爸媽媽雖然唔識欣賞，但係都好盡力去嘗試投入。」

　　原來麥明詩不單止讀書拎10A，連做女兒、新抱都攞10A：「呢個（三場婚宴）安排，幫我哋避免咗唔少衝突。男女家唔使爭圍數、長輩和後輩唔使爭論食物和形式中式定西式；頭兩場我和盛生安分守己地做好兒子和女兒的本分，再於尾場玩得好盡興（盡興到啲相都唔出得街）。咁壞處就係… 真係好攰。」

　　她搞笑地提醒網民，一定不要相信家人「冇所謂」之言：「每人屋企都唔一樣，家家有本難念的經，以上純粹share下我倆嘅經驗。總括來講，我爸爸媽媽、老爺奶奶也是非常隨和，我們非常幸運，而最後似乎各人都開心。不過同時都提醒一句，家人話『冇咩所謂，簡簡單單就OK』呢句說話…ummm…千祈唔好盡信呀！唔知你哋又有冇啲咩婚禮後嘅insight呢？喺comment share吓吖！」