世事政情

　　劇集《家族榮耀之繼承者》預告片早前正式曝光，估計快將強勢播出，短短預告片中見盡17名主要演員和角色，其中最令人期待的相信是叫好又叫座的三料視后佘詩曼，今次佘詩曼的加盟，飾演名門望族的富三代，掀起家族權鬥的一陣腥風血雨。

　　金牌監製梁家樹與陳德修聯合監製的《家族榮耀》叫好叫座，2022 年播出時大結局錄得（7天跨平台總收視）30.3 點高收視，全劇平均收視亦高達 27 點。劇組去年承接劇集好聲勢落實開拍續集《家族榮耀之繼承者》，並即將強勢登陸翡翠台，無線於昨晚推出首個宣傳預告片。《家族榮耀之繼承者》分別於馬來西亞及香港取景，同樣是以豪門家族為題材的精製劇集，故事講述丘家長孫女丘皓兒（佘詩曼飾）雖然精明能幹，但礙於是女兒身份，加上父親丘家大兒子守仁（許紹雄飾）看淡權力及名利，令皓兒在家族中一直不得勢，公司大權完全落在丘老太爺（劉江飾）二兒子守義（羅嘉良飾）及守義兒子智斌（羅子溢飾）手上。不過因為丘老太爺突然病重，並留下委託書著皓兒全權代理集團主席要務，令原本已關係緊張的丘家一夜變天，一幕幕峰迴路轉而又緊張刺激的繼承者大戰如箭在弦。

　　《家族榮耀之繼承者》由宣布開拍續集至今，卡士一直是外界關注焦點，根據無線昨晚釋出的首條預告，17 名主演大頭全面曝光，先後為（按預告出場序）佘詩曼、羅嘉良、許紹雄、余安安、林峯、黃浩然、張鳳妮、陳靜、梁靖琪、陳瀅、梁諾妍、王敏奕、劉江、吳岱融、龔慈恩、劉浩龍及羅子溢，眾演員各懷鬼胎的神情及滿是仇恨的眼神，配以「豪門上流全員惡鬥」的宣傳字句，劇力萬鈞。17位演員之中，除了去年在《萬千星輝頒獎典禮》中連掃「最佳女主角」、「大灣區最喜愛 TVB 女主角」及「馬來西亞最喜愛 TVB 女主角」三個大獎的佘詩曼值得期待，在上季大結局以彩蛋形式出場搶盡焦點的羅嘉良亦相當搶焦，今集「升呢」《家族》系主角行列的羅嘉良，除了以一貫好演技吸引觀眾眼球，一頭微曲白髮的老妝配以老謀深算的神情，帶出新鮮感的同時、亦演活了角色應有的壓迫感。除了演員陣容，預告片亦曝光了劇集重要場口，除了有羅嘉良與劇中兒子羅子溢密謀對付佘詩曼的盤算場口外，還有余安安怒摑阿佘一幕，到底「家人」如何令你感覺恍如每日置身地獄？

　　張天賦（MC）和柳應廷（Jer）即將聯手開音樂會，作為香港樂壇兩位實力唱將，二人都十分期待到時同台演出，二人參加《全民造星》比賽時候認識，大家都各自在樂壇打拼到今天，到時出盡混身解數希望合作時擦出火花。

　　二人接受訪問時已經表現興奮，柳應廷表示：「當我知道有呢個合作之後係好興奮，係咁同公司講，我哋一定要接呢個Job。我自己好期待，因為由造星開始認識MC，佢一直都係一個好唱得嘅唱將，而我亦都係以唱將形象出現，所以都已經幻想到一齊會好有火花。」張天賦勾起當日比賽不少回憶，他說：「當初知道要演出《KATCH OUR LIFE音樂會》嘅時候，係未知會同邊位歌手合唱，嗰陣時就諗邊個會係我最期待呢？頭兩甲一定係Jer，因為同佢嘅歌路都有相似嘅地方，佢亦都係一位好出色嘅歌手，同台經驗唔算太多，今次有一個真正嘅Concert可以同佢合作，同佢一樣超級興奮。」

　　二人背景都十分相似，他們同樣是《造星》出身、入行前經常Busking、懂得玩結他、唱歌音域與曲風也差不多，有著這麼多的「相似」，柳應廷幻想：「應該喺聲音上面嘅交流，大家好似擂台上面較量嘅感覺，好似兩個Fighter，鍛鍊咗一身武功，到時去到擂台大家會All In攞出嚟。」

　　張天賦腦海裡面亦呈現了很多不同畫面，他繪形繪聲道：「可能會係各持一方，好似音樂會海報咁一黑一白，然後大家去做一個拉扯或者對抗，甚至喺台上面一齊玩樂器，或者我哋會攞我哋畢生所學嘅嘢出嚟，或者攞啲我哋唔識嘅嘢出嚟玩，我覺得都係幾有趣嘅一個地方。」

　　張天賦同樣希望在唱功上，可以給台下觀眾驚喜，他說：「今次揀歌方面偏向平時未必可以喺舞台上面，或者未必有機會玩嘅歌，再喺入面揀一啲再刺激啲再Extreme（極瑞）啲嘅作品出嚟，因為好多時候揀歌都要迎合某啲原因，但今次同Jer合作可以大膽啲玩多啲嘢，同埋我哋加埋嘅上限係會高好多。」柳應廷亦希望做出一個截然不同的音樂會，他表示：「近排大家都愛上推出搖滾、Powerful啲嘅歌，宣傳Poster裡面大家亦都攞住結他Rock Rock地，都幾期待我哋到時喺台上面變成一個Band Show，然後一齊揈頭，台下有人轉圈（Mosh Pit），講下笑，未必會，但會係一個好投入但又幾有力量嘅表演。」

　　二人傾力演出，他們期待台上台下打成一片的畫面，張天賦提醒入場觀眾該要帶住非常期待的心情：「要同我一樣咁期待，因為目前好多嘢都係未知之數，但如我所講，我同Jer會擦出一個好強勁嘅火花，而且呢個係冇下限亦都冇上限嘅火花，好似睇煙花咁，你唔知會射得幾高、幾勁。」